| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
236. н̃ад̇д̇ивибаннагаммаад̣̇игат̇аа
236. Ñattivipannakammādikathā
385. д̇зна ко бана самаязна чаб̣б̣аг̇г̇ияаа бхигкуу зваруубаани гаммаани гаронд̇и – ад̇хаммзна ваг̇г̇агаммам̣ гаронд̇и, ад̇хаммзна самаг̇г̇агаммам̣ гаронд̇и; д̇хаммзна ваг̇г̇агаммам̣ гаронд̇и, д̇хаммабад̇ируубагзна ваг̇г̇агаммам̣ гаронд̇и, д̇хаммабад̇ируубагзна самаг̇г̇агаммам̣ гаронд̇и; н̃ад̇д̇ивибаннамби гаммам̣ гаронд̇и ануссааванасамбаннам̣, ануссааванавибаннамби гаммам̣ гаронд̇и н̃ад̇д̇исамбаннам̣, н̃ад̇д̇ивибаннамби ануссааванавибаннамби гаммам̣ гаронд̇и; ан̃н̃ад̇рааби д̇хаммаа гаммам̣ гаронд̇и, ан̃н̃ад̇рааби винаяаа гаммам̣ гаронд̇и, ан̃н̃ад̇рааби сад̇т̇усаасанаа гаммам̣ гаронд̇и; бадигудтагад̇амби гаммам̣ гаронд̇и ад̇хаммигам̣ губбам̣ адтаанаарахам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу зваруубаани гаммаани гариссанд̇и – ад̇хаммзна ваг̇г̇агаммам̣ гариссанд̇и, ад̇хаммзна самаг̇г̇агаммам̣ гариссанд̇и; д̇хаммзна ваг̇г̇агаммам̣ гариссанд̇и, д̇хаммабад̇ируубагзна ваг̇г̇агаммам̣ гариссанд̇и, д̇хаммабад̇ируубагзна самаг̇г̇агаммам̣ гариссанд̇и; н̃ад̇д̇ивибаннамби гаммам̣ гариссанд̇и ануссааванасамбаннам̣, ануссааванавибаннамби гаммам̣ гариссанд̇и н̃ад̇д̇исамбаннам̣, н̃ад̇д̇ивибаннамби ануссааванавибаннамби гаммам̣ гариссанд̇и; ан̃н̃ад̇рааби д̇хаммаа гаммам̣ гариссанд̇и, ан̃н̃ад̇рааби винаяаа гаммам̣ гариссанд̇и, ан̃н̃ад̇рааби сад̇т̇усаасанаа гаммам̣ гариссанд̇и; бадигудтагад̇амби гаммам̣ гариссанд̇и ад̇хаммигам̣ губбам̣ адтаанаараха’’нд̇и. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, бхигкавз, чаб̣б̣аг̇г̇ияаа бхигкуу зваруубаани гаммаани гаронд̇и – ад̇хаммзна ваг̇г̇агаммам̣ гаронд̇и…бз… бадигудтагад̇амби гаммам̣ гаронд̇и ад̇хаммигам̣ губбам̣ адтаанаараха’’нд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… виг̇арахид̇ваа д̇хаммим̣ гат̇ам̣ гад̇ваа бхигкуу ааманд̇зси –
385. Tena kho pana samayena chabbaggiyā bhikkhū evarūpāni kammāni karonti – adhammena vaggakammaṃ karonti, adhammena samaggakammaṃ karonti; dhammena vaggakammaṃ karonti, dhammapatirūpakena vaggakammaṃ karonti, dhammapatirūpakena samaggakammaṃ karonti; ñattivipannampi kammaṃ karonti anussāvanasampannaṃ, anussāvanavipannampi kammaṃ karonti ñattisampannaṃ, ñattivipannampi anussāvanavipannampi kammaṃ karonti; aññatrāpi dhammā kammaṃ karonti, aññatrāpi vinayā kammaṃ karonti, aññatrāpi satthusāsanā kammaṃ karonti; paṭikuṭṭhakatampi kammaṃ karonti adhammikaṃ kuppaṃ aṭṭhānārahaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū evarūpāni kammāni karissanti – adhammena vaggakammaṃ karissanti, adhammena samaggakammaṃ karissanti; dhammena vaggakammaṃ karissanti, dhammapatirūpakena vaggakammaṃ karissanti, dhammapatirūpakena samaggakammaṃ karissanti; ñattivipannampi kammaṃ karissanti anussāvanasampannaṃ, anussāvanavipannampi kammaṃ karissanti ñattisampannaṃ, ñattivipannampi anussāvanavipannampi kammaṃ karissanti; aññatrāpi dhammā kammaṃ karissanti, aññatrāpi vinayā kammaṃ karissanti, aññatrāpi satthusāsanā kammaṃ karissanti; paṭikuṭṭhakatampi kammaṃ karissanti adhammikaṃ kuppaṃ aṭṭhānāraha’’nti. Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave, chabbaggiyā bhikkhū evarūpāni kammāni karonti – adhammena vaggakammaṃ karonti…pe… paṭikuṭṭhakatampi kammaṃ karonti adhammikaṃ kuppaṃ aṭṭhānāraha’’nti? ‘‘Saccaṃ, bhagavā’’ti. Vigarahi buddho bhagavā…pe… vigarahitvā dhammiṃ kathaṃ katvā bhikkhū āmantesi –
386. ‘‘ад̇хаммзна жз, бхигкавз, ваг̇г̇агаммам̣ агаммам̣ на жа гаран̣ийяам̣ ; ад̇хаммзна самаг̇г̇агаммам̣ агаммам̣ на жа гаран̣ийяам̣; д̇хаммзна ваг̇г̇агаммам̣ агаммам̣ на жа гаран̣ийяам̣; д̇хаммабад̇ируубагзна ваг̇г̇агаммам̣ агаммам̣ на жа гаран̣ийяам̣; д̇хаммабад̇ируубагзна самаг̇г̇агаммам̣ агаммам̣ на жа гаран̣ийяам̣. н̃ад̇д̇ивибаннан̃жз, бхигкавз, гаммам̣ ануссааванасамбаннам̣ агаммам̣ на жа гаран̣ийяам̣; ануссааванавибаннан̃жз, бхигкавз, гаммам̣ н̃ад̇д̇исамбаннам̣ агаммам̣ на жа гаран̣ийяам̣; н̃ад̇д̇ивибаннан̃жз, бхигкавз, гаммам̣ ануссааванавибаннам̣ агаммам̣ на жа гаран̣ийяам̣; ан̃н̃ад̇рааби д̇хаммаа гаммам̣ агаммам̣ на жа гаран̣ийяам̣; ан̃н̃ад̇рааби винаяаа гаммам̣ агаммам̣ на жа гаран̣ийяам̣; ан̃н̃ад̇рааби сад̇т̇усаасанаа гаммам̣ агаммам̣ на жа гаран̣ийяам̣; бадигудтагад̇ан̃жз, бхигкавз, гаммам̣ ад̇хаммигам̣ губбам̣ адтаанаарахам̣ агаммам̣ на жа гаран̣ийяам̣.
386. ‘‘Adhammena ce, bhikkhave, vaggakammaṃ akammaṃ na ca karaṇīyaṃ ; adhammena samaggakammaṃ akammaṃ na ca karaṇīyaṃ; dhammena vaggakammaṃ akammaṃ na ca karaṇīyaṃ; dhammapatirūpakena vaggakammaṃ akammaṃ na ca karaṇīyaṃ; dhammapatirūpakena samaggakammaṃ akammaṃ na ca karaṇīyaṃ. Ñattivipannañce, bhikkhave, kammaṃ anussāvanasampannaṃ akammaṃ na ca karaṇīyaṃ; anussāvanavipannañce, bhikkhave, kammaṃ ñattisampannaṃ akammaṃ na ca karaṇīyaṃ; ñattivipannañce, bhikkhave, kammaṃ anussāvanavipannaṃ akammaṃ na ca karaṇīyaṃ; aññatrāpi dhammā kammaṃ akammaṃ na ca karaṇīyaṃ; aññatrāpi vinayā kammaṃ akammaṃ na ca karaṇīyaṃ; aññatrāpi satthusāsanā kammaṃ akammaṃ na ca karaṇīyaṃ; paṭikuṭṭhakatañce, bhikkhave, kammaṃ adhammikaṃ kuppaṃ aṭṭhānārahaṃ akammaṃ na ca karaṇīyaṃ.
387. чаяимаани, бхигкавз, гаммаани – ад̇хаммагаммам̣, ваг̇г̇агаммам̣, самаг̇г̇агаммам̣, д̇хаммабад̇ируубагзна ваг̇г̇агаммам̣, д̇хаммабад̇ируубагзна самаг̇г̇агаммам̣, д̇хаммзна самаг̇г̇агаммам̣.
