| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੨੨. ਨਤ੍ਥਿਪਚ੍ਚਯਨਿਦ੍ਦੇਸવਣ੍ਣਨਾ
22. Natthipaccayaniddesavaṇṇanā
੨੨. ਨਤ੍ਥਿਪਚ੍ਚਯਨਿਦ੍ਦੇਸੇ ਸਮਨਨ੍ਤਰਨਿਰੁਦ੍ਧਾਤਿ ਅਞ੍ਞੇਨ ਚਿਤ੍ਤੁਪ੍ਪਾਦੇਨ ਅਨਨ੍ਤਰਿਕਾ ਹੁਤ੍વਾ ਸਮਨਨ੍ਤਰਨਿਰੁਦ੍ਧਾ। ਪਟੁਪ੍ਪਨ੍ਨਾਨਨ੍ਤਿ ਪਚ੍ਚੁਪ੍ਪਨ੍ਨਾਨਂ। ਇਮਿਨਾ ਨਤ੍ਥਿਪਚ੍ਚਯਸ੍ਸ ਓਕਾਸਦਾਨਟ੍ਠੇਨ ਨਤ੍ਥਿਪਚ੍ਚਯਭਾવਂ ਸਾਧੇਤਿ। ਪੁਰਿਮੇਸੁ ਹਿ ਨਿਰੋਧવਸੇਨ ਪਚ੍ਛਿਮਾਨਂ ਪવਤ੍ਤਨੋਕਾਸਂ ਅਦੇਨ੍ਤੇਸੁ ਤੇਸਂ ਪਟੁਪ੍ਪਨ੍ਨਭਾવੋ ਨ ਸਿਯਾਤਿ ਅਯਮੇਤ੍ਥ ਪਾਲ਼ਿવਣ੍ਣਨਾ। ਸੇਸਂ ਸਬ੍ਬਂ ਅਨਨ੍ਤਰਪਚ੍ਚਯੇ વੁਤ੍ਤਨਯੇਨੇવ વੇਦਿਤਬ੍ਬਂ। ਪਚ੍ਚਯਲਕ੍ਖਣਮੇવ ਹੇਤ੍ਥ ਨਾਨਂ, ਪਚ੍ਚਯਾਨਂ ਪਨ ਪਚ੍ਚਯੁਪ੍ਪਨ੍ਨਾਨਞ੍ਚ ਨਾਨਾਕਰਣਂ ਨਤ੍ਥਿ। ਕੇવਲਂ ਪਨ ਤਤ੍ਥ ‘‘ਚਕ੍ਖੁવਿਞ੍ਞਾਣਧਾਤੁ ਤਂਸਮ੍ਪਯੁਤ੍ਤਕਾ ਚ ਧਮ੍ਮਾ ਮਨੋਧਾਤੁਯਾ’’ਤਿਆਦਿਨਾ ਨਯੇਨ ਪਚ੍ਚਯਾ ਚ ਪਚ੍ਚਯੁਪ੍ਪਨ੍ਨਾ ਚ ਸਰੂਪਤੋ ਦਸ੍ਸਿਤਾ। ਇਧ ਪਨ ‘‘ਸਮਨਨ੍ਤਰਨਿਰੁਦ੍ਧਾ ਚਿਤ੍ਤਚੇਤਸਿਕਾ ਧਮ੍ਮਾ ਪਟੁਪ੍ਪਨ੍ਨਾਨਂ ਚਿਤ੍ਤਚੇਤਸਿਕਾਨਂ ਧਮ੍ਮਾਨ’’ਨ੍ਤਿ ਸਬ੍ਬੇਪਿ ਤੇ ਨਿਰੋਧੁਪ੍ਪਾਦવਸੇਨ ਸਾਮਞ੍ਞਤੋ ਦਸ੍ਸਿਤਾਤਿ।
22. Natthipaccayaniddese samanantaraniruddhāti aññena cittuppādena anantarikā hutvā samanantaraniruddhā. Paṭuppannānanti paccuppannānaṃ. Iminā natthipaccayassa okāsadānaṭṭhena natthipaccayabhāvaṃ sādheti. Purimesu hi nirodhavasena pacchimānaṃ pavattanokāsaṃ adentesu tesaṃ paṭuppannabhāvo na siyāti ayamettha pāḷivaṇṇanā. Sesaṃ sabbaṃ anantarapaccaye vuttanayeneva veditabbaṃ. Paccayalakkhaṇameva hettha nānaṃ, paccayānaṃ pana paccayuppannānañca nānākaraṇaṃ natthi. Kevalaṃ pana tattha ‘‘cakkhuviññāṇadhātu taṃsampayuttakā ca dhammā manodhātuyā’’tiādinā nayena paccayā ca paccayuppannā ca sarūpato dassitā. Idha pana ‘‘samanantaraniruddhā cittacetasikā dhammā paṭuppannānaṃ cittacetasikānaṃ dhammāna’’nti sabbepi te nirodhuppādavasena sāmaññato dassitāti.
ਨਤ੍ਥਿਪਚ੍ਚਯਨਿਦ੍ਦੇਸવਣ੍ਣਨਾ।
Natthipaccayaniddesavaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਪਟ੍ਠਾਨਪਾਲ਼ਿ • Paṭṭhānapāḷi / (੨) ਪਚ੍ਚਯਨਿਦ੍ਦੇਸੋ • (2) Paccayaniddeso
