| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. над̇т̇ибуд̇д̇асамасуд̇д̇аван̣н̣анаа
3. Natthiputtasamasuttavaṇṇanā
13. д̇ад̇ияз над̇т̇и буд̇д̇асамам̣ бзманд̇и вируубзби хи ад̇д̇ано буд̇д̇агз суван̣н̣аб̣имб̣агам̣ вияа ман̃н̃анд̇и, маалааг̇ул̣з вияа сийсаад̣̇ийсу гад̇ваа барихарамаанаа д̇зхи охад̣̇ид̇ааби омуд̇д̇игааби г̇анд̇хавилзбанабад̇ид̇аа вияа соманассам̣ аабаж̇ж̇анд̇и. д̇знааха – ‘‘над̇т̇и буд̇д̇асамам̣ бзма’’нд̇и . буд̇д̇абзмасамам̣ бзмам̣ наама над̇т̇ийд̇и вуд̇д̇ам̣ ход̇и. г̇осамид̇ам̣ д̇хананд̇и г̇охи самам̣ г̇од̇ханасамам̣ г̇од̇ханасад̣̇исам̣ ан̃н̃ам̣ д̇ханам̣ наама над̇т̇и бхаг̇аваад̇и ааха. суурияасамаа аабхаад̇и суурияаабхааяа самаа ан̃н̃аа аабхаа наама над̇т̇ийд̇и д̣̇ассзд̇и. самуд̣̇д̣̇абарамаад̇и яз гзжи ан̃н̃з сараа наама, саб̣б̣з д̇з самуд̣̇д̣̇абарамаа, самуд̣̇д̣̇о д̇зсам̣ уд̇д̇амо, самуд̣̇д̣̇асад̣̇исам̣ ан̃н̃ам̣ уд̣̇аганид̇хаанам̣ наама над̇т̇и, бхаг̇аваад̇и.
13. Tatiye natthi puttasamaṃ pemanti virūpepi hi attano puttake suvaṇṇabimbakaṃ viya maññanti, mālāguḷe viya sīsādīsu katvā pariharamānā tehi ohaditāpi omuttikāpi gandhavilepanapatitā viya somanassaṃ āpajjanti. Tenāha – ‘‘natthi puttasamaṃ pema’’nti . Puttapemasamaṃ pemaṃ nāma natthīti vuttaṃ hoti. Gosamitaṃ dhananti gohi samaṃ godhanasamaṃ godhanasadisaṃ aññaṃ dhanaṃ nāma natthi bhagavāti āha. Sūriyasamā ābhāti sūriyābhāya samā aññā ābhā nāma natthīti dasseti. Samuddaparamāti ye keci aññe sarā nāma, sabbe te samuddaparamā, samuddo tesaṃ uttamo, samuddasadisaṃ aññaṃ udakanidhānaṃ nāma natthi, bhagavāti.
яасмаа бана ад̇д̇абзмзна самам̣ бзмам̣ наама над̇т̇и. маад̇аабид̇аад̣̇аяо хи чад̣д̣зд̇вааби буд̇д̇ад̇хийд̇аад̣̇аяо жа абосзд̇вааби сад̇д̇аа ад̇д̇аанамзва босзнд̇и. д̇хан̃н̃зна жа самам̣ д̇ханам̣ наама над̇т̇и. (яад̣̇аа хи сад̇д̇аа д̣̇уб̣бхигкаа хонд̇и), д̇ат̇ааруубз хи гаалз хиран̃н̃асуван̣н̣аад̣̇ийни г̇омахим̣саад̣̇ийниби д̇хан̃н̃аг̇г̇ахан̣ад̇т̇ам̣ д̇хан̃н̃асаамигаанамзва санд̇игам̣ г̇ахзд̇ваа г̇ажчанд̇и. бан̃н̃ааяа жа самаа аабхаа наама над̇т̇и. суурияаад̣̇аяо хи згад̣̇зсам̣язва обхаасанд̇и, бажжуббаннамзва жа д̇амам̣ винод̣̇знд̇и. бан̃н̃аа бана д̣̇асасахассимби логад̇хаад̇ум̣ згаббаж̇ж̇од̇ам̣ гаад̇ум̣ саггод̇и, ад̇ийд̇ам̣саад̣̇ибадижчаад̣̇аган̃жа д̇амам̣ вид̇хамад̇и. мзгхавудтияаа жа само саро наама над̇т̇и. над̣̇ийвааби ход̇у д̇алаагаад̣̇ийни ваа, вудтисамо саро наама над̇т̇и. мзгхавудтияаа хи бажчиннааяа махаасамуд̣̇д̣̇о ан̇г̇улибаб̣б̣ад̇зманамад̇д̇амби уд̣̇агам̣ на ход̇и, вудтияаа бана бавад̇д̇амаанааяа яаава аабхассарабхаванааби згод̣̇агам̣ ход̇и. д̇асмаа бхаг̇аваа д̣̇звад̇ааяа бадиг̇аат̇ам̣ вад̣̇анд̇о над̇т̇и ад̇д̇асамам̣ бзманд̇иаад̣̇имаахаад̇и.
Yasmā pana attapemena samaṃ pemaṃ nāma natthi. Mātāpitādayo hi chaḍḍetvāpi puttadhītādayo ca aposetvāpi sattā attānameva posenti. Dhaññena ca samaṃ dhanaṃ nāma natthi. (Yadā hi sattā dubbhikkhā honti), tathārūpe hi kāle hiraññasuvaṇṇādīni gomahiṃsādīnipi dhaññaggahaṇatthaṃ dhaññasāmikānameva santikaṃ gahetvā gacchanti. Paññāya ca samā ābhā nāma natthi. Sūriyādayo hi ekadesaṃyeva obhāsanti, paccuppannameva ca tamaṃ vinodenti. Paññā pana dasasahassimpi lokadhātuṃ ekappajjotaṃ kātuṃ sakkoti, atītaṃsādipaṭicchādakañca tamaṃ vidhamati. Meghavuṭṭhiyā ca samo saro nāma natthi. Nadīvāpi hotu talākādīni vā, vuṭṭhisamo saro nāma natthi. Meghavuṭṭhiyā hi pacchinnāya mahāsamuddo aṅgulipabbatemanamattampi udakaṃ na hoti, vuṭṭhiyā pana pavattamānāya yāva ābhassarabhavanāpi ekodakaṃ hoti. Tasmā bhagavā devatāya paṭigāthaṃ vadanto natthi attasamaṃ pemantiādimāhāti.
над̇т̇ибуд̇д̇асамасуд̇д̇аван̣н̣анаа нидтид̇аа.
Natthiputtasamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. над̇т̇ибуд̇д̇асамасуд̇д̇ам̣ • 3. Natthiputtasamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. над̇т̇ибуд̇д̇асамасуд̇д̇аван̣н̣анаа • 3. Natthiputtasamasuttavaṇṇanā