387. Chayimāni, bhikkhave, kammāni – adhammakammaṃ, vaggakammaṃ, samaggakammaṃ, dhammapatirūpakena vaggakammaṃ, dhammapatirūpakena samaggakammaṃ, dhammena samaggakammaṃ.
гад̇аман̃жа , бхигкавз, ад̇хаммагаммам̣? н̃ад̇д̇ид̣̇уд̇ияз жз, бхигкавз, гаммз згааяа н̃ад̇д̇ияаа гаммам̣ гарод̇и, на жа гаммаваажам̣ ануссаавзд̇и – ад̇хаммагаммам̣. н̃ад̇д̇ид̣̇уд̇ияз жз, бхигкавз, гаммз д̣̇вийхи н̃ад̇д̇ийхи гаммам̣ гарод̇и, на жа гаммаваажам̣ ануссаавзд̇и – ад̇хаммагаммам̣. н̃ад̇д̇ид̣̇уд̇ияз жз, бхигкавз, гаммз згааяа гаммаваажааяа гаммам̣ гарод̇и, на жа н̃ад̇д̇им̣ табзд̇и – ад̇хаммагаммам̣. н̃ад̇д̇ид̣̇уд̇ияз жз, бхигкавз, гаммз д̣̇вийхи гаммаваажаахи гаммам̣ гарод̇и, на жа н̃ад̇д̇им̣ табзд̇и – ад̇хаммагаммам̣. н̃ад̇д̇ижад̇уд̇т̇з жз, бхигкавз, гаммз згааяа н̃ад̇д̇ияаа гаммам̣ гарод̇и, на жа гаммаваажам̣ ануссаавзд̇и – ад̇хаммагаммам̣ . н̃ад̇д̇ижад̇уд̇т̇з жз, бхигкавз, гаммз д̣̇вийхи н̃ад̇д̇ийхи гаммам̣ гарод̇и, на жа гаммаваажам̣ ануссаавзд̇и – ад̇хаммагаммам̣. н̃ад̇д̇ижад̇уд̇т̇з жз, бхигкавз, гаммз д̇ийхи н̃ад̇д̇ийхи гаммам̣ гарод̇и, на жа гаммаваажам̣ ануссаавзд̇и – ад̇хаммагаммам̣. н̃ад̇д̇ижад̇уд̇т̇з жз, бхигкавз, гаммз жад̇уухи н̃ад̇д̇ийхи гаммам̣ гарод̇и, на жа гаммаваажам̣ ануссаавзд̇и – ад̇хаммагаммам̣. н̃ад̇д̇ижад̇уд̇т̇з жз, бхигкавз, гаммз згааяа гаммаваажааяа гаммам̣ гарод̇и, на жа н̃ад̇д̇им̣ табзд̇и – ад̇хаммагаммам̣. н̃ад̇д̇ижад̇уд̇т̇з жз, бхигкавз, гаммз д̣̇вийхи гаммаваажаахи гаммам̣ гарод̇и, на жа н̃ад̇д̇им̣ табзд̇и – ад̇хаммагаммам̣. н̃ад̇д̇ижад̇уд̇т̇з жз, бхигкавз, гаммз д̇ийхи гаммаваажаахи гаммам̣ гарод̇и, на жа н̃ад̇д̇им̣ табзд̇и – ад̇хаммагаммам̣. н̃ад̇д̇ижад̇уд̇т̇з жз, бхигкавз, гаммз жад̇уухи гаммаваажаахи гаммам̣ гарод̇и, на жа н̃ад̇д̇им̣ табзд̇и – ад̇хаммагаммам̣. ид̣̇ам̣ вужжад̇и, бхигкавз, ад̇хаммагаммам̣.
