| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਨਤ੍ਥਿਪੁਤ੍ਤਸਮਸੁਤ੍ਤવਣ੍ਣਨਾ
3. Natthiputtasamasuttavaṇṇanā
੧੩. ਤਤਿਯੇ ਨਤ੍ਥਿ ਪੁਤ੍ਤਸਮਂ ਪੇਮਨ੍ਤਿ વਿਰੂਪੇਪਿ ਹਿ ਅਤ੍ਤਨੋ ਪੁਤ੍ਤਕੇ ਸੁવਣ੍ਣਬਿਮ੍ਬਕਂ વਿਯ ਮਞ੍ਞਨ੍ਤਿ, ਮਾਲਾਗੁਲ਼ੇ વਿਯ ਸੀਸਾਦੀਸੁ ਕਤ੍વਾ ਪਰਿਹਰਮਾਨਾ ਤੇਹਿ ਓਹਦਿਤਾਪਿ ਓਮੁਤ੍ਤਿਕਾਪਿ ਗਨ੍ਧવਿਲੇਪਨਪਤਿਤਾ વਿਯ ਸੋਮਨਸ੍ਸਂ ਆਪਜ੍ਜਨ੍ਤਿ। ਤੇਨਾਹ – ‘‘ਨਤ੍ਥਿ ਪੁਤ੍ਤਸਮਂ ਪੇਮ’’ਨ੍ਤਿ । ਪੁਤ੍ਤਪੇਮਸਮਂ ਪੇਮਂ ਨਾਮ ਨਤ੍ਥੀਤਿ વੁਤ੍ਤਂ ਹੋਤਿ। ਗੋਸਮਿਤਂ ਧਨਨ੍ਤਿ ਗੋਹਿ ਸਮਂ ਗੋਧਨਸਮਂ ਗੋਧਨਸਦਿਸਂ ਅਞ੍ਞਂ ਧਨਂ ਨਾਮ ਨਤ੍ਥਿ ਭਗવਾਤਿ ਆਹ। ਸੂਰਿਯਸਮਾ ਆਭਾਤਿ ਸੂਰਿਯਾਭਾਯ ਸਮਾ ਅਞ੍ਞਾ ਆਭਾ ਨਾਮ ਨਤ੍ਥੀਤਿ ਦਸ੍ਸੇਤਿ। ਸਮੁਦ੍ਦਪਰਮਾਤਿ ਯੇ ਕੇਚਿ ਅਞ੍ਞੇ ਸਰਾ ਨਾਮ, ਸਬ੍ਬੇ ਤੇ ਸਮੁਦ੍ਦਪਰਮਾ, ਸਮੁਦ੍ਦੋ ਤੇਸਂ ਉਤ੍ਤਮੋ, ਸਮੁਦ੍ਦਸਦਿਸਂ ਅਞ੍ਞਂ ਉਦਕਨਿਧਾਨਂ ਨਾਮ ਨਤ੍ਥਿ, ਭਗવਾਤਿ।
13. Tatiye natthi puttasamaṃ pemanti virūpepi hi attano puttake suvaṇṇabimbakaṃ viya maññanti, mālāguḷe viya sīsādīsu katvā pariharamānā tehi ohaditāpi omuttikāpi gandhavilepanapatitā viya somanassaṃ āpajjanti. Tenāha – ‘‘natthi puttasamaṃ pema’’nti . Puttapemasamaṃ pemaṃ nāma natthīti vuttaṃ hoti. Gosamitaṃ dhananti gohi samaṃ godhanasamaṃ godhanasadisaṃ aññaṃ dhanaṃ nāma natthi bhagavāti āha. Sūriyasamā ābhāti sūriyābhāya samā aññā ābhā nāma natthīti dasseti. Samuddaparamāti ye keci aññe sarā nāma, sabbe te samuddaparamā, samuddo tesaṃ uttamo, samuddasadisaṃ aññaṃ udakanidhānaṃ nāma natthi, bhagavāti.
