| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. над̇умхасуд̇д̇аван̣н̣анаа
7. Natumhasuttavaṇṇanā
37. сад̇д̇амз на д̇умхааганд̇и ад̇д̇ани хи сад̇и ад̇д̇анияам̣ наама ход̇и. ад̇д̇ааязва жа над̇т̇и, д̇асмаа ‘‘на д̇умхаага’’нд̇и ааха. наби ан̃н̃зсанд̇и ан̃н̃о наама барзсам̣ ад̇д̇аа, д̇асмим̣ сад̇и ан̃н̃зсам̣ наама сияаа, соби над̇т̇и, д̇асмаа ‘‘наби ан̃н̃зса’’нд̇и ааха. бураан̣амид̣̇ам̣, бхигкавз, гамманд̇и наяид̣̇ам̣ бураан̣агаммамзва, бураан̣агамманиб̣б̣ад̇д̇о банзса гааяо, д̇асмаа бажжаяавохаарзна звам̣ вуд̇д̇о. абхисан̇кад̇анд̇иаад̣̇и гаммавохаарассзва васзна бурималин̇г̇асабхааг̇ад̇ааяа вуд̇д̇ам̣, аяам̣ банзд̇т̇а ад̇т̇о – абхисан̇кад̇анд̇и бажжаязхи гад̇од̇и д̣̇адтаб̣б̣о. абхисан̃жзд̇аяид̇анд̇и жзд̇анаавад̇т̇уго жзд̇анаамуулагод̇и д̣̇адтаб̣б̣о. взд̣̇анияанд̇и взд̣̇анияавад̇т̇ууд̇и д̣̇адтаб̣б̣о. сад̇д̇амам̣.
37. Sattame na tumhākanti attani hi sati attaniyaṃ nāma hoti. Attāyeva ca natthi, tasmā ‘‘na tumhāka’’nti āha. Napi aññesanti añño nāma paresaṃ attā, tasmiṃ sati aññesaṃ nāma siyā, sopi natthi, tasmā ‘‘napi aññesa’’nti āha. Purāṇamidaṃ, bhikkhave, kammanti nayidaṃ purāṇakammameva, purāṇakammanibbatto panesa kāyo, tasmā paccayavohārena evaṃ vutto. Abhisaṅkhatantiādi kammavohārasseva vasena purimaliṅgasabhāgatāya vuttaṃ, ayaṃ panettha attho – abhisaṅkhatanti paccayehi katoti daṭṭhabbo. Abhisañcetayitanti cetanāvatthuko cetanāmūlakoti daṭṭhabbo. Vedaniyanti vedaniyavatthūti daṭṭhabbo. Sattamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. над̇умхасуд̇д̇ам̣ • 7. Natumhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. над̇умхасуд̇д̇аван̣н̣анаа • 7. Natumhasuttavaṇṇanā