Katamañca , bhikkhave, adhammakammaṃ? Ñattidutiye ce, bhikkhave, kamme ekāya ñattiyā kammaṃ karoti, na ca kammavācaṃ anussāveti – adhammakammaṃ. Ñattidutiye ce, bhikkhave, kamme dvīhi ñattīhi kammaṃ karoti, na ca kammavācaṃ anussāveti – adhammakammaṃ. Ñattidutiye ce, bhikkhave, kamme ekāya kammavācāya kammaṃ karoti, na ca ñattiṃ ṭhapeti – adhammakammaṃ. Ñattidutiye ce, bhikkhave, kamme dvīhi kammavācāhi kammaṃ karoti, na ca ñattiṃ ṭhapeti – adhammakammaṃ. Ñatticatutthe ce, bhikkhave, kamme ekāya ñattiyā kammaṃ karoti, na ca kammavācaṃ anussāveti – adhammakammaṃ . Ñatticatutthe ce, bhikkhave, kamme dvīhi ñattīhi kammaṃ karoti, na ca kammavācaṃ anussāveti – adhammakammaṃ. Ñatticatutthe ce, bhikkhave, kamme tīhi ñattīhi kammaṃ karoti, na ca kammavācaṃ anussāveti – adhammakammaṃ. Ñatticatutthe ce, bhikkhave, kamme catūhi ñattīhi kammaṃ karoti, na ca kammavācaṃ anussāveti – adhammakammaṃ. Ñatticatutthe ce, bhikkhave, kamme ekāya kammavācāya kammaṃ karoti, na ca ñattiṃ ṭhapeti – adhammakammaṃ. Ñatticatutthe ce, bhikkhave, kamme dvīhi kammavācāhi kammaṃ karoti, na ca ñattiṃ ṭhapeti – adhammakammaṃ. Ñatticatutthe ce, bhikkhave, kamme tīhi kammavācāhi kammaṃ karoti, na ca ñattiṃ ṭhapeti – adhammakammaṃ. Ñatticatutthe ce, bhikkhave, kamme catūhi kammavācāhi kammaṃ karoti, na ca ñattiṃ ṭhapeti – adhammakammaṃ. Idaṃ vuccati, bhikkhave, adhammakammaṃ.
гад̇аман̃жа, бхигкавз, ваг̇г̇агаммам̣? н̃ад̇д̇ид̣̇уд̇ияз жз, бхигкавз, гаммз яаавад̇игаа бхигкуу гаммаббад̇д̇аа д̇з анааг̇ад̇аа хонд̇и, чанд̣̇аарахаанам̣ чанд̣̇о анаахадо ход̇и, саммукийбхууд̇аа бадиггосанд̇и – ваг̇г̇агаммам̣. н̃ад̇д̇ид̣̇уд̇ияз жз, бхигкавз, гаммз яаавад̇игаа бхигкуу гаммаббад̇д̇аа д̇з ааг̇ад̇аа хонд̇и, чанд̣̇аарахаанам̣ чанд̣̇о анаахадо ход̇и, саммукийбхууд̇аа бадиггосанд̇и – ваг̇г̇агаммам̣. н̃ад̇д̇ид̣̇уд̇ияз жз, бхигкавз, гаммз яаавад̇игаа бхигкуу гаммаббад̇д̇аа д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и, саммукийбхууд̇аа бадиггосанд̇и – ваг̇г̇агаммам̣. н̃ад̇д̇ижад̇уд̇т̇з жз, бхигкавз, гаммз яаавад̇игаа бхигкуу гаммаббад̇д̇аа д̇з анааг̇ад̇аа хонд̇и, чанд̣̇аарахаанам̣ чанд̣̇о анаахадо ход̇и, саммукийбхууд̇аа бадиггосанд̇и – ваг̇г̇агаммам̣. н̃ад̇д̇ижад̇уд̇т̇з жз, бхигкавз, гаммз яаавад̇игаа бхигкуу гаммаббад̇д̇аа д̇з ааг̇ад̇аа хонд̇и, чанд̣̇аарахаанам̣ чанд̣̇о анаахадо ход̇и, саммукийбхууд̇аа бадиггосанд̇и – ваг̇г̇агаммам̣. н̃ад̇д̇ижад̇уд̇т̇з жз, бхигкавз, гаммз яаавад̇игаа бхигкуу гаммаббад̇д̇аа д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и, саммукийбхууд̇аа бадиггосанд̇и – ваг̇г̇агаммам̣. ид̣̇ам̣ вужжад̇и, бхигкавз, ваг̇г̇агаммам̣.
