| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭. ਨਤੁਮ੍ਹਸੁਤ੍ਤવਣ੍ਣਨਾ
7. Natumhasuttavaṇṇanā
੩੭. ਨ ਤੁਮ੍ਹਾਕਨ੍ਤਿ ਕਾਯਸ੍ਸ ਅਨਤ੍ਤਨਿਯਭਾવਦਸ੍ਸਨਮੇવ ਪਨੇਤਨ੍ਤਿ ਯਾ ਤਸ੍ਸ ਅਨਤ੍ਤਨਿਯਤਾ, ਤਂ ਦਸ੍ਸੇਤੁਂ ‘‘ਅਤ੍ਤਨਿ ਹੀ’’ਤਿਆਦਿ વੁਤ੍ਤਂ। ਯਦਿ ਨ ਅਤ੍ਤਨਿਯਂ, ਪਰਕਿਯਂ ਨਾਮ ਸਿਯਾਤਿ, ਤਮ੍ਪਿ ਨਤ੍ਥੀਤਿ ਦਸ੍ਸੇਨ੍ਤੋ ‘‘ਨਾਪਿ ਅਞ੍ਞੇਸ’’ਨ੍ਤਿ ਆਹ। ਨਯਿਦਂ ਪੁਰਾਣਕਮ੍ਮਮੇવਾਤਿ ‘‘ਇਦਂ ਕਾਯੋ’’ਤਿ વੁਤ੍ਤਸਰੀਰਂ ਪੁਰਾਣਕਮ੍ਮਮੇવ ਨ ਹੋਤਿ। ਨ ਹਿ ਕਾਯੋ વੇਦਨਾਸਭਾવੋ। ਪਚ੍ਚਯવੋਹਾਰੇਨਾਤਿ ਕਾਰਣੋਪਚਾਰੇਨ। ਅਭਿਸਙ੍ਖਤਨ੍ਤਿਆਦਿ ਨਪੁਂਸਕਲਿਙ੍ਗવਚਨਂ। ਪੁਰਿਮਲਿਙ੍ਗਸਭਾਗਤਾਯਾਤਿ ‘‘ਪੁਰਾਣਮਿਦਂ ਕਮ੍ਮ’’ਨ੍ਤਿ ਏવਂ વੁਤ੍ਤਪੁਰਿਮਨਪੁਂਸਕਲਿਙ੍ਗਸਭਾਗਤਾਯ। ਅਞ੍ਞਮਞ੍ਞਾਭਿਮੁਖੇਹਿ ਸਮੇਚ੍ਚ ਪਚ੍ਚਯੇਹਿ ਕਤੋ ਅਭਿਸਙ੍ਖਤੋਤਿ ਆਹ ‘‘ਪਚ੍ਚਯੇਹਿ ਕਤੋਤਿ ਦਟ੍ਠਬ੍ਬੋ’’ਤਿ। ਅਭਿਸਞ੍ਚੇਤਯਿਤਨ੍ਤਿ ਤਥਾ ਅਭਿਸਙ੍ਖਤਤ੍ਤਸਙ੍ਖਾਤੇਨ ਅਭਿਮੁਖਭਾવੇਨ ਚੇਤਯਿਤਂ ਪਕਪ੍ਪਿਤਂ, ਪવਤ੍ਤਿਤਨ੍ਤਿ ਅਤ੍ਥੋ। ਚੇਤਨਾવਤ੍ਥੁਕੋਤਿ ਚੇਤਨਾਹੇਤੁਕੋ। વੇਦਨਿਯਨ੍ਤਿ વੇਦਨਾਯ ਹਿਤਂ વਤ੍ਥਾਰਮ੍ਮਣਭਾવੇਨ વੇਦਨਾਯ ਪਚ੍ਚਯਭਾવਤੋ। ਤੇਨਾਹ ‘‘વੇਦਨਿਯવਤ੍ਥੂ’’ਤਿ।
37.Natumhākanti kāyassa anattaniyabhāvadassanameva panetanti yā tassa anattaniyatā, taṃ dassetuṃ ‘‘attani hī’’tiādi vuttaṃ. Yadi na attaniyaṃ, parakiyaṃ nāma siyāti, tampi natthīti dassento ‘‘nāpi aññesa’’nti āha. Nayidaṃ purāṇakammamevāti ‘‘idaṃ kāyo’’ti vuttasarīraṃ purāṇakammameva na hoti. Na hi kāyo vedanāsabhāvo. Paccayavohārenāti kāraṇopacārena. Abhisaṅkhatantiādi napuṃsakaliṅgavacanaṃ. Purimaliṅgasabhāgatāyāti ‘‘purāṇamidaṃ kamma’’nti evaṃ vuttapurimanapuṃsakaliṅgasabhāgatāya. Aññamaññābhimukhehi samecca paccayehi kato abhisaṅkhatoti āha ‘‘paccayehi katoti daṭṭhabbo’’ti. Abhisañcetayitanti tathā abhisaṅkhatattasaṅkhātena abhimukhabhāvena cetayitaṃ pakappitaṃ, pavattitanti attho. Cetanāvatthukoti cetanāhetuko. Vedaniyanti vedanāya hitaṃ vatthārammaṇabhāvena vedanāya paccayabhāvato. Tenāha ‘‘vedaniyavatthū’’ti.
ਨਤੁਮ੍ਹਸੁਤ੍ਤવਣ੍ਣਨਾ ਨਿਟ੍ਠਿਤਾ।
Natumhasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਨਤੁਮ੍ਹਸੁਤ੍ਤਂ • 7. Natumhasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਨਤੁਮ੍ਹਸੁਤ੍ਤવਣ੍ਣਨਾ • 7. Natumhasuttavaṇṇanā
