| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੫. ਨਤ੍ਥਿਦਿਨ੍ਨਸੁਤ੍ਤવਣ੍ਣਨਾ
5. Natthidinnasuttavaṇṇanā
੨੧੦. ਨਤ੍ਥਿ ਦਿਨ੍ਨਨ੍ਤਿਆਦੀਸੁ ਨਤ੍ਥਿ ਦਿਨ੍ਨਨ੍ਤਿ ਦਿਨ੍ਨਸ੍ਸ ਫਲਾਭਾવਂ ਸਨ੍ਧਾਯ વਦਨ੍ਤਿ। ਯਿਟ੍ਠਂ વੁਚ੍ਚਤਿ ਮਹਾਯਾਗੋ। ਹੁਤਨ੍ਤਿ ਪਹੇਣਕਸਕ੍ਕਾਰੋ ਅਧਿਪ੍ਪੇਤੋ। ਤਮ੍ਪਿ ਉਭਯਂ ਫਲਾਭਾવਮੇવ ਸਨ੍ਧਾਯ ਪਟਿਕ੍ਖਿਪਨ੍ਤਿ। ਸੁਕਤਦੁਕ੍ਕਟਾਨਨ੍ਤਿ ਸੁਕਤਦੁਕ੍ਕਤਾਨਂ, ਕੁਸਲਾਕੁਸਲਾਨਨ੍ਤਿ ਅਤ੍ਥੋ। ਫਲਂ વਿਪਾਕੋਤਿ ਯਂ ਫਲਨ੍ਤਿ વਾ વਿਪਾਕੋਤਿ વਾ વੁਚ੍ਚਤਿ, ਤਂ ਨਤ੍ਥੀਤਿ વਦਨ੍ਤਿ। ਨਤ੍ਥਿ ਅਯਂ ਲੋਕੋਤਿ ਪਰਲੋਕੇ ਠਿਤਸ੍ਸ ਅਯਂ ਲੋਕੋ ਨਤ੍ਥਿ। ਨਤ੍ਥਿ ਪਰੋ ਲੋਕੋਤਿ ਇਧ ਲੋਕੇ ਠਿਤਸ੍ਸਪਿ ਪਰੋ ਲੋਕੋ ਨਤ੍ਥਿ, ਸਬ੍ਬੇ ਤਤ੍ਥ ਤਤ੍ਥੇવ ਉਚ੍ਛਿਜ੍ਜਨ੍ਤੀਤਿ ਦਸ੍ਸੇਨ੍ਤਿ। ਨਤ੍ਥਿ ਮਾਤਾ ਨਤ੍ਥਿ ਪਿਤਾਤਿ ਤੇਸੁ ਸਮ੍ਮਾਪਟਿਪਤ੍ਤਿਮਿਚ੍ਛਾਪਟਿਪਤ੍ਤੀਨਂ ਫਲਾਭਾવવਸੇਨ વਦਨ੍ਤਿ। ਨਤ੍ਥਿ ਸਤ੍ਤਾ ਓਪਪਾਤਿਕਾਤਿ ਚવਿਤ੍વਾ ਉਪ੍ਪਜ੍ਜਨਕਸਤ੍ਤਾ ਨਾਮ ਨਤ੍ਥੀਤਿ વਦਨ੍ਤਿ। ਨਤ੍ਥਿ ਲੋਕੇ ਸਮਣਬ੍ਰਾਹ੍ਮਣਾਤਿ ਲੋਕੇ ਸਮ੍ਮਾਪਟਿਪਨ੍ਨਾ ਸਮਣਬ੍ਰਾਹ੍ਮਣਾ ਨਾਮ ਨਤ੍ਥੀਤਿ વਦਨ੍ਤਿ।
210.Natthidinnantiādīsu natthi dinnanti dinnassa phalābhāvaṃ sandhāya vadanti. Yiṭṭhaṃ vuccati mahāyāgo. Hutanti paheṇakasakkāro adhippeto. Tampi ubhayaṃ phalābhāvameva sandhāya paṭikkhipanti. Sukatadukkaṭānanti sukatadukkatānaṃ, kusalākusalānanti attho. Phalaṃ vipākoti yaṃ phalanti vā vipākoti vā vuccati, taṃ natthīti vadanti. Natthi ayaṃ lokoti paraloke ṭhitassa ayaṃ loko natthi. Natthi paro lokoti idha loke ṭhitassapi paro loko natthi, sabbe tattha tattheva ucchijjantīti dassenti. Natthi mātā natthi pitāti tesu sammāpaṭipattimicchāpaṭipattīnaṃ phalābhāvavasena vadanti. Natthi sattā opapātikāti cavitvā uppajjanakasattā nāma natthīti vadanti. Natthi loke samaṇabrāhmaṇāti loke sammāpaṭipannā samaṇabrāhmaṇā nāma natthīti vadanti.