Katamañca, bhikkhave, vaggakammaṃ? Ñattidutiye ce, bhikkhave, kamme yāvatikā bhikkhū kammappattā te anāgatā honti, chandārahānaṃ chando anāhaṭo hoti, sammukhībhūtā paṭikkosanti – vaggakammaṃ. Ñattidutiye ce, bhikkhave, kamme yāvatikā bhikkhū kammappattā te āgatā honti, chandārahānaṃ chando anāhaṭo hoti, sammukhībhūtā paṭikkosanti – vaggakammaṃ. Ñattidutiye ce, bhikkhave, kamme yāvatikā bhikkhū kammappattā te āgatā honti, chandārahānaṃ chando āhaṭo hoti, sammukhībhūtā paṭikkosanti – vaggakammaṃ. Ñatticatutthe ce, bhikkhave, kamme yāvatikā bhikkhū kammappattā te anāgatā honti, chandārahānaṃ chando anāhaṭo hoti, sammukhībhūtā paṭikkosanti – vaggakammaṃ. Ñatticatutthe ce, bhikkhave, kamme yāvatikā bhikkhū kammappattā te āgatā honti, chandārahānaṃ chando anāhaṭo hoti, sammukhībhūtā paṭikkosanti – vaggakammaṃ. Ñatticatutthe ce, bhikkhave, kamme yāvatikā bhikkhū kammappattā te āgatā honti, chandārahānaṃ chando āhaṭo hoti, sammukhībhūtā paṭikkosanti – vaggakammaṃ. Idaṃ vuccati, bhikkhave, vaggakammaṃ.
гад̇аман̃жа, бхигкавз, самаг̇г̇агаммам̣? н̃ад̇д̇ид̣̇уд̇ияз жз, бхигкавз, гаммз яаавад̇игаа бхигкуу гаммаббад̇д̇аа, д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и, саммукийбхууд̇аа на бадиггосанд̇и – самаг̇г̇агаммам̣. н̃ад̇д̇ижад̇уд̇т̇з жз, бхигкавз, гаммз яаавад̇игаа бхигкуу гаммаббад̇д̇аа, д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и, саммукийбхууд̇аа на бадиггосанд̇и – самаг̇г̇агаммам̣. ид̣̇ам̣ вужжад̇и, бхигкавз, самаг̇г̇агаммам̣.
Katamañca, bhikkhave, samaggakammaṃ? Ñattidutiye ce, bhikkhave, kamme yāvatikā bhikkhū kammappattā, te āgatā honti, chandārahānaṃ chando āhaṭo hoti, sammukhībhūtā na paṭikkosanti – samaggakammaṃ. Ñatticatutthe ce, bhikkhave, kamme yāvatikā bhikkhū kammappattā, te āgatā honti, chandārahānaṃ chando āhaṭo hoti, sammukhībhūtā na paṭikkosanti – samaggakammaṃ. Idaṃ vuccati, bhikkhave, samaggakammaṃ.
гад̇аман̃жа, бхигкавз, д̇хаммабад̇ируубагзна ваг̇г̇агаммам̣? н̃ад̇д̇ид̣̇уд̇ияз жз, бхигкавз, гаммз батамам̣ гаммаваажам̣ ануссаавзд̇и, бажчаа н̃ад̇д̇им̣ табзд̇и, яаавад̇игаа бхигкуу гаммаббад̇д̇аа д̇з анааг̇ад̇аа хонд̇и, чанд̣̇аарахаанам̣ чанд̣̇о анаахадо ход̇и, саммукийбхууд̇аа бадиггосанд̇и – д̇хаммабад̇ируубагзна ваг̇г̇агаммам̣. н̃ад̇д̇ид̣̇уд̇ияз жз, бхигкавз, гаммз батамам̣ гаммаваажам̣ ануссаавзд̇и, бажчаа н̃ад̇д̇им̣ табзд̇и, яаавад̇игаа бхигкуу гаммаббад̇д̇аа д̇з ааг̇ад̇аа хонд̇и, чанд̣̇аарахаанам̣ чанд̣̇о анаахадо ход̇и, саммукийбхууд̇аа бадиггосанд̇и – д̇хаммабад̇ируубагзна ваг̇г̇агаммам̣. н̃ад̇д̇ид̣̇уд̇ияз жз, бхигкавз , гаммз батамам̣ гаммаваажам̣ ануссаавзд̇и, бажчаа