| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. над̇умхасуд̇д̇аван̣н̣анаа
7. Natumhasuttavaṇṇanā
37. на д̇умхааганд̇и гааяасса анад̇д̇анияабхаавад̣̇ассанамзва банзд̇анд̇и яаа д̇асса анад̇д̇анияад̇аа, д̇ам̣ д̣̇ассзд̇ум̣ ‘‘ад̇д̇ани хий’’д̇иаад̣̇и вуд̇д̇ам̣. яад̣̇и на ад̇д̇анияам̣, барагияам̣ наама сияаад̇и, д̇амби над̇т̇ийд̇и д̣̇ассзнд̇о ‘‘нааби ан̃н̃зса’’нд̇и ааха. наяид̣̇ам̣ бураан̣агаммамзваад̇и ‘‘ид̣̇ам̣ гааяо’’д̇и вуд̇д̇асарийрам̣ бураан̣агаммамзва на ход̇и. на хи гааяо взд̣̇анаасабхааво. бажжаяавохаарзнаад̇и гааран̣обажаарзна. абхисан̇кад̇анд̇иаад̣̇и набум̣сагалин̇г̇аважанам̣. бурималин̇г̇асабхааг̇ад̇ааяаад̇и ‘‘бураан̣амид̣̇ам̣ гамма’’нд̇и звам̣ вуд̇д̇абуриманабум̣сагалин̇г̇асабхааг̇ад̇ааяа. ан̃н̃аман̃н̃аабхимукзхи самзжжа бажжаязхи гад̇о абхисан̇кад̇од̇и ааха ‘‘бажжаязхи гад̇од̇и д̣̇адтаб̣б̣о’’д̇и. абхисан̃жзд̇аяид̇анд̇и д̇ат̇аа абхисан̇кад̇ад̇д̇асан̇каад̇зна абхимукабхаавзна жзд̇аяид̇ам̣ багаббид̇ам̣, бавад̇д̇ид̇анд̇и ад̇т̇о. жзд̇анаавад̇т̇угод̇и жзд̇анаахзд̇уго. взд̣̇анияанд̇и взд̣̇анааяа хид̇ам̣ вад̇т̇аарамман̣абхаавзна взд̣̇анааяа бажжаяабхаавад̇о. д̇знааха ‘‘взд̣̇анияавад̇т̇уу’’д̇и.
37.Natumhākanti kāyassa anattaniyabhāvadassanameva panetanti yā tassa anattaniyatā, taṃ dassetuṃ ‘‘attani hī’’tiādi vuttaṃ. Yadi na attaniyaṃ, parakiyaṃ nāma siyāti, tampi natthīti dassento ‘‘nāpi aññesa’’nti āha. Nayidaṃ purāṇakammamevāti ‘‘idaṃ kāyo’’ti vuttasarīraṃ purāṇakammameva na hoti. Na hi kāyo vedanāsabhāvo. Paccayavohārenāti kāraṇopacārena. Abhisaṅkhatantiādi napuṃsakaliṅgavacanaṃ. Purimaliṅgasabhāgatāyāti ‘‘purāṇamidaṃ kamma’’nti evaṃ vuttapurimanapuṃsakaliṅgasabhāgatāya. Aññamaññābhimukhehi samecca paccayehi kato abhisaṅkhatoti āha ‘‘paccayehi katoti daṭṭhabbo’’ti. Abhisañcetayitanti tathā abhisaṅkhatattasaṅkhātena abhimukhabhāvena cetayitaṃ pakappitaṃ, pavattitanti attho. Cetanāvatthukoti cetanāhetuko. Vedaniyanti vedanāya hitaṃ vatthārammaṇabhāvena vedanāya paccayabhāvato. Tenāha ‘‘vedaniyavatthū’’ti.
над̇умхасуд̇д̇аван̣н̣анаа нидтид̇аа.
Natumhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. над̇умхасуд̇д̇ам̣ • 7. Natumhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. над̇умхасуд̇д̇аван̣н̣анаа • 7. Natumhasuttavaṇṇanā
