| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
8. нааваабхируханасигкаабад̣̇аван̣н̣анаа
8. Nāvābhiruhanasikkhāpadavaṇṇanā
189. над̣̇ияаа гуд̇о г̇ааманд̇аранд̇и жз? ‘‘яассаа над̣̇ияаа’’д̇иаад̣̇имааха. г̇ааманд̇араг̇ан̣анааяаад̇и яасмим̣ г̇аамад̇ид̇т̇з аарул̣хо, д̇ам̣ табзд̇ваа ан̃н̃аг̇аамаг̇ан̣анааяа. ‘‘маад̇уг̇аамоби ид̇ха сан̇г̇ахам̣ г̇ажчад̇ий’’д̇и аажарияасса д̇агго, д̇знзва ‘‘убхаяад̇т̇а згад̇о убасамбаннааяа д̣̇уггадам̣, сигкамаанааяа сааман̣зрияаа анаабад̇д̇ий’’д̇и жа на вуд̇д̇ам̣. зсзва наяо ан̃н̃зсуби зваруубзсу.
189. Nadiyā kuto gāmantaranti ce? ‘‘Yassā nadiyā’’tiādimāha. Gāmantaragaṇanāyāti yasmiṃ gāmatitthe āruḷho, taṃ ṭhapetvā aññagāmagaṇanāya. ‘‘Mātugāmopi idha saṅgahaṃ gacchatī’’ti ācariyassa takko, teneva ‘‘ubhayattha ekato upasampannāya dukkaṭaṃ, sikkhamānāya sāmaṇeriyā anāpattī’’ti ca na vuttaṃ. Eseva nayo aññesupi evarūpesu.
191. ‘‘логассаад̣̇амид̇д̇асант̇ававасзна гзл̣ибурзгкаараа сам̣вид̣̇ахид̇ваа’’д̇и вуд̇д̇ад̇д̇аа агусалажид̇д̇ам̣ логаваж̇ж̇анд̇и вад̇д̇аб̣б̣анд̇и? на вад̇д̇аб̣б̣ам̣, ‘‘гзл̣ибурзгкаараа’’д̇и важанам̣ язбхуяяад̇ааяа вуд̇д̇ам̣. бораан̣аг̇ан̣тибад̣̇з жа ‘‘д̇ийн̣и жид̇д̇аани д̇иссо взд̣̇анаа’’д̇и вуд̇д̇ам̣, сам̣вид̣̇аханагаалз ваа гзл̣ибурзгкааро бхигку сам̣вид̣̇ахад̇и, аабад̇д̇и бхигкуно г̇ааманд̇ароггаманз, ад̣̇д̇хаяож̇анаад̇иггамз ваа. гусалажид̇д̇о ваа ход̇и бажжавзгканд̇о, жзд̇ияаад̣̇ийни ваа бассанд̇о, аб̣яаагад̇ажид̇д̇о ваа ход̇и гиламат̇авасзна нид̣̇д̣̇ааяанд̇од̇и д̇ижид̇д̇аани г̇ахид̇аанийд̇и взд̣̇ид̇аб̣б̣аа.
191. ‘‘Lokassādamittasanthavavasena keḷipurekkhārā saṃvidahitvā’’ti vuttattā akusalacittaṃ lokavajjanti vattabbanti? Na vattabbaṃ, ‘‘keḷipurekkhārā’’ti vacanaṃ yebhuyyatāya vuttaṃ. Porāṇagaṇṭhipade ca ‘‘tīṇi cittāni tisso vedanā’’ti vuttaṃ, saṃvidahanakāle vā keḷipurekkhāro bhikkhu saṃvidahati, āpatti bhikkhuno gāmantarokkamane, addhayojanātikkame vā. Kusalacitto vā hoti paccavekkhanto, cetiyādīni vā passanto, abyākatacitto vā hoti kilamathavasena niddāyantoti ticittāni gahitānīti veditabbā.
нааваабхируханасигкаабад̣̇аван̣н̣анаа нидтид̇аа.
Nāvābhiruhanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. оваад̣̇аваг̇г̇о • 3. Ovādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. нааваабхируханасигкаабад̣̇аван̣н̣анаа • 8. Nāvābhiruhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. нааваабхируханасигкаабад̣̇аван̣н̣анаа • 8. Nāvābhiruhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. нааваабхируханасигкаабад̣̇аван̣н̣анаа • 8. Nāvābhiruhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 8. нааваабхируханасигкаабад̣̇ам̣ • 8. Nāvābhiruhanasikkhāpadaṃ