н̃ад̇д̇им̣ табзд̇и, яаавад̇игаа бхигкуу гаммаббад̇д̇аа д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и, саммукийбхууд̇аа бадиггосанд̇и – д̇хаммабад̇ируубагзна ваг̇г̇агаммам̣. н̃ад̇д̇ижад̇уд̇т̇з жз, бхигкавз, гаммз батамам̣ гаммаваажам̣ ануссаавзд̇и, бажчаа н̃ад̇д̇им̣ табзд̇и, яаавад̇игаа бхигкуу гаммаббад̇д̇аа д̇з анааг̇ад̇аа хонд̇и, чанд̣̇аарахаанам̣ чанд̣̇о анаахадо ход̇и, саммукийбхууд̇аа бадиггосанд̇и – д̇хаммабад̇ируубагзна ваг̇г̇агаммам̣. н̃ад̇д̇ижад̇уд̇т̇з жз, бхигкавз, гаммз батамам̣ гаммаваажам̣ ануссаавзд̇и, бажчаа н̃ад̇д̇им̣ табзд̇и, яаавад̇игаа бхигкуу гаммаббад̇д̇аа д̇з ааг̇ад̇аа хонд̇и, чанд̣̇аарахаанам̣ чанд̣̇о анаахадо ход̇и, саммукийбхууд̇аа бадиггосанд̇и – д̇хаммабад̇ируубагзна ваг̇г̇агаммам̣. н̃ад̇д̇ижад̇уд̇т̇з жз, бхигкавз, гаммз батамам̣ гаммаваажам̣ ануссаавзд̇и, бажчаа н̃ад̇д̇им̣ табзд̇и, яаавад̇игаа бхигкуу гаммаббад̇д̇аа д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и , саммукийбхууд̇аа бадиггосанд̇и – д̇хаммабад̇ируубагзна ваг̇г̇агаммам̣. ид̣̇ам̣ вужжад̇и, бхигкавз, д̇хаммабад̇ируубагзна ваг̇г̇агаммам̣.
Katamañca, bhikkhave, dhammapatirūpakena vaggakammaṃ? Ñattidutiye ce, bhikkhave, kamme paṭhamaṃ kammavācaṃ anussāveti, pacchā ñattiṃ ṭhapeti, yāvatikā bhikkhū kammappattā te anāgatā honti, chandārahānaṃ chando anāhaṭo hoti, sammukhībhūtā paṭikkosanti – dhammapatirūpakena vaggakammaṃ. Ñattidutiye ce, bhikkhave, kamme paṭhamaṃ kammavācaṃ anussāveti, pacchā ñattiṃ ṭhapeti, yāvatikā bhikkhū kammappattā te āgatā honti, chandārahānaṃ chando anāhaṭo hoti, sammukhībhūtā paṭikkosanti – dhammapatirūpakena vaggakammaṃ. Ñattidutiye ce, bhikkhave , kamme paṭhamaṃ kammavācaṃ anussāveti, pacchā ñattiṃ ṭhapeti, yāvatikā bhikkhū kammappattā te āgatā honti, chandārahānaṃ chando āhaṭo hoti, sammukhībhūtā paṭikkosanti – dhammapatirūpakena vaggakammaṃ. Ñatticatutthe ce, bhikkhave, kamme paṭhamaṃ kammavācaṃ anussāveti, pacchā ñattiṃ ṭhapeti, yāvatikā bhikkhū kammappattā te anāgatā honti, chandārahānaṃ chando anāhaṭo hoti, sammukhībhūtā paṭikkosanti – dhammapatirūpakena vaggakammaṃ. Ñatticatutthe ce, bhikkhave, kamme paṭhamaṃ kammavācaṃ anussāveti, pacchā ñattiṃ ṭhapeti, yāvatikā bhikkhū kammappattā te āgatā honti, chandārahānaṃ chando anāhaṭo hoti, sammukhībhūtā paṭikkosanti – dhammapatirūpakena vaggakammaṃ. Ñatticatutthe ce, bhikkhave, kamme paṭhamaṃ kammavācaṃ anussāveti, pacchā ñattiṃ ṭhapeti, yāvatikā bhikkhū kammappattā te āgatā honti, chandārahānaṃ chando āhaṭo hoti , sammukhībhūtā paṭikkosanti – dhammapatirūpakena vaggakammaṃ. Idaṃ vuccati, bhikkhave, dhammapatirūpakena vaggakammaṃ.
