| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. над̇т̇ид̣̇иннасуд̇д̇аван̣н̣анаа
5. Natthidinnasuttavaṇṇanā
210. над̇т̇и д̣̇иннанд̇иаад̣̇ийсу над̇т̇и д̣̇иннанд̇и д̣̇иннасса палаабхаавам̣ санд̇хааяа вад̣̇анд̇и. яидтам̣ вужжад̇и махааяааг̇о. худ̇анд̇и бахзн̣агасаггааро ад̇хиббзд̇о. д̇амби убхаяам̣ палаабхаавамзва санд̇хааяа бадигкибанд̇и. сугад̇ад̣̇уггадаананд̇и сугад̇ад̣̇уггад̇аанам̣, гусалаагусалаананд̇и ад̇т̇о. палам̣ вибаагод̇и яам̣ паланд̇и ваа вибаагод̇и ваа вужжад̇и, д̇ам̣ над̇т̇ийд̇и вад̣̇анд̇и. над̇т̇и аяам̣ логод̇и баралогз тид̇асса аяам̣ лого над̇т̇и. над̇т̇и баро логод̇и ид̇ха логз тид̇ассаби баро лого над̇т̇и, саб̣б̣з д̇ад̇т̇а д̇ад̇т̇зва ужчиж̇ж̇анд̇ийд̇и д̣̇ассзнд̇и. над̇т̇и маад̇аа над̇т̇и бид̇аад̇и д̇зсу саммаабадибад̇д̇имижчаабадибад̇д̇ийнам̣ палаабхаававасзна вад̣̇анд̇и. над̇т̇и сад̇д̇аа обабаад̇игаад̇и жавид̇ваа уббаж̇ж̇анагасад̇д̇аа наама над̇т̇ийд̇и вад̣̇анд̇и. над̇т̇и логз саман̣аб̣раахман̣аад̇и логз саммаабадибаннаа саман̣аб̣раахман̣аа наама над̇т̇ийд̇и вад̣̇анд̇и.
210.Natthidinnantiādīsu natthi dinnanti dinnassa phalābhāvaṃ sandhāya vadanti. Yiṭṭhaṃ vuccati mahāyāgo. Hutanti paheṇakasakkāro adhippeto. Tampi ubhayaṃ phalābhāvameva sandhāya paṭikkhipanti. Sukatadukkaṭānanti sukatadukkatānaṃ, kusalākusalānanti attho. Phalaṃ vipākoti yaṃ phalanti vā vipākoti vā vuccati, taṃ natthīti vadanti. Natthi ayaṃ lokoti paraloke ṭhitassa ayaṃ loko natthi. Natthi paro lokoti idha loke ṭhitassapi paro loko natthi, sabbe tattha tattheva ucchijjantīti dassenti. Natthi mātā natthi pitāti tesu sammāpaṭipattimicchāpaṭipattīnaṃ phalābhāvavasena vadanti. Natthi sattā opapātikāti cavitvā uppajjanakasattā nāma natthīti vadanti. Natthi loke samaṇabrāhmaṇāti loke sammāpaṭipannā samaṇabrāhmaṇā nāma natthīti vadanti.
