| Library / Tipiṭaka / តិបិដក • Tipiṭaka / បញ្ចបករណ-អដ្ឋកថា • Pañcapakaraṇa-aṭṭhakathā |
២២. នត្ថិបច្ចយនិទ្ទេសវណ្ណនា
22. Natthipaccayaniddesavaṇṇanā
២២. នត្ថិបច្ចយនិទ្ទេសេ សមនន្តរនិរុទ្ធាតិ អញ្ញេន ចិត្តុប្បាទេន អនន្តរិកា ហុត្វា សមនន្តរនិរុទ្ធា។ បដុប្បន្នានន្តិ បច្ចុប្បន្នានំ។ ឥមិនា នត្ថិបច្ចយស្ស ឱកាសទានដ្ឋេន នត្ថិបច្ចយភាវំ សាធេតិ។ បុរិមេសុ ហិ និរោធវសេន បច្ឆិមានំ បវត្តនោកាសំ អទេន្តេសុ តេសំ បដុប្បន្នភាវោ ន សិយាតិ អយមេត្ថ បាឡិវណ្ណនា។ សេសំ សព្ពំ អនន្តរបច្ចយេ វុត្តនយេនេវ វេទិតព្ពំ។ បច្ចយលក្ខណមេវ ហេត្ថ នានំ, បច្ចយានំ បន បច្ចយុប្បន្នានញ្ច នានាករណំ នត្ថិ។ កេវលំ បន តត្ថ ‘‘ចក្ខុវិញ្ញាណធាតុ តំសម្បយុត្តកា ច ធម្មា មនោធាតុយា’’តិអាទិនា នយេន បច្ចយា ច បច្ចយុប្បន្នា ច សរូបតោ ទស្សិតា។ ឥធ បន ‘‘សមនន្តរនិរុទ្ធា ចិត្តចេតសិកា ធម្មា បដុប្បន្នានំ ចិត្តចេតសិកានំ ធម្មាន’’ន្តិ សព្ពេបិ តេ និរោធុប្បាទវសេន សាមញ្ញតោ ទស្សិតាតិ។
22. Natthipaccayaniddese samanantaraniruddhāti aññena cittuppādena anantarikā hutvā samanantaraniruddhā. Paṭuppannānanti paccuppannānaṃ. Iminā natthipaccayassa okāsadānaṭṭhena natthipaccayabhāvaṃ sādheti. Purimesu hi nirodhavasena pacchimānaṃ pavattanokāsaṃ adentesu tesaṃ paṭuppannabhāvo na siyāti ayamettha pāḷivaṇṇanā. Sesaṃ sabbaṃ anantarapaccaye vuttanayeneva veditabbaṃ. Paccayalakkhaṇameva hettha nānaṃ, paccayānaṃ pana paccayuppannānañca nānākaraṇaṃ natthi. Kevalaṃ pana tattha ‘‘cakkhuviññāṇadhātu taṃsampayuttakā ca dhammā manodhātuyā’’tiādinā nayena paccayā ca paccayuppannā ca sarūpato dassitā. Idha pana ‘‘samanantaraniruddhā cittacetasikā dhammā paṭuppannānaṃ cittacetasikānaṃ dhammāna’’nti sabbepi te nirodhuppādavasena sāmaññato dassitāti.
នត្ថិបច្ចយនិទ្ទេសវណ្ណនា។
Natthipaccayaniddesavaṇṇanā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / បដ្ឋានបាឡិ • Paṭṭhānapāḷi / (២) បច្ចយនិទ្ទេសោ • (2) Paccayaniddeso
