| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๗. นตุมฺหสุตฺตวณฺณนา
7. Natumhasuttavaṇṇanā
๓๗. สตฺตเม น ตุมฺหากนฺติ อตฺตนิ หิ สติ อตฺตนิยํ นาม โหติฯ อตฺตาเยว จ นตฺถิ, ตสฺมา ‘‘น ตุมฺหาก’’นฺติ อาหฯ นปิ อเญฺญสนฺติ อโญฺญ นาม ปเรสํ อตฺตา, ตสฺมิํ สติ อเญฺญสํ นาม สิยา, โสปิ นตฺถิ, ตสฺมา ‘‘นปิ อเญฺญส’’นฺติ อาหฯ ปุราณมิทํ, ภิกฺขเว, กมฺมนฺติ นยิทํ ปุราณกมฺมเมว, ปุราณกมฺมนิพฺพโตฺต ปเนส กาโย, ตสฺมา ปจฺจยโวหาเรน เอวํ วุโตฺตฯ อภิสงฺขตนฺติอาทิ กมฺมโวหารเสฺสว วเสน ปุริมลิงฺคสภาคตาย วุตฺตํ, อยํ ปเนตฺถ อโตฺถ – อภิสงฺขตนฺติ ปจฺจเยหิ กโตติ ทฎฺฐโพฺพฯ อภิสเญฺจตยิตนฺติ เจตนาวตฺถุโก เจตนามูลโกติ ทฎฺฐโพฺพฯ เวทนิยนฺติ เวทนิยวตฺถูติ ทฎฺฐโพฺพฯ สตฺตมํฯ
37. Sattame na tumhākanti attani hi sati attaniyaṃ nāma hoti. Attāyeva ca natthi, tasmā ‘‘na tumhāka’’nti āha. Napi aññesanti añño nāma paresaṃ attā, tasmiṃ sati aññesaṃ nāma siyā, sopi natthi, tasmā ‘‘napi aññesa’’nti āha. Purāṇamidaṃ, bhikkhave, kammanti nayidaṃ purāṇakammameva, purāṇakammanibbatto panesa kāyo, tasmā paccayavohārena evaṃ vutto. Abhisaṅkhatantiādi kammavohārasseva vasena purimaliṅgasabhāgatāya vuttaṃ, ayaṃ panettha attho – abhisaṅkhatanti paccayehi katoti daṭṭhabbo. Abhisañcetayitanti cetanāvatthuko cetanāmūlakoti daṭṭhabbo. Vedaniyanti vedaniyavatthūti daṭṭhabbo. Sattamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๗. นตุมฺหสุตฺตํ • 7. Natumhasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๗. นตุมฺหสุตฺตวณฺณนา • 7. Natumhasuttavaṇṇanā