гад̇аман̃жа, бхигкавз, д̇хаммабад̇ируубагзна самаг̇г̇агаммам̣? н̃ад̇д̇ид̣̇уд̇ияз жз, бхигкавз, гаммз батамам̣ гаммаваажам̣ ануссаавзд̇и, бажчаа н̃ад̇д̇им̣ табзд̇и, яаавад̇игаа бхигкуу гаммаббад̇д̇аа, д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и, саммукийбхууд̇аа на бадиггосанд̇и – д̇хаммабад̇ируубагзна самаг̇г̇агаммам̣. н̃ад̇д̇ижад̇уд̇т̇з жз, бхигкавз, гаммз батамам̣ гаммаваажам̣ ануссаавзд̇и, бажчаа н̃ад̇д̇им̣ табзд̇и, яаавад̇игаа бхигкуу гаммаббад̇д̇аа д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и, саммукийбхууд̇аа на бадиггосанд̇и – д̇хаммабад̇ируубагзна самаг̇г̇агаммам̣. ид̣̇ам̣ вужжад̇и, бхигкавз, д̇хаммабад̇ируубагзна самаг̇г̇агаммам̣.
Katamañca, bhikkhave, dhammapatirūpakena samaggakammaṃ? Ñattidutiye ce, bhikkhave, kamme paṭhamaṃ kammavācaṃ anussāveti, pacchā ñattiṃ ṭhapeti, yāvatikā bhikkhū kammappattā, te āgatā honti, chandārahānaṃ chando āhaṭo hoti, sammukhībhūtā na paṭikkosanti – dhammapatirūpakena samaggakammaṃ. Ñatticatutthe ce, bhikkhave, kamme paṭhamaṃ kammavācaṃ anussāveti, pacchā ñattiṃ ṭhapeti, yāvatikā bhikkhū kammappattā te āgatā honti, chandārahānaṃ chando āhaṭo hoti, sammukhībhūtā na paṭikkosanti – dhammapatirūpakena samaggakammaṃ. Idaṃ vuccati, bhikkhave, dhammapatirūpakena samaggakammaṃ.
гад̇аман̃жа, бхигкавз, д̇хаммзна самаг̇г̇агаммам̣? н̃ад̇д̇ид̣̇уд̇ияз жз, бхигкавз, гаммз батамам̣ н̃ад̇д̇им̣ табзд̇и, бажчаа згааяа гаммаваажааяа гаммам̣ гарод̇и, яаавад̇игаа бхигкуу гаммаббад̇д̇аа д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и, саммукийбхууд̇аа на бадиггосанд̇и – д̇хаммзна самаг̇г̇агаммам̣. н̃ад̇д̇ижад̇уд̇т̇з жз, бхигкавз, гаммз батамам̣ н̃ад̇д̇им̣ табзд̇и, бажчаа д̇ийхи гаммаваажаахи гаммам̣ гарод̇и, яаавад̇игаа бхигкуу гаммаббад̇д̇аа, д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и, саммукийбхууд̇аа на бадиггосанд̇и, д̇хаммзна самаг̇г̇агаммам̣. ид̣̇ам̣ вужжад̇и, бхигкавз, д̇хаммзна самаг̇г̇агаммам̣.
Katamañca, bhikkhave, dhammena samaggakammaṃ? Ñattidutiye ce, bhikkhave, kamme paṭhamaṃ ñattiṃ ṭhapeti, pacchā ekāya kammavācāya kammaṃ karoti, yāvatikā bhikkhū kammappattā te āgatā honti, chandārahānaṃ chando āhaṭo hoti, sammukhībhūtā na paṭikkosanti – dhammena samaggakammaṃ. Ñatticatutthe ce, bhikkhave, kamme paṭhamaṃ ñattiṃ ṭhapeti, pacchā tīhi kammavācāhi kammaṃ karoti, yāvatikā bhikkhū kammappattā, te āgatā honti, chandārahānaṃ chando āhaṭo hoti, sammukhībhūtā na paṭikkosanti, dhammena samaggakammaṃ. Idaṃ vuccati, bhikkhave, dhammena samaggakammaṃ.
н̃ад̇д̇ивибаннагаммаад̣̇игат̇аа нидтид̇аа.
Ñattivipannakammādikathā niṭṭhitā.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / гассабаг̇од̇д̇абхигкувад̇т̇угат̇аа • Kassapagottabhikkhuvatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / н̃ад̇д̇ивибаннагаммаад̣̇игат̇ааван̣н̣анаа • Ñattivipannakammādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гассабаг̇од̇д̇абхигкувад̇т̇угат̇аад̣̇иван̣н̣анаа • Kassapagottabhikkhuvatthukathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 236. н̃ад̇д̇ивибаннагаммаад̣̇игат̇аа • 236. Ñattivipannakammādikathā