жаад̇умахаабхууд̇игод̇и жад̇умахаабхууд̇амаяо. бат̇авий бат̇авийгааяанд̇и аж̇жхад̇д̇игаа бат̇авийд̇хаад̇у б̣аахирам̣ бат̇авийд̇хаад̇ум̣. анубзд̇ийд̇и ануяаад̇и. анубаг̇ажчад̇ийд̇и д̇ассзва взважанам̣, ануг̇ажчад̇ийд̇иби ад̇т̇о. убхаязнааби убзд̇и убаг̇ажчад̇ийд̇и д̣̇ассзнд̇и. аабаад̣̇ийсуби зсзва наяо. инд̣̇рияаанийд̇и манажчадтаани инд̣̇рияаани. сан̇гаманд̇ийд̇и аагаасам̣ багканд̣̇анд̇и. аасанд̣̇ибан̃жамаад̇и нибаннаман̃жзна бан̃жамаа, ман̃жо жзва, жад̇д̇ааро ман̃жабаад̣̇з г̇ахзд̇ваа тид̇аа жад̇д̇ааро бурисаа жаад̇и ад̇т̇о. яаава аал̣ааханаад̇и яаава сусаанаа. бад̣̇аанийд̇и ‘‘аяам̣ звам̣ сийлаваа ахоси, звам̣ д̣̇уссийло’’д̇иаад̣̇инаа наязна бавад̇д̇аани г̇ун̣ааг̇ун̣абад̣̇аани. сарийрамзва ваа зд̇т̇а бад̣̇аанийд̇и ад̇хиббзд̇ам̣. гаабод̇агаанийд̇и габод̇агаван̣н̣аани, баараавад̇абагкаван̣н̣аанийд̇и ад̇т̇о. бхассанд̇аад̇и бхасманд̇аа. аяамзва ваа баал̣и. аахуд̇ияод̇и яам̣ бахзн̣агасаггаараад̣̇ибхзд̣̇ам̣ д̣̇иннад̣̇аанам̣, саб̣б̣ам̣ д̇ам̣ чааригаавасаанамзва ход̇и, на д̇ад̇о барам̣ палад̣̇ааяагам̣ худ̇ваа г̇ажчад̇ийд̇и ад̇т̇о. д̣̇ад̇д̇убан̃н̃ад̇д̇анд̇и д̣̇ад̇д̇уухи б̣ааламануссзхи бан̃н̃ад̇д̇ам̣. ид̣̇ам̣ вуд̇д̇ам̣ ход̇и – б̣аалзхи аб̣уд̣̇д̇хийхи бан̃н̃ад̇д̇амид̣̇ам̣ д̣̇аанам̣, на бан̣д̣ид̇зхи. б̣аалаа д̣̇знд̇и, бан̣д̣ид̇аа г̇ан̣ханд̇ийд̇и д̣̇ассзнд̇и.
Cātumahābhūtikoti catumahābhūtamayo. Pathavī pathavīkāyanti ajjhattikā pathavīdhātu bāhiraṃ pathavīdhātuṃ. Anupetīti anuyāti. Anupagacchatīti tasseva vevacanaṃ, anugacchatītipi attho. Ubhayenāpi upeti upagacchatīti dassenti. Āpādīsupi eseva nayo. Indriyānīti manacchaṭṭhāni indriyāni. Saṅkamantīti ākāsaṃ pakkhandanti. Āsandipañcamāti nipannamañcena pañcamā, mañco ceva, cattāro mañcapāde gahetvā ṭhitā cattāro purisā cāti attho. Yāva āḷāhanāti yāva susānā. Padānīti ‘‘ayaṃ evaṃ sīlavā ahosi, evaṃ dussīlo’’tiādinā nayena pavattāni guṇāguṇapadāni. Sarīrameva vā ettha padānīti adhippetaṃ. Kāpotakānīti kapotakavaṇṇāni, pārāvatapakkhavaṇṇānīti attho. Bhassantāti bhasmantā. Ayameva vā pāḷi. Āhutiyoti yaṃ paheṇakasakkārādibhedaṃ dinnadānaṃ, sabbaṃ taṃ chārikāvasānameva hoti, na tato paraṃ phaladāyakaṃ hutvā gacchatīti attho. Dattupaññattanti dattūhi bālamanussehi paññattaṃ. Idaṃ vuttaṃ hoti – bālehi abuddhīhi paññattamidaṃ dānaṃ, na paṇḍitehi. Bālā denti, paṇḍitā gaṇhantīti dassenti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. над̇т̇ид̣̇иннасуд̇д̇ам̣ • 5. Natthidinnasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. над̇т̇ид̣̇иннасуд̇д̇аван̣н̣анаа • 5. Natthidinnasuttavaṇṇanā