ਯਸ੍ਮਾ ਪਨ ਅਤ੍ਤਪੇਮੇਨ ਸਮਂ ਪੇਮਂ ਨਾਮ ਨਤ੍ਥਿ। ਮਾਤਾਪਿਤਾਦਯੋ ਹਿ ਛਡ੍ਡੇਤ੍વਾਪਿ ਪੁਤ੍ਤਧੀਤਾਦਯੋ ਚ ਅਪੋਸੇਤ੍વਾਪਿ ਸਤ੍ਤਾ ਅਤ੍ਤਾਨਮੇવ ਪੋਸੇਨ੍ਤਿ। ਧਞ੍ਞੇਨ ਚ ਸਮਂ ਧਨਂ ਨਾਮ ਨਤ੍ਥਿ। (ਯਦਾ ਹਿ ਸਤ੍ਤਾ ਦੁਬ੍ਭਿਕ੍ਖਾ ਹੋਨ੍ਤਿ), ਤਥਾਰੂਪੇ ਹਿ ਕਾਲੇ ਹਿਰਞ੍ਞਸੁવਣ੍ਣਾਦੀਨਿ ਗੋਮਹਿਂਸਾਦੀਨਿਪਿ ਧਞ੍ਞਗ੍ਗਹਣਤ੍ਥਂ ਧਞ੍ਞਸਾਮਿਕਾਨਮੇવ ਸਨ੍ਤਿਕਂ ਗਹੇਤ੍વਾ ਗਚ੍ਛਨ੍ਤਿ। ਪਞ੍ਞਾਯ ਚ ਸਮਾ ਆਭਾ ਨਾਮ ਨਤ੍ਥਿ। ਸੂਰਿਯਾਦਯੋ ਹਿ ਏਕਦੇਸਂਯੇવ ਓਭਾਸਨ੍ਤਿ, ਪਚ੍ਚੁਪ੍ਪਨ੍ਨਮੇવ ਚ ਤਮਂ વਿਨੋਦੇਨ੍ਤਿ। ਪਞ੍ਞਾ ਪਨ ਦਸਸਹਸ੍ਸਿਮ੍ਪਿ ਲੋਕਧਾਤੁਂ ਏਕਪ੍ਪਜ੍ਜੋਤਂ ਕਾਤੁਂ ਸਕ੍ਕੋਤਿ, ਅਤੀਤਂਸਾਦਿਪਟਿਚ੍ਛਾਦਕਞ੍ਚ ਤਮਂ વਿਧਮਤਿ। ਮੇਘવੁਟ੍ਠਿਯਾ ਚ ਸਮੋ ਸਰੋ ਨਾਮ ਨਤ੍ਥਿ। ਨਦੀવਾਪਿ ਹੋਤੁ ਤਲਾਕਾਦੀਨਿ વਾ, વੁਟ੍ਠਿਸਮੋ ਸਰੋ ਨਾਮ ਨਤ੍ਥਿ। ਮੇਘવੁਟ੍ਠਿਯਾ ਹਿ ਪਚ੍ਛਿਨ੍ਨਾਯ ਮਹਾਸਮੁਦ੍ਦੋ ਅਙ੍ਗੁਲਿਪਬ੍ਬਤੇਮਨਮਤ੍ਤਮ੍ਪਿ ਉਦਕਂ ਨ ਹੋਤਿ, વੁਟ੍ਠਿਯਾ ਪਨ ਪવਤ੍ਤਮਾਨਾਯ ਯਾવ ਆਭਸ੍ਸਰਭવਨਾਪਿ ਏਕੋਦਕਂ ਹੋਤਿ। ਤਸ੍ਮਾ ਭਗવਾ ਦੇવਤਾਯ ਪਟਿਗਾਥਂ વਦਨ੍ਤੋ ਨਤ੍ਥਿ ਅਤ੍ਤਸਮਂ ਪੇਮਨ੍ਤਿਆਦਿਮਾਹਾਤਿ।
Yasmā pana attapemena samaṃ pemaṃ nāma natthi. Mātāpitādayo hi chaḍḍetvāpi puttadhītādayo ca aposetvāpi sattā attānameva posenti. Dhaññena ca samaṃ dhanaṃ nāma natthi. (Yadā hi sattā dubbhikkhā honti), tathārūpe hi kāle hiraññasuvaṇṇādīni gomahiṃsādīnipi dhaññaggahaṇatthaṃ dhaññasāmikānameva santikaṃ gahetvā gacchanti. Paññāya ca samā ābhā nāma natthi. Sūriyādayo hi ekadesaṃyeva obhāsanti, paccuppannameva ca tamaṃ vinodenti. Paññā pana dasasahassimpi lokadhātuṃ ekappajjotaṃ kātuṃ sakkoti, atītaṃsādipaṭicchādakañca tamaṃ vidhamati. Meghavuṭṭhiyā ca samo saro nāma natthi. Nadīvāpi hotu talākādīni vā, vuṭṭhisamo saro nāma natthi. Meghavuṭṭhiyā hi pacchinnāya mahāsamuddo aṅgulipabbatemanamattampi udakaṃ na hoti, vuṭṭhiyā pana pavattamānāya yāva ābhassarabhavanāpi ekodakaṃ hoti. Tasmā bhagavā devatāya paṭigāthaṃ vadanto natthi attasamaṃ pemantiādimāhāti.
ਨਤ੍ਥਿਪੁਤ੍ਤਸਮਸੁਤ੍ਤવਣ੍ਣਨਾ ਨਿਟ੍ਠਿਤਾ।
Natthiputtasamasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਨਤ੍ਥਿਪੁਤ੍ਤਸਮਸੁਤ੍ਤਂ • 3. Natthiputtasamasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਨਤ੍ਥਿਪੁਤ੍ਤਸਮਸੁਤ੍ਤવਣ੍ਣਨਾ • 3. Natthiputtasamasuttavaṇṇanā
