| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
8. நாவாபி⁴ருஹனஸிக்கா²பத³வண்ணனா
8. Nāvābhiruhanasikkhāpadavaṇṇanā
189. நதி³யா குதோ கா³மந்தரந்தி சே? ‘‘யஸ்ஸா நதி³யா’’திஆதி³மாஹ. கா³மந்தரக³ணனாயாதி யஸ்மிங் கா³மதித்தே² ஆருள்ஹோ, தங் ட²பெத்வா அஞ்ஞகா³மக³ணனாய. ‘‘மாதுகா³மோபி இத⁴ ஸங்க³ஹங் க³ச்ச²தீ’’தி ஆசரியஸ்ஸ தக்கோ, தேனேவ ‘‘உப⁴யத்த² ஏகதோ உபஸம்பன்னாய து³க்கடங், ஸிக்க²மானாய ஸாமணேரியா அனாபத்தீ’’தி ச ந வுத்தங். ஏஸேவ நயோ அஞ்ஞேஸுபி ஏவரூபேஸு.
189. Nadiyā kuto gāmantaranti ce? ‘‘Yassā nadiyā’’tiādimāha. Gāmantaragaṇanāyāti yasmiṃ gāmatitthe āruḷho, taṃ ṭhapetvā aññagāmagaṇanāya. ‘‘Mātugāmopi idha saṅgahaṃ gacchatī’’ti ācariyassa takko, teneva ‘‘ubhayattha ekato upasampannāya dukkaṭaṃ, sikkhamānāya sāmaṇeriyā anāpattī’’ti ca na vuttaṃ. Eseva nayo aññesupi evarūpesu.
191. ‘‘லோகஸ்ஸாத³மித்தஸந்த²வவஸேன கேளிபுரெக்கா²ரா ஸங்வித³ஹித்வா’’தி வுத்தத்தா அகுஸலசித்தங் லோகவஜ்ஜந்தி வத்தப்³ப³ந்தி? ந வத்தப்³ப³ங், ‘‘கேளிபுரெக்கா²ரா’’தி வசனங் யேபு⁴ய்யதாய வுத்தங். போராணக³ண்டி²பதே³ ச ‘‘தீணி சித்தானி திஸ்ஸோ வேத³னா’’தி வுத்தங், ஸங்வித³ஹனகாலே வா கேளிபுரெக்கா²ரோ பி⁴க்கு² ஸங்வித³ஹதி, ஆபத்தி பி⁴க்கு²னோ கா³மந்தரோக்கமனே, அத்³த⁴யோஜனாதிக்கமே வா. குஸலசித்தோ வா ஹோதி பச்சவெக்க²ந்தோ, சேதியாதீ³னி வா பஸ்ஸந்தோ, அப்³யாகதசித்தோ வா ஹோதி கிலமத²வஸேன நித்³தா³யந்தோதி திசித்தானி க³ஹிதானீதி வேதி³தப்³பா³.
191. ‘‘Lokassādamittasanthavavasena keḷipurekkhārā saṃvidahitvā’’ti vuttattā akusalacittaṃ lokavajjanti vattabbanti? Na vattabbaṃ, ‘‘keḷipurekkhārā’’ti vacanaṃ yebhuyyatāya vuttaṃ. Porāṇagaṇṭhipade ca ‘‘tīṇi cittāni tisso vedanā’’ti vuttaṃ, saṃvidahanakāle vā keḷipurekkhāro bhikkhu saṃvidahati, āpatti bhikkhuno gāmantarokkamane, addhayojanātikkame vā. Kusalacitto vā hoti paccavekkhanto, cetiyādīni vā passanto, abyākatacitto vā hoti kilamathavasena niddāyantoti ticittāni gahitānīti veditabbā.
நாவாபி⁴ருஹனஸிக்கா²பத³வண்ணனா நிட்டி²தா.
Nāvābhiruhanasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 3. ஓவாத³வக்³கோ³ • 3. Ovādavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 8. நாவாபி⁴ருஹனஸிக்கா²பத³வண்ணனா • 8. Nāvābhiruhanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 8. நாவாபி⁴ருஹனஸிக்கா²பத³வண்ணனா • 8. Nāvābhiruhanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 8. நாவாபி⁴ருஹனஸிக்கா²பத³வண்ணனா • 8. Nāvābhiruhanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 8. நாவாபி⁴ருஹனஸிக்கா²பத³ங் • 8. Nāvābhiruhanasikkhāpadaṃ
