| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
২২. নত্থিপচ্চযনিদ্দেসৰণ্ণনা
22. Natthipaccayaniddesavaṇṇanā
২২. নত্থিপচ্চযনিদ্দেসে সমনন্তরনিরুদ্ধাতি অঞ্ঞেন চিত্তুপ্পাদেন অনন্তরিকা হুত্ৰা সমনন্তরনিরুদ্ধা। পটুপ্পন্নানন্তি পচ্চুপ্পন্নানং। ইমিনা নত্থিপচ্চযস্স ওকাসদানট্ঠেন নত্থিপচ্চযভাৰং সাধেতি। পুরিমেসু হি নিরোধৰসেন পচ্ছিমানং পৰত্তনোকাসং অদেন্তেসু তেসং পটুপ্পন্নভাৰো ন সিযাতি অযমেত্থ পাল়িৰণ্ণনা। সেসং সব্বং অনন্তরপচ্চযে ৰুত্তনযেনেৰ ৰেদিতব্বং। পচ্চযলক্খণমেৰ হেত্থ নানং, পচ্চযানং পন পচ্চযুপ্পন্নানঞ্চ নানাকরণং নত্থি। কেৰলং পন তত্থ ‘‘চক্খুৰিঞ্ঞাণধাতু তংসম্পযুত্তকা চ ধম্মা মনোধাতুযা’’তিআদিনা নযেন পচ্চযা চ পচ্চযুপ্পন্না চ সরূপতো দস্সিতা। ইধ পন ‘‘সমনন্তরনিরুদ্ধা চিত্তচেতসিকা ধম্মা পটুপ্পন্নানং চিত্তচেতসিকানং ধম্মান’’ন্তি সব্বেপি তে নিরোধুপ্পাদৰসেন সামঞ্ঞতো দস্সিতাতি।
22. Natthipaccayaniddese samanantaraniruddhāti aññena cittuppādena anantarikā hutvā samanantaraniruddhā. Paṭuppannānanti paccuppannānaṃ. Iminā natthipaccayassa okāsadānaṭṭhena natthipaccayabhāvaṃ sādheti. Purimesu hi nirodhavasena pacchimānaṃ pavattanokāsaṃ adentesu tesaṃ paṭuppannabhāvo na siyāti ayamettha pāḷivaṇṇanā. Sesaṃ sabbaṃ anantarapaccaye vuttanayeneva veditabbaṃ. Paccayalakkhaṇameva hettha nānaṃ, paccayānaṃ pana paccayuppannānañca nānākaraṇaṃ natthi. Kevalaṃ pana tattha ‘‘cakkhuviññāṇadhātu taṃsampayuttakā ca dhammā manodhātuyā’’tiādinā nayena paccayā ca paccayuppannā ca sarūpato dassitā. Idha pana ‘‘samanantaraniruddhā cittacetasikā dhammā paṭuppannānaṃ cittacetasikānaṃ dhammāna’’nti sabbepi te nirodhuppādavasena sāmaññato dassitāti.
নত্থিপচ্চযনিদ্দেসৰণ্ণনা।
Natthipaccayaniddesavaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / পট্ঠানপাল়ি • Paṭṭhānapāḷi / (২) পচ্চযনিদ্দেসো • (2) Paccayaniddeso
