| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਨਤੁਮ੍ਹਸੁਤ੍ਤવਣ੍ਣਨਾ
7. Natumhasuttavaṇṇanā
੩੭. ਸਤ੍ਤਮੇ ਨ ਤੁਮ੍ਹਾਕਨ੍ਤਿ ਅਤ੍ਤਨਿ ਹਿ ਸਤਿ ਅਤ੍ਤਨਿਯਂ ਨਾਮ ਹੋਤਿ। ਅਤ੍ਤਾਯੇવ ਚ ਨਤ੍ਥਿ, ਤਸ੍ਮਾ ‘‘ਨ ਤੁਮ੍ਹਾਕ’’ਨ੍ਤਿ ਆਹ। ਨਪਿ ਅਞ੍ਞੇਸਨ੍ਤਿ ਅਞ੍ਞੋ ਨਾਮ ਪਰੇਸਂ ਅਤ੍ਤਾ, ਤਸ੍ਮਿਂ ਸਤਿ ਅਞ੍ਞੇਸਂ ਨਾਮ ਸਿਯਾ, ਸੋਪਿ ਨਤ੍ਥਿ, ਤਸ੍ਮਾ ‘‘ਨਪਿ ਅਞ੍ਞੇਸ’’ਨ੍ਤਿ ਆਹ। ਪੁਰਾਣਮਿਦਂ, ਭਿਕ੍ਖવੇ, ਕਮ੍ਮਨ੍ਤਿ ਨਯਿਦਂ ਪੁਰਾਣਕਮ੍ਮਮੇવ, ਪੁਰਾਣਕਮ੍ਮਨਿਬ੍ਬਤ੍ਤੋ ਪਨੇਸ ਕਾਯੋ, ਤਸ੍ਮਾ ਪਚ੍ਚਯવੋਹਾਰੇਨ ਏવਂ વੁਤ੍ਤੋ। ਅਭਿਸਙ੍ਖਤਨ੍ਤਿਆਦਿ ਕਮ੍ਮવੋਹਾਰਸ੍ਸੇવ વਸੇਨ ਪੁਰਿਮਲਿਙ੍ਗਸਭਾਗਤਾਯ વੁਤ੍ਤਂ, ਅਯਂ ਪਨੇਤ੍ਥ ਅਤ੍ਥੋ – ਅਭਿਸਙ੍ਖਤਨ੍ਤਿ ਪਚ੍ਚਯੇਹਿ ਕਤੋਤਿ ਦਟ੍ਠਬ੍ਬੋ। ਅਭਿਸਞ੍ਚੇਤਯਿਤਨ੍ਤਿ ਚੇਤਨਾવਤ੍ਥੁਕੋ ਚੇਤਨਾਮੂਲਕੋਤਿ ਦਟ੍ਠਬ੍ਬੋ। વੇਦਨਿਯਨ੍ਤਿ વੇਦਨਿਯવਤ੍ਥੂਤਿ ਦਟ੍ਠਬ੍ਬੋ। ਸਤ੍ਤਮਂ।
37. Sattame na tumhākanti attani hi sati attaniyaṃ nāma hoti. Attāyeva ca natthi, tasmā ‘‘na tumhāka’’nti āha. Napi aññesanti añño nāma paresaṃ attā, tasmiṃ sati aññesaṃ nāma siyā, sopi natthi, tasmā ‘‘napi aññesa’’nti āha. Purāṇamidaṃ, bhikkhave, kammanti nayidaṃ purāṇakammameva, purāṇakammanibbatto panesa kāyo, tasmā paccayavohārena evaṃ vutto. Abhisaṅkhatantiādi kammavohārasseva vasena purimaliṅgasabhāgatāya vuttaṃ, ayaṃ panettha attho – abhisaṅkhatanti paccayehi katoti daṭṭhabbo. Abhisañcetayitanti cetanāvatthuko cetanāmūlakoti daṭṭhabbo. Vedaniyanti vedaniyavatthūti daṭṭhabbo. Sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਨਤੁਮ੍ਹਸੁਤ੍ਤਂ • 7. Natumhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਨਤੁਮ੍ਹਸੁਤ੍ਤવਣ੍ਣਨਾ • 7. Natumhasuttavaṇṇanā