ਚਾਤੁਮਹਾਭੂਤਿਕੋਤਿ ਚਤੁਮਹਾਭੂਤਮਯੋ। ਪਥવੀ ਪਥવੀਕਾਯਨ੍ਤਿ ਅਜ੍ਝਤ੍ਤਿਕਾ ਪਥવੀਧਾਤੁ ਬਾਹਿਰਂ ਪਥવੀਧਾਤੁਂ। ਅਨੁਪੇਤੀਤਿ ਅਨੁਯਾਤਿ। ਅਨੁਪਗਚ੍ਛਤੀਤਿ ਤਸ੍ਸੇવ વੇવਚਨਂ, ਅਨੁਗਚ੍ਛਤੀਤਿਪਿ ਅਤ੍ਥੋ। ਉਭਯੇਨਾਪਿ ਉਪੇਤਿ ਉਪਗਚ੍ਛਤੀਤਿ ਦਸ੍ਸੇਨ੍ਤਿ। ਆਪਾਦੀਸੁਪਿ ਏਸੇવ ਨਯੋ। ਇਨ੍ਦ੍ਰਿਯਾਨੀਤਿ ਮਨਚ੍ਛਟ੍ਠਾਨਿ ਇਨ੍ਦ੍ਰਿਯਾਨਿ। ਸਙ੍ਕਮਨ੍ਤੀਤਿ ਆਕਾਸਂ ਪਕ੍ਖਨ੍ਦਨ੍ਤਿ। ਆਸਨ੍ਦਿਪਞ੍ਚਮਾਤਿ ਨਿਪਨ੍ਨਮਞ੍ਚੇਨ ਪਞ੍ਚਮਾ, ਮਞ੍ਚੋ ਚੇવ, ਚਤ੍ਤਾਰੋ ਮਞ੍ਚਪਾਦੇ ਗਹੇਤ੍વਾ ਠਿਤਾ ਚਤ੍ਤਾਰੋ ਪੁਰਿਸਾ ਚਾਤਿ ਅਤ੍ਥੋ। ਯਾવ ਆਲ਼ਾਹਨਾਤਿ ਯਾવ ਸੁਸਾਨਾ। ਪਦਾਨੀਤਿ ‘‘ਅਯਂ ਏવਂ ਸੀਲવਾ ਅਹੋਸਿ, ਏવਂ ਦੁਸ੍ਸੀਲੋ’’ਤਿਆਦਿਨਾ ਨਯੇਨ ਪવਤ੍ਤਾਨਿ ਗੁਣਾਗੁਣਪਦਾਨਿ। ਸਰੀਰਮੇવ વਾ ਏਤ੍ਥ ਪਦਾਨੀਤਿ ਅਧਿਪ੍ਪੇਤਂ। ਕਾਪੋਤਕਾਨੀਤਿ ਕਪੋਤਕવਣ੍ਣਾਨਿ, ਪਾਰਾવਤਪਕ੍ਖવਣ੍ਣਾਨੀਤਿ ਅਤ੍ਥੋ। ਭਸ੍ਸਨ੍ਤਾਤਿ ਭਸ੍ਮਨ੍ਤਾ। ਅਯਮੇવ વਾ ਪਾਲ਼ਿ। ਆਹੁਤਿਯੋਤਿ ਯਂ ਪਹੇਣਕਸਕ੍ਕਾਰਾਦਿਭੇਦਂ ਦਿਨ੍ਨਦਾਨਂ, ਸਬ੍ਬਂ ਤਂ ਛਾਰਿਕਾવਸਾਨਮੇવ ਹੋਤਿ, ਨ ਤਤੋ ਪਰਂ ਫਲਦਾਯਕਂ ਹੁਤ੍વਾ ਗਚ੍ਛਤੀਤਿ ਅਤ੍ਥੋ। ਦਤ੍ਤੁਪਞ੍ਞਤ੍ਤਨ੍ਤਿ ਦਤ੍ਤੂਹਿ ਬਾਲਮਨੁਸ੍ਸੇਹਿ ਪਞ੍ਞਤ੍ਤਂ। ਇਦਂ વੁਤ੍ਤਂ ਹੋਤਿ – ਬਾਲੇਹਿ ਅਬੁਦ੍ਧੀਹਿ ਪਞ੍ਞਤ੍ਤਮਿਦਂ ਦਾਨਂ, ਨ ਪਣ੍ਡਿਤੇਹਿ। ਬਾਲਾ ਦੇਨ੍ਤਿ, ਪਣ੍ਡਿਤਾ ਗਣ੍ਹਨ੍ਤੀਤਿ ਦਸ੍ਸੇਨ੍ਤਿ।
Cātumahābhūtikoti catumahābhūtamayo. Pathavī pathavīkāyanti ajjhattikā pathavīdhātu bāhiraṃ pathavīdhātuṃ. Anupetīti anuyāti. Anupagacchatīti tasseva vevacanaṃ, anugacchatītipi attho. Ubhayenāpi upeti upagacchatīti dassenti. Āpādīsupi eseva nayo. Indriyānīti manacchaṭṭhāni indriyāni. Saṅkamantīti ākāsaṃ pakkhandanti. Āsandipañcamāti nipannamañcena pañcamā, mañco ceva, cattāro mañcapāde gahetvā ṭhitā cattāro purisā cāti attho. Yāva āḷāhanāti yāva susānā. Padānīti ‘‘ayaṃ evaṃ sīlavā ahosi, evaṃ dussīlo’’tiādinā nayena pavattāni guṇāguṇapadāni. Sarīrameva vā ettha padānīti adhippetaṃ. Kāpotakānīti kapotakavaṇṇāni, pārāvatapakkhavaṇṇānīti attho. Bhassantāti bhasmantā. Ayameva vā pāḷi. Āhutiyoti yaṃ paheṇakasakkārādibhedaṃ dinnadānaṃ, sabbaṃ taṃ chārikāvasānameva hoti, na tato paraṃ phaladāyakaṃ hutvā gacchatīti attho. Dattupaññattanti dattūhi bālamanussehi paññattaṃ. Idaṃ vuttaṃ hoti – bālehi abuddhīhi paññattamidaṃ dānaṃ, na paṇḍitehi. Bālā denti, paṇḍitā gaṇhantīti dassenti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਨਤ੍ਥਿਦਿਨ੍ਨਸੁਤ੍ਤਂ • 5. Natthidinnasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. ਨਤ੍ਥਿਦਿਨ੍ਨਸੁਤ੍ਤવਣ੍ਣਨਾ • 5. Natthidinnasuttavaṇṇanā
