| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. над̇т̇ид̣̇иннасуд̇д̇аван̣н̣анаа
5. Natthidinnasuttavaṇṇanā
210. д̣̇иннанд̇и д̣̇зяяад̇хаммасийсзна д̣̇аанам̣ вуд̇д̇анд̇и ааха ‘‘д̣̇иннасса палаабхаавам̣ санд̇хааяаа’’д̇и, д̣̇иннам̣ бана аннаад̣̇ивад̇т̇ум̣ гат̇ам̣ бадигкибанд̇и. зса наяо ‘‘яидтам̣ худ̇а’’нд̇и зд̇т̇ааби. махааяааг̇од̇и саб̣б̣асаад̇хааран̣ам̣ махаад̣̇аанам̣. бахзн̣агасаггаарод̇и баахунагаанам̣ гаад̇аб̣б̣асаггааро. паланд̇и аанисам̣сапалам̣ ниссанд̣̇апалан̃жа. вибаагод̇и сад̣̇исапалам̣. баралогз тид̇асса аяам̣ лого над̇т̇ийд̇и баралогз тид̇асса гаммунаа лад̣̇д̇хаб̣б̣о аяам̣ лого на ход̇и. ид̇халогз тид̇ассаби баралого над̇т̇ийд̇и ид̇халогз тид̇асса гаммунаа лад̣̇д̇хаб̣б̣о баралого на ход̇и. д̇ад̇т̇а гааран̣амааха – ‘‘саб̣б̣з д̇ад̇т̇а д̇ад̇т̇зва ужчиж̇ж̇анд̇ий’’д̇и. имз сад̇д̇аа яад̇т̇а яад̇т̇а бхавз яониаад̣̇ийсу жа тид̇аа, д̇ад̇т̇а д̇ад̇т̇зва ужчиж̇ж̇анд̇и нируд̣̇аяавинаасавасзна нассанд̇и. палаабхаававасзнаад̇и маад̇аабид̇уусу саммаабадибад̇д̇имижчаабадибад̇д̇ийнам̣ паласса абхаававасзна ‘‘над̇т̇и маад̇аа, над̇т̇и бид̇аа’’д̇и вад̣̇анд̇и, на маад̇аабид̇уунам̣, нааби д̇зсу ид̣̇аани гарияамаанасаггаараасаггаараанам̣ абхаававасзна д̇зсам̣ логабажжагкад̇д̇аа. буб̣б̣ул̣агасса вияа имзсам̣ сад̇д̇аанам̣ уббаад̣̇о наама гзвало, на бхавад̇о жавид̇ваа ааг̇аманабуб̣б̣агод̇и д̣̇ассанад̇т̇ам̣ ‘‘над̇т̇и сад̇д̇аа обабаад̇игаа’’д̇и вуд̇д̇анд̇и ааха – ‘‘жавид̇ваа уббаж̇ж̇анагасад̇д̇аа наама над̇т̇ий’’д̇и. саман̣зна наама яаат̇аавад̇о ж̇аананд̇зна гассажи агат̇зд̇ваа сан̃н̃ад̇зна бхавид̇аб̣б̣ам̣, ан̃н̃ат̇аа аахобурисигаа наама сияаа. гин̃хи баро барасса гариссад̇и, д̇ат̇аа жа ад̇д̇ано самбаад̣̇анасса гассажи авассаяо зва на сияаа д̇ад̇т̇а д̇ад̇т̇зва ужчиж̇ж̇анад̇од̇и ааха ‘‘яз иман̃жа…бз… бавзд̣̇знд̇ий’’д̇и.
210.Dinnanti deyyadhammasīsena dānaṃ vuttanti āha ‘‘dinnassa phalābhāvaṃ sandhāyā’’ti, dinnaṃ pana annādivatthuṃ kathaṃ paṭikkhipanti. Esa nayo ‘‘yiṭṭhaṃ huta’’nti etthāpi. Mahāyāgoti sabbasādhāraṇaṃ mahādānaṃ. Paheṇakasakkāroti pāhunakānaṃ kātabbasakkāro. Phalanti ānisaṃsaphalaṃ nissandaphalañca. Vipākoti sadisaphalaṃ. Paraloke ṭhitassa ayaṃ loko natthīti paraloke ṭhitassa kammunā laddhabbo ayaṃ loko na hoti. Idhaloke ṭhitassapi paraloko natthīti idhaloke ṭhitassa kammunā laddhabbo paraloko na hoti. Tattha kāraṇamāha – ‘‘sabbe tattha tattheva ucchijjantī’’ti. Ime sattā yattha yattha bhave yoniādīsu ca ṭhitā, tattha tattheva ucchijjanti nirudayavināsavasena nassanti. Phalābhāvavasenāti mātāpitūsu sammāpaṭipattimicchāpaṭipattīnaṃ phalassa abhāvavasena ‘‘natthi mātā, natthi pitā’’ti vadanti, na mātāpitūnaṃ, nāpi tesu idāni kariyamānasakkārāsakkārānaṃ abhāvavasena tesaṃ lokapaccakkhattā. Pubbuḷakassa viya imesaṃ sattānaṃ uppādo nāma kevalo, na bhavato cavitvā āgamanapubbakoti dassanatthaṃ ‘‘natthi sattā opapātikā’’ti vuttanti āha – ‘‘cavitvā uppajjanakasattā nāma natthī’’ti. Samaṇena nāma yāthāvato jānantena kassaci akathetvā saññatena bhavitabbaṃ, aññathā āhopurisikā nāma siyā. Kiñhi paro parassa karissati, tathā ca attano sampādanassa kassaci avassayo eva na siyā tattha tattheva ucchijjanatoti āha ‘‘ye imañca…pe… pavedentī’’ti.
