| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
236. ஞத்திவிபன்னகம்மாதி³கதா²
236. Ñattivipannakammādikathā
385. அஞ்ஞத்ராபி த⁴ம்மாதி எத்த² த⁴ம்மாதி உபயோக³த்தே² நிஸ்ஸக்கவசனமேதந்தி ஆஹ ‘‘அஞ்ஞத்ர த⁴ம்ம’’ந்தி. ‘‘அஞ்ஞத்ரா’’தி நிபாதபயோகே³ து³தியாததியாபஞ்சமீஸு அஞ்ஞதரஸ்ஸ ஸம்ப⁴வதோ உபயோக³வசனம்பி ஹோதி. தஸ்மா வுத்தங் ‘‘அயமேவ வா பாடோ²’’தி. ‘‘பூ⁴தேன வத்து²னா’’தி இமினா த⁴ம்மஸத்³த³ஸ்ஸ ஸச்சத்த²ங் த³ஸ்ஸேதி. ‘‘ஏஸேவ நயோ’’தி இமினா ஸத்³த³ஸபா⁴வமேவ ஸந்தா⁴ய அதிதி³ஸதி, ந அத்த²ங். தேன வுத்தங் ‘‘எத்த² பனா’’திஆதி³. ஸத்து²ஸாஸனந்தி ஸத்து² ஆணா. ஸத்து²ஆணா நாம ஞத்திஅனுஸாவனானங் ஸம்பதா³தி ஆஹ ‘‘ஞத்திஸம்பதா³ அனுஸாவனஸம்பதா³ சா’’தி. ‘‘படிகுட்ட²ஞ்சேவ கதஞ்சா’’தி இமினா படிகுட்ட²கதந்தி பத³ஸ்ஸ த்³வந்த³வாக்யங் த³ஸ்ஸேதி. படிகுஸிதப்³ப³ந்தி படிகுட்ட²ங், கத்தப்³ப³ந்தி கதங், கம்மங். தமேவத்த²ங் த³ஸ்ஸெந்தோ ஆஹ ‘‘யங் அஞ்ஞேஸூ’’திஆதி³. தத்த² யந்தி கம்மங்.
385.Aññatrāpi dhammāti ettha dhammāti upayogatthe nissakkavacanametanti āha ‘‘aññatra dhamma’’nti. ‘‘Aññatrā’’ti nipātapayoge dutiyātatiyāpañcamīsu aññatarassa sambhavato upayogavacanampi hoti. Tasmā vuttaṃ ‘‘ayameva vā pāṭho’’ti. ‘‘Bhūtena vatthunā’’ti iminā dhammasaddassa saccatthaṃ dasseti. ‘‘Eseva nayo’’ti iminā saddasabhāvameva sandhāya atidisati, na atthaṃ. Tena vuttaṃ ‘‘ettha panā’’tiādi. Satthusāsananti satthu āṇā. Satthuāṇā nāma ñattianusāvanānaṃ sampadāti āha ‘‘ñattisampadā anusāvanasampadā cā’’ti. ‘‘Paṭikuṭṭhañceva katañcā’’ti iminā paṭikuṭṭhakatanti padassa dvandavākyaṃ dasseti. Paṭikusitabbanti paṭikuṭṭhaṃ, kattabbanti kataṃ, kammaṃ. Tamevatthaṃ dassento āha ‘‘yaṃ aññesū’’tiādi. Tattha yanti kammaṃ.
387. பாளியாதி வினயபாளியா. யந்தி கம்மங், ந கரியதீதி ஸம்ப³ந்தோ⁴. எத்தா²தி அட்ட²கதா²யங். ஸோ ச கோ²தி ஸோ ச வித்தா²ரோ, ஆக³தோதி ஸம்ப³ந்தோ⁴. கஸ்மா ஞத்திது³தியஞத்திசதுத்த²கம்மானமேவ வஸேன ஆக³தோ, நனு ஞத்திஅபலோகனகம்மவஸேனபி ஆக³தேன ப⁴விதப்³ப³ந்தி ஆஹ ‘‘யஸ்மா பனா’’திஆதி³. ஞத்திது³தியஞத்திசதுத்தே²ஸு ஹாபனங் வா அஞ்ஞதா² கரணங் வா அத்தி² விய ஞத்திகம்மே நத்தீ²தி யோஜனா. ஞத்திகம்மே ஞத்திட்ட²பனதோ அஞ்ஞகிச்சஸ்ஸ அஸம்ப⁴வதோ ஹாபனங் வா அஞ்ஞதா² கரணங் வா நத்தீ²தி அதி⁴ப்பாயோ. தானீதி ஞத்திகம்மஅபலோகனகம்மானி. ஸப்³பே³ஸம்பி கம்மானந்தி ஸப்³பே³ஸம்பி சதுன்னங் கம்மானங். பரதோதி பரஸ்மிங் பரிவாராவஸானே (பரி॰ அட்ட²॰ 482).
387.Pāḷiyāti vinayapāḷiyā. Yanti kammaṃ, na kariyatīti sambandho. Etthāti aṭṭhakathāyaṃ. So ca khoti so ca vitthāro, āgatoti sambandho. Kasmā ñattidutiyañatticatutthakammānameva vasena āgato, nanu ñattiapalokanakammavasenapi āgatena bhavitabbanti āha ‘‘yasmā panā’’tiādi. Ñattidutiyañatticatutthesu hāpanaṃ vā aññathā karaṇaṃ vā atthi viya ñattikamme natthīti yojanā. Ñattikamme ñattiṭṭhapanato aññakiccassa asambhavato hāpanaṃ vā aññathā karaṇaṃ vā natthīti adhippāyo. Tānīti ñattikammaapalokanakammāni. Sabbesampi kammānanti sabbesampi catunnaṃ kammānaṃ. Paratoti parasmiṃ parivārāvasāne (pari. aṭṭha. 482).
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 236. ஞத்திவிபன்னகம்மாதி³கதா² • 236. Ñattivipannakammādikathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / கஸ்ஸபகொ³த்தபி⁴க்கு²வத்து²கதா² • Kassapagottabhikkhuvatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஞத்திவிபன்னகம்மாதி³கதா²வண்ணனா • Ñattivipannakammādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / கஸ்ஸபகொ³த்தபி⁴க்கு²வத்து²கதா²தி³வண்ணனா • Kassapagottabhikkhuvatthukathādivaṇṇanā
