| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
5. நத்தி²தி³ன்னஸுத்தவண்ணனா
5. Natthidinnasuttavaṇṇanā
210. நத்தி² தி³ன்னந்திஆதீ³ஸு நத்தி² தி³ன்னந்தி தி³ன்னஸ்ஸ ப²லாபா⁴வங் ஸந்தா⁴ய வத³ந்தி. யிட்ட²ங் வுச்சதி மஹாயாகோ³. ஹுதந்தி பஹேணகஸக்காரோ அதி⁴ப்பேதோ. தம்பி உப⁴யங் ப²லாபா⁴வமேவ ஸந்தா⁴ய படிக்கி²பந்தி. ஸுகதது³க்கடானந்தி ஸுகதது³க்கதானங், குஸலாகுஸலானந்தி அத்தோ². ப²லங் விபாகோதி யங் ப²லந்தி வா விபாகோதி வா வுச்சதி, தங் நத்தீ²தி வத³ந்தி. நத்தி² அயங் லோகோதி பரலோகே டி²தஸ்ஸ அயங் லோகோ நத்தி². நத்தி² பரோ லோகோதி இத⁴ லோகே டி²தஸ்ஸபி பரோ லோகோ நத்தி², ஸப்³பே³ தத்த² தத்தே²வ உச்சி²ஜ்ஜந்தீதி த³ஸ்ஸெந்தி. நத்தி² மாதா நத்தி² பிதாதி தேஸு ஸம்மாபடிபத்திமிச்சா²படிபத்தீனங் ப²லாபா⁴வவஸேன வத³ந்தி. நத்தி² ஸத்தா ஓபபாதிகாதி சவித்வா உப்பஜ்ஜனகஸத்தா நாம நத்தீ²தி வத³ந்தி. நத்தி² லோகே ஸமணப்³ராஹ்மணாதி லோகே ஸம்மாபடிபன்னா ஸமணப்³ராஹ்மணா நாம நத்தீ²தி வத³ந்தி.
210.Natthidinnantiādīsu natthi dinnanti dinnassa phalābhāvaṃ sandhāya vadanti. Yiṭṭhaṃ vuccati mahāyāgo. Hutanti paheṇakasakkāro adhippeto. Tampi ubhayaṃ phalābhāvameva sandhāya paṭikkhipanti. Sukatadukkaṭānanti sukatadukkatānaṃ, kusalākusalānanti attho. Phalaṃ vipākoti yaṃ phalanti vā vipākoti vā vuccati, taṃ natthīti vadanti. Natthi ayaṃ lokoti paraloke ṭhitassa ayaṃ loko natthi. Natthi paro lokoti idha loke ṭhitassapi paro loko natthi, sabbe tattha tattheva ucchijjantīti dassenti. Natthi mātā natthi pitāti tesu sammāpaṭipattimicchāpaṭipattīnaṃ phalābhāvavasena vadanti. Natthi sattā opapātikāti cavitvā uppajjanakasattā nāma natthīti vadanti. Natthi loke samaṇabrāhmaṇāti loke sammāpaṭipannā samaṇabrāhmaṇā nāma natthīti vadanti.
சாதுமஹாபூ⁴திகோதி சதுமஹாபூ⁴தமயோ. பத²வீ பத²வீகாயந்தி அஜ்ஜ²த்திகா பத²வீதா⁴து பா³ஹிரங் பத²வீதா⁴துங். அனுபேதீதி அனுயாதி. அனுபக³ச்ச²தீதி தஸ்ஸேவ வேவசனங், அனுக³ச்ச²தீதிபி அத்தோ². உப⁴யேனாபி உபேதி உபக³ச்ச²தீதி த³ஸ்ஸெந்தி. ஆபாதீ³ஸுபி ஏஸேவ நயோ. இந்த்³ரியானீதி மனச்ச²ட்டா²னி இந்த்³ரியானி. ஸங்கமந்தீதி ஆகாஸங் பக்க²ந்த³ந்தி. ஆஸந்தி³பஞ்சமாதி நிபன்னமஞ்சேன பஞ்சமா, மஞ்சோ சேவ, சத்தாரோ மஞ்சபாதே³ க³ஹெத்வா டி²தா சத்தாரோ புரிஸா சாதி அத்தோ². யாவ ஆளாஹனாதி யாவ ஸுஸானா. பதா³னீதி ‘‘அயங் ஏவங் ஸீலவா அஹோஸி, ஏவங் து³ஸ்ஸீலோ’’திஆதி³னா நயேன பவத்தானி கு³ணாகு³ணபதா³னி. ஸரீரமேவ வா எத்த² பதா³னீதி அதி⁴ப்பேதங். காபோதகானீதி கபோதகவண்ணானி, பாராவதபக்க²வண்ணானீதி அத்தோ². ப⁴ஸ்ஸந்தாதி ப⁴ஸ்மந்தா. அயமேவ வா பாளி. ஆஹுதியோதி யங் பஹேணகஸக்காராதி³பே⁴த³ங் தி³ன்னதா³னங், ஸப்³ப³ங் தங் சா²ரிகாவஸானமேவ ஹோதி, ந ததோ பரங் ப²லதா³யகங் ஹுத்வா க³ச்ச²தீதி அத்தோ². த³த்துபஞ்ஞத்தந்தி த³த்தூஹி பா³லமனுஸ்ஸேஹி பஞ்ஞத்தங். இத³ங் வுத்தங் ஹோதி – பா³லேஹி அபு³த்³தீ⁴ஹி பஞ்ஞத்தமித³ங் தா³னங், ந பண்டி³தேஹி. பா³லா தெ³ந்தி, பண்டி³தா க³ண்ஹந்தீதி த³ஸ்ஸெந்தி.
Cātumahābhūtikoti catumahābhūtamayo. Pathavī pathavīkāyanti ajjhattikā pathavīdhātu bāhiraṃ pathavīdhātuṃ. Anupetīti anuyāti. Anupagacchatīti tasseva vevacanaṃ, anugacchatītipi attho. Ubhayenāpi upeti upagacchatīti dassenti. Āpādīsupi eseva nayo. Indriyānīti manacchaṭṭhāni indriyāni. Saṅkamantīti ākāsaṃ pakkhandanti. Āsandipañcamāti nipannamañcena pañcamā, mañco ceva, cattāro mañcapāde gahetvā ṭhitā cattāro purisā cāti attho. Yāva āḷāhanāti yāva susānā. Padānīti ‘‘ayaṃ evaṃ sīlavā ahosi, evaṃ dussīlo’’tiādinā nayena pavattāni guṇāguṇapadāni. Sarīrameva vā ettha padānīti adhippetaṃ. Kāpotakānīti kapotakavaṇṇāni, pārāvatapakkhavaṇṇānīti attho. Bhassantāti bhasmantā. Ayameva vā pāḷi. Āhutiyoti yaṃ paheṇakasakkārādibhedaṃ dinnadānaṃ, sabbaṃ taṃ chārikāvasānameva hoti, na tato paraṃ phaladāyakaṃ hutvā gacchatīti attho. Dattupaññattanti dattūhi bālamanussehi paññattaṃ. Idaṃ vuttaṃ hoti – bālehi abuddhīhi paññattamidaṃ dānaṃ, na paṇḍitehi. Bālā denti, paṇḍitā gaṇhantīti dassenti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. நத்தி²தி³ன்னஸுத்தங் • 5. Natthidinnasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. நத்தி²தி³ன்னஸுத்தவண்ணனா • 5. Natthidinnasuttavaṇṇanā
