| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
೨೩೬. ಞತ್ತಿವಿಪನ್ನಕಮ್ಮಾದಿಕಥಾ
236. Ñattivipannakammādikathā
೩೮೫. ಅಞ್ಞತ್ರಾಪಿ ಧಮ್ಮಾತಿ ಏತ್ಥ ಧಮ್ಮಾತಿ ಉಪಯೋಗತ್ಥೇ ನಿಸ್ಸಕ್ಕವಚನಮೇತನ್ತಿ ಆಹ ‘‘ಅಞ್ಞತ್ರ ಧಮ್ಮ’’ನ್ತಿ। ‘‘ಅಞ್ಞತ್ರಾ’’ತಿ ನಿಪಾತಪಯೋಗೇ ದುತಿಯಾತತಿಯಾಪಞ್ಚಮೀಸು ಅಞ್ಞತರಸ್ಸ ಸಮ್ಭವತೋ ಉಪಯೋಗವಚನಮ್ಪಿ ಹೋತಿ। ತಸ್ಮಾ ವುತ್ತಂ ‘‘ಅಯಮೇವ ವಾ ಪಾಠೋ’’ತಿ। ‘‘ಭೂತೇನ ವತ್ಥುನಾ’’ತಿ ಇಮಿನಾ ಧಮ್ಮಸದ್ದಸ್ಸ ಸಚ್ಚತ್ಥಂ ದಸ್ಸೇತಿ। ‘‘ಏಸೇವ ನಯೋ’’ತಿ ಇಮಿನಾ ಸದ್ದಸಭಾವಮೇವ ಸನ್ಧಾಯ ಅತಿದಿಸತಿ, ನ ಅತ್ಥಂ। ತೇನ ವುತ್ತಂ ‘‘ಏತ್ಥ ಪನಾ’’ತಿಆದಿ। ಸತ್ಥುಸಾಸನನ್ತಿ ಸತ್ಥು ಆಣಾ। ಸತ್ಥುಆಣಾ ನಾಮ ಞತ್ತಿಅನುಸಾವನಾನಂ ಸಮ್ಪದಾತಿ ಆಹ ‘‘ಞತ್ತಿಸಮ್ಪದಾ ಅನುಸಾವನಸಮ್ಪದಾ ಚಾ’’ತಿ। ‘‘ಪಟಿಕುಟ್ಠಞ್ಚೇವ ಕತಞ್ಚಾ’’ತಿ ಇಮಿನಾ ಪಟಿಕುಟ್ಠಕತನ್ತಿ ಪದಸ್ಸ ದ್ವನ್ದವಾಕ್ಯಂ ದಸ್ಸೇತಿ। ಪಟಿಕುಸಿತಬ್ಬನ್ತಿ ಪಟಿಕುಟ್ಠಂ, ಕತ್ತಬ್ಬನ್ತಿ ಕತಂ, ಕಮ್ಮಂ। ತಮೇವತ್ಥಂ ದಸ್ಸೇನ್ತೋ ಆಹ ‘‘ಯಂ ಅಞ್ಞೇಸೂ’’ತಿಆದಿ। ತತ್ಥ ಯನ್ತಿ ಕಮ್ಮಂ।
385.Aññatrāpi dhammāti ettha dhammāti upayogatthe nissakkavacanametanti āha ‘‘aññatra dhamma’’nti. ‘‘Aññatrā’’ti nipātapayoge dutiyātatiyāpañcamīsu aññatarassa sambhavato upayogavacanampi hoti. Tasmā vuttaṃ ‘‘ayameva vā pāṭho’’ti. ‘‘Bhūtena vatthunā’’ti iminā dhammasaddassa saccatthaṃ dasseti. ‘‘Eseva nayo’’ti iminā saddasabhāvameva sandhāya atidisati, na atthaṃ. Tena vuttaṃ ‘‘ettha panā’’tiādi. Satthusāsananti satthu āṇā. Satthuāṇā nāma ñattianusāvanānaṃ sampadāti āha ‘‘ñattisampadā anusāvanasampadā cā’’ti. ‘‘Paṭikuṭṭhañceva katañcā’’ti iminā paṭikuṭṭhakatanti padassa dvandavākyaṃ dasseti. Paṭikusitabbanti paṭikuṭṭhaṃ, kattabbanti kataṃ, kammaṃ. Tamevatthaṃ dassento āha ‘‘yaṃ aññesū’’tiādi. Tattha yanti kammaṃ.