жад̇уусу махаабхууд̇зсу нияуд̇д̇од̇и жаад̇умахаабхууд̇иго. яат̇аа бана мад̇д̇игааяа ниб̣б̣ад̇д̇ам̣ бхааж̇анам̣ мад̇д̇игаамаяам̣, звамаяам̣ жад̇уухи махаабхууд̇зхи ниб̣б̣ад̇д̇од̇и ааха ‘‘жад̇умахаабхууд̇амаяо’’д̇и. аж̇жхад̇д̇игаа бат̇авийд̇хаад̇ууд̇и сад̇д̇асанд̇аанаг̇ад̇аа бат̇авийд̇хаад̇у. б̣аахирам̣ бат̇авийд̇хаад̇унд̇и б̣ахид̣̇д̇хаа махаабат̇авим̣. ануяаад̇ийд̇и д̇асса ануруубабхаавзна яаад̇и убзд̇и. убаг̇ажчад̇ийд̇и буб̣б̣з б̣аахирабат̇авийгааяад̇о д̇ад̣̇згад̣̇зсабхууд̇аа бат̇авий ааг̇анд̇ваа аж̇жхад̇д̇игабхааваббад̇д̇ияаа сад̇д̇абхаавзна сан̣тид̇аа ид̣̇аани гхадаад̣̇ибат̇авий вияа д̇амзва б̣аахирабат̇авийгааяам̣ убзд̇и убаг̇ажчад̇и, саб̣б̣асо д̇зна ниб̣б̣исзсад̇ам̣ згийбхаавамзва г̇ажчад̇ийд̇и ад̇т̇о. аабаад̣̇ийсуби зсзва наяод̇и зд̇т̇а баж̇ж̇уннзна махаасамуд̣̇д̣̇ад̇о г̇ахид̇ааабо вияа вассод̣̇агабхаавзна бунаби махаасамуд̣̇д̣̇ам̣, суурияарам̣сид̇о г̇ахид̇аинд̣̇аг̇г̇исан̇каад̇ад̇зж̇о вияа бунаби суурияарам̣сим̣, махаавааяуканд̇хад̇о ниг̇г̇ад̇амахаавааяо вияа д̇амзва вааяуканд̇хам̣ убзд̇и убаг̇ажчад̇ийд̇и д̣̇идтиг̇ад̇иго саяамзва ад̇д̇ано ваад̣̇ам̣ бхинд̣̇ад̇и. уммад̇д̇агабажчисад̣̇исан̃хи д̣̇идтиг̇ад̇игад̣̇ассанам̣. манажчадтаани инд̣̇рияаани аагаасам̣ багканд̣̇анд̇и д̇зсам̣ висаяабхааваа висаяаабийд̇и вад̣̇ад̇и. висаяиг̇г̇ахан̣зна хи висаяаа г̇ахид̇аа зва хонд̇ийд̇и. г̇ун̣ааг̇ун̣абад̣̇аанийд̇и г̇ун̣ад̣̇осагодтаасаа. сарийрамзва бад̣̇аанийд̇и ад̇хиббзд̇ам̣ сарийрзна д̇ам̣д̇ам̣гирияааяа баж̇ж̇ид̇аб̣б̣ад̇о. д̣̇аб̣б̣анд̇и муяханд̇ийд̇и д̣̇ад̇д̇уу, муул̣хабуг̇г̇алаа. д̇зхи д̣̇ад̇д̇уухи б̣ааламануссзхи бан̃н̃ад̇д̇ам̣.
Catūsu mahābhūtesu niyuttoti cātumahābhūtiko. Yathā pana mattikāya nibbattaṃ bhājanaṃ mattikāmayaṃ, evamayaṃ catūhi mahābhūtehi nibbattoti āha ‘‘catumahābhūtamayo’’ti. Ajjhattikā pathavīdhātūti sattasantānagatā pathavīdhātu. Bāhiraṃ pathavīdhātunti bahiddhā mahāpathaviṃ. Anuyātīti tassa anurūpabhāvena yāti upeti. Upagacchatīti pubbe bāhirapathavīkāyato tadekadesabhūtā pathavī āgantvā ajjhattikabhāvappattiyā sattabhāvena saṇṭhitā idāni ghaṭādipathavī viya tameva bāhirapathavīkāyaṃ upeti upagacchati, sabbaso tena nibbisesataṃ ekībhāvameva gacchatīti attho. Āpādīsupi eseva nayoti ettha pajjunnena mahāsamuddato gahitaāpo viya vassodakabhāvena punapi mahāsamuddaṃ, sūriyaraṃsito gahitaindaggisaṅkhātatejo viya punapi sūriyaraṃsiṃ, mahāvāyukhandhato niggatamahāvāyo viya tameva vāyukhandhaṃ upeti upagacchatīti diṭṭhigatiko sayameva attano vādaṃ bhindati. Ummattakapacchisadisañhi diṭṭhigatikadassanaṃ. Manacchaṭṭhāni indriyāni ākāsaṃ pakkhandanti tesaṃ visayabhāvā visayāpīti vadati. Visayiggahaṇena hi visayā gahitā eva hontīti. Guṇāguṇapadānīti guṇadosakoṭṭhāsā. Sarīrameva padānīti adhippetaṃ sarīrena taṃtaṃkiriyāya pajjitabbato. Dabbanti muyhantīti dattū, mūḷhapuggalā. Tehi dattūhi bālamanussehi paññattaṃ.
над̇т̇ид̣̇иннасуд̇д̇аван̣н̣анаа нидтид̇аа.
Natthidinnasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. над̇т̇ид̣̇иннасуд̇д̇ам̣ • 5. Natthidinnasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. над̇т̇ид̣̇иннасуд̇д̇аван̣н̣анаа • 5. Natthidinnasuttavaṇṇanā
