| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
22. над̇т̇ибажжаяанид̣̇д̣̇зсаван̣н̣анаа
22. Natthipaccayaniddesavaṇṇanā
22. над̇т̇ибажжаяанид̣̇д̣̇зсз самананд̇аранируд̣̇д̇хаад̇и ан̃н̃зна жид̇д̇уббаад̣̇зна ананд̇аригаа худ̇ваа самананд̇аранируд̣̇д̇хаа. бадуббаннаананд̇и бажжуббаннаанам̣. иминаа над̇т̇ибажжаяасса огаасад̣̇аанадтзна над̇т̇ибажжаяабхаавам̣ саад̇хзд̇и. буримзсу хи нирод̇хавасзна бажчимаанам̣ бавад̇д̇аногаасам̣ ад̣̇знд̇зсу д̇зсам̣ бадуббаннабхааво на сияаад̇и аяамзд̇т̇а баал̣иван̣н̣анаа. сзсам̣ саб̣б̣ам̣ ананд̇арабажжаяз вуд̇д̇анаязнзва взд̣̇ид̇аб̣б̣ам̣. бажжаяалагкан̣амзва хзд̇т̇а наанам̣, бажжаяаанам̣ бана бажжаяуббаннаанан̃жа наанаагаран̣ам̣ над̇т̇и. гзвалам̣ бана д̇ад̇т̇а ‘‘жагкувин̃н̃аан̣ад̇хаад̇у д̇ам̣самбаяуд̇д̇агаа жа д̇хаммаа манод̇хаад̇уяаа’’д̇иаад̣̇инаа наязна бажжаяаа жа бажжаяуббаннаа жа саруубад̇о д̣̇ассид̇аа. ид̇ха бана ‘‘самананд̇аранируд̣̇д̇хаа жид̇д̇ажзд̇асигаа д̇хаммаа бадуббаннаанам̣ жид̇д̇ажзд̇асигаанам̣ д̇хаммаана’’нд̇и саб̣б̣зби д̇з нирод̇хуббаад̣̇авасзна сааман̃н̃ад̇о д̣̇ассид̇аад̇и.
22. Natthipaccayaniddese samanantaraniruddhāti aññena cittuppādena anantarikā hutvā samanantaraniruddhā. Paṭuppannānanti paccuppannānaṃ. Iminā natthipaccayassa okāsadānaṭṭhena natthipaccayabhāvaṃ sādheti. Purimesu hi nirodhavasena pacchimānaṃ pavattanokāsaṃ adentesu tesaṃ paṭuppannabhāvo na siyāti ayamettha pāḷivaṇṇanā. Sesaṃ sabbaṃ anantarapaccaye vuttanayeneva veditabbaṃ. Paccayalakkhaṇameva hettha nānaṃ, paccayānaṃ pana paccayuppannānañca nānākaraṇaṃ natthi. Kevalaṃ pana tattha ‘‘cakkhuviññāṇadhātu taṃsampayuttakā ca dhammā manodhātuyā’’tiādinā nayena paccayā ca paccayuppannā ca sarūpato dassitā. Idha pana ‘‘samanantaraniruddhā cittacetasikā dhammā paṭuppannānaṃ cittacetasikānaṃ dhammāna’’nti sabbepi te nirodhuppādavasena sāmaññato dassitāti.
над̇т̇ибажжаяанид̣̇д̣̇зсаван̣н̣анаа.
Natthipaccayaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