೩೮೭. ಪಾಳಿಯಾತಿ ವಿನಯಪಾಳಿಯಾ। ಯನ್ತಿ ಕಮ್ಮಂ, ನ ಕರಿಯತೀತಿ ಸಮ್ಬನ್ಧೋ। ಏತ್ಥಾತಿ ಅಟ್ಠಕಥಾಯಂ। ಸೋ ಚ ಖೋತಿ ಸೋ ಚ ವಿತ್ಥಾರೋ, ಆಗತೋತಿ ಸಮ್ಬನ್ಧೋ। ಕಸ್ಮಾ ಞತ್ತಿದುತಿಯಞತ್ತಿಚತುತ್ಥಕಮ್ಮಾನಮೇವ ವಸೇನ ಆಗತೋ, ನನು ಞತ್ತಿಅಪಲೋಕನಕಮ್ಮವಸೇನಪಿ ಆಗತೇನ ಭವಿತಬ್ಬನ್ತಿ ಆಹ ‘‘ಯಸ್ಮಾ ಪನಾ’’ತಿಆದಿ। ಞತ್ತಿದುತಿಯಞತ್ತಿಚತುತ್ಥೇಸು ಹಾಪನಂ ವಾ ಅಞ್ಞಥಾ ಕರಣಂ ವಾ ಅತ್ಥಿ ವಿಯ ಞತ್ತಿಕಮ್ಮೇ ನತ್ಥೀತಿ ಯೋಜನಾ। ಞತ್ತಿಕಮ್ಮೇ ಞತ್ತಿಟ್ಠಪನತೋ ಅಞ್ಞಕಿಚ್ಚಸ್ಸ ಅಸಮ್ಭವತೋ ಹಾಪನಂ ವಾ ಅಞ್ಞಥಾ ಕರಣಂ ವಾ ನತ್ಥೀತಿ ಅಧಿಪ್ಪಾಯೋ। ತಾನೀತಿ ಞತ್ತಿಕಮ್ಮಅಪಲೋಕನಕಮ್ಮಾನಿ। ಸಬ್ಬೇಸಮ್ಪಿ ಕಮ್ಮಾನನ್ತಿ ಸಬ್ಬೇಸಮ್ಪಿ ಚತುನ್ನಂ ಕಮ್ಮಾನಂ। ಪರತೋತಿ ಪರಸ್ಮಿಂ ಪರಿವಾರಾವಸಾನೇ (ಪರಿ॰ ಅಟ್ಠ॰ ೪೮೨)।
387.Pāḷiyāti vinayapāḷiyā. Yanti kammaṃ, na kariyatīti sambandho. Etthāti aṭṭhakathāyaṃ. So ca khoti so ca vitthāro, āgatoti sambandho. Kasmā ñattidutiyañatticatutthakammānameva vasena āgato, nanu ñattiapalokanakammavasenapi āgatena bhavitabbanti āha ‘‘yasmā panā’’tiādi. Ñattidutiyañatticatutthesu hāpanaṃ vā aññathā karaṇaṃ vā atthi viya ñattikamme natthīti yojanā. Ñattikamme ñattiṭṭhapanato aññakiccassa asambhavato hāpanaṃ vā aññathā karaṇaṃ vā natthīti adhippāyo. Tānīti ñattikammaapalokanakammāni. Sabbesampi kammānanti sabbesampi catunnaṃ kammānaṃ. Paratoti parasmiṃ parivārāvasāne (pari. aṭṭha. 482).
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi / ೨೩೬. ಞತ್ತಿವಿಪನ್ನಕಮ್ಮಾದಿಕಥಾ • 236. Ñattivipannakammādikathā
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ಕಸ್ಸಪಗೋತ್ತಭಿಕ್ಖುವತ್ಥುಕಥಾ • Kassapagottabhikkhuvatthukathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಞತ್ತಿವಿಪನ್ನಕಮ್ಮಾದಿಕಥಾವಣ್ಣನಾ • Ñattivipannakammādikathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಕಸ್ಸಪಗೋತ್ತಭಿಕ್ಖುವತ್ಥುಕಥಾದಿವಣ್ಣನಾ • Kassapagottabhikkhuvatthukathādivaṇṇanā
