| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੪. ਨਤੁਮ੍ਹਾਕਂવਗ੍ਗੋ
4. Natumhākaṃvaggo
੧. ਨਤੁਮ੍ਹਾਕਂਸੁਤ੍ਤਂ
1. Natumhākaṃsuttaṃ
੩੩. ਸਾવਤ੍ਥਿਨਿਦਾਨਂ । ‘‘ਯਂ, ਭਿਕ੍ਖવੇ, ਨ ਤੁਮ੍ਹਾਕਂ, ਤਂ ਪਜਹਥ। ਤਂ વੋ ਪਹੀਨਂ ਹਿਤਾਯ ਸੁਖਾਯ ਭવਿਸ੍ਸਤਿ। ਕਿਞ੍ਚ, ਭਿਕ੍ਖવੇ, ਨ ਤੁਮ੍ਹਾਕਂ? ਰੂਪਂ, ਭਿਕ੍ਖવੇ, ਨ ਤੁਮ੍ਹਾਕਂ, ਤਂ ਪਜਹਥ। ਤਂ વੋ ਪਹੀਨਂ ਹਿਤਾਯ ਸੁਖਾਯ ਭવਿਸ੍ਸਤਿ। વੇਦਨਾ ਨ ਤੁਮ੍ਹਾਕਂ, ਤਂ ਪਜਹਥ। ਸਾ વੋ ਪਹੀਨਾ ਹਿਤਾਯ ਸੁਖਾਯ ਭવਿਸ੍ਸਤਿ। ਸਞ੍ਞਾ ਨ ਤੁਮ੍ਹਾਕਂ… ਸਙ੍ਖਾਰਾ ਨ ਤੁਮ੍ਹਾਕਂ, ਤੇ ਪਜਹਥ। ਤੇ વੋ ਪਹੀਨਾ ਹਿਤਾਯ ਸੁਖਾਯ ਭવਿਸ੍ਸਨ੍ਤਿ। વਿਞ੍ਞਾਣਂ ਨ ਤੁਮ੍ਹਾਕਂ, ਤਂ ਪਜਹਥ। ਤਂ વੋ ਪਹੀਨਂ ਹਿਤਾਯ ਸੁਖਾਯ ਭવਿਸ੍ਸਤਿ’’।
33. Sāvatthinidānaṃ . ‘‘Yaṃ, bhikkhave, na tumhākaṃ, taṃ pajahatha. Taṃ vo pahīnaṃ hitāya sukhāya bhavissati. Kiñca, bhikkhave, na tumhākaṃ? Rūpaṃ, bhikkhave, na tumhākaṃ, taṃ pajahatha. Taṃ vo pahīnaṃ hitāya sukhāya bhavissati. Vedanā na tumhākaṃ, taṃ pajahatha. Sā vo pahīnā hitāya sukhāya bhavissati. Saññā na tumhākaṃ… saṅkhārā na tumhākaṃ, te pajahatha. Te vo pahīnā hitāya sukhāya bhavissanti. Viññāṇaṃ na tumhākaṃ, taṃ pajahatha. Taṃ vo pahīnaṃ hitāya sukhāya bhavissati’’.
‘‘ਸੇਯ੍ਯਥਾਪਿ, ਭਿਕ੍ਖવੇ, ਯਂ ਇਮਸ੍ਮਿਂ ਜੇਤવਨੇ ਤਿਣਕਟ੍ਠਸਾਖਾਪਲਾਸਂ ਤਂ ਜਨੋ ਹਰੇਯ੍ਯ વਾ ਡਹੇਯ੍ਯ વਾ ਯਥਾਪਚ੍ਚਯਂ વਾ ਕਰੇਯ੍ਯ। ਅਪਿ ਨੁ ਤੁਮ੍ਹਾਕਂ ਏવਮਸ੍ਸ – ‘ਅਮ੍ਹੇ ਜਨੋ ਹਰਤਿ વਾ ਡਹਤਿ વਾ ਯਥਾਪਚ੍ਚਯਂ વਾ ਕਰੋਤੀ’’’ਤਿ? ‘‘ਨੋ ਹੇਤਂ, ਭਨ੍ਤੇ’’। ‘‘ਤਂ ਕਿਸ੍ਸ ਹੇਤੁ’’? ‘‘ਨ ਹਿ ਨੋ ਏਤਂ, ਭਨ੍ਤੇ, ਅਤ੍ਤਾ વਾ ਅਤ੍ਤਨਿਯਂ વਾ’’ਤਿ। ‘‘ਏવਮੇવ ਖੋ, ਭਿਕ੍ਖવੇ, ਰੂਪਂ ਨ ਤੁਮ੍ਹਾਕਂ, ਤਂ ਪਜਹਥ। ਤਂ વੋ ਪਹੀਨਂ ਹਿਤਾਯ ਸੁਖਾਯ ਭવਿਸ੍ਸਤਿ। વੇਦਨਾ ਨ ਤੁਮ੍ਹਾਕਂ, ਤਂ ਪਜਹਥ। ਸਾ વੋ ਪਹੀਨਾ ਹਿਤਾਯ ਸੁਖਾਯ ਭવਿਸ੍ਸਤਿ। ਸਞ੍ਞਾ ਨ ਤੁਮ੍ਹਾਕਂ… ਸਙ੍ਖਾਰਾ ਨ ਤੁਮ੍ਹਾਕਂ… વਿਞ੍ਞਾਣਂ ਨ ਤੁਮ੍ਹਾਕਂ, ਤਂ ਪਜਹਥ। ਤਂ વੋ ਪਹੀਨਂ ਹਿਤਾਯ ਸੁਖਾਯ ਭવਿਸ੍ਸਤੀ’’ਤਿ। ਪਠਮਂ।
‘‘Seyyathāpi, bhikkhave, yaṃ imasmiṃ jetavane tiṇakaṭṭhasākhāpalāsaṃ taṃ jano hareyya vā ḍaheyya vā yathāpaccayaṃ vā kareyya. Api nu tumhākaṃ evamassa – ‘amhe jano harati vā ḍahati vā yathāpaccayaṃ vā karotī’’’ti? ‘‘No hetaṃ, bhante’’. ‘‘Taṃ kissa hetu’’? ‘‘Na hi no etaṃ, bhante, attā vā attaniyaṃ vā’’ti. ‘‘Evameva kho, bhikkhave, rūpaṃ na tumhākaṃ, taṃ pajahatha. Taṃ vo pahīnaṃ hitāya sukhāya bhavissati. Vedanā na tumhākaṃ, taṃ pajahatha. Sā vo pahīnā hitāya sukhāya bhavissati. Saññā na tumhākaṃ… saṅkhārā na tumhākaṃ… viññāṇaṃ na tumhākaṃ, taṃ pajahatha. Taṃ vo pahīnaṃ hitāya sukhāya bhavissatī’’ti. Paṭhamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਨਤੁਮ੍ਹਾਕਸੁਤ੍ਤવਣ੍ਣਨਾ • 1. Natumhākasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਨਤੁਮ੍ਹਾਕਂਸੁਤ੍ਤવਣ੍ਣਨਾ • 1. Natumhākaṃsuttavaṇṇanā
