| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
8. нааваабхируханасигкаабад̣̇аван̣н̣анаа
8. Nāvābhiruhanasikkhāpadavaṇṇanā
189. адтамз згам̣ д̇ийрам̣…бз… ниранд̇аранд̇и над̣̇ид̇о ад̣̇д̇хаяож̇анаб̣бханд̇арз бад̣̇зсз нивидтаг̇аамзхи ниранд̇арад̇аа вуд̇д̇аа. згам̣ аг̇аамагам̣ аран̃н̃анд̇и д̇ат̇аа нивидтаг̇аамаабхаавзна вуд̇д̇ам̣. аг̇аамагад̇ийрабассзнаад̇иаад̣̇и бана ад̇ирзгаад̣̇д̇хаяож̇анавид̇т̇ад̇ам̣ над̣̇им̣ санд̇хааяа вуд̇д̇ам̣. д̇ад̇о уунавид̇т̇аарааяа хи над̣̇ияаа маж̇жхзнааби г̇аманз д̇ийрад̣̇ваяассааби ад̣̇д̇хаяож̇анаб̣бханд̇арз г̇ад̇ад̇д̇аа г̇ааманд̇араг̇ан̣анааяа, ад̣̇д̇хаяож̇анаг̇ан̣анааяа жа аабад̇д̇ияо барижчинд̣̇ид̇аб̣б̣аа. д̇знзва ‘‘яож̇анавид̇т̇ад̇аа…бз… ад̣̇д̇хаяож̇анаг̇ан̣анааяа баажид̇д̇ияааний’’д̇и вуд̇д̇ам̣. д̇знзва хи яож̇анад̇о уунааяа над̣̇ияаа ад̣̇д̇хаяож̇анаб̣бханд̇араг̇ад̇ад̇ийравасзнзва аабад̇д̇иг̇ан̣анам̣ вуд̇д̇амзва ход̇и. ‘‘саб̣б̣аадтагат̇аасуу’’д̇иаад̣̇инаа вуд̇д̇амзвад̇т̇ам̣ самад̇т̇зд̇и. д̇ад̇т̇а гин̃жааби самуд̣̇д̣̇ад̇ал̣аагаад̣̇ийсу баажид̇д̇ияам̣ на вуд̇д̇ам̣, д̇ат̇ааби гийл̣аабурзгкаарасса д̇ад̇т̇а д̣̇уггадамзваад̇и г̇ахзд̇аб̣б̣ам̣, батамам̣ гийл̣аабурзгкаарассааби бажчаа наавааяа нид̣̇д̣̇убаг̇ад̇асса, яонисо ваа манаси гаронд̇асса г̇ааманд̇ароггаманаад̣̇ийсуби аабад̇д̇исамбхавад̇о бан̣н̣ад̇д̇иваж̇ж̇ад̇аа, д̇ижид̇д̇ад̇аа жасса сигкаабад̣̇асса вуд̇д̇аад̇и взд̣̇ид̇аб̣б̣ам̣. сзсам̣ сувин̃н̃зяяамзва.
189. Aṭṭhame ekaṃ tīraṃ…pe… nirantaranti nadito addhayojanabbhantare padese niviṭṭhagāmehi nirantaratā vuttā. Ekaṃ agāmakaṃ araññanti tathā niviṭṭhagāmābhāvena vuttaṃ. Agāmakatīrapassenātiādi pana atirekaaddhayojanavitthataṃ nadiṃ sandhāya vuttaṃ. Tato ūnavitthārāya hi nadiyā majjhenāpi gamane tīradvayassāpi addhayojanabbhantare gatattā gāmantaragaṇanāya, addhayojanagaṇanāya ca āpattiyo paricchinditabbā. Teneva ‘‘yojanavitthatā…pe… addhayojanagaṇanāya pācittiyānī’’ti vuttaṃ. Teneva hi yojanato ūnāya nadiyā addhayojanabbhantaragatatīravaseneva āpattigaṇanaṃ vuttameva hoti. ‘‘Sabbaaṭṭhakathāsū’’tiādinā vuttamevatthaṃ samattheti. Tattha kiñcāpi samuddataḷākādīsu pācittiyaṃ na vuttaṃ, tathāpi kīḷāpurekkhārassa tattha dukkaṭamevāti gahetabbaṃ, paṭhamaṃ kīḷāpurekkhārassāpi pacchā nāvāya niddupagatassa, yoniso vā manasi karontassa gāmantarokkamanādīsupi āpattisambhavato paṇṇattivajjatā, ticittatā cassa sikkhāpadassa vuttāti veditabbaṃ. Sesaṃ suviññeyyameva.
нааваабхируханасигкаабад̣̇аван̣н̣анаа нидтид̇аа.
Nāvābhiruhanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. оваад̣̇аваг̇г̇о • 3. Ovādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. нааваабхируханасигкаабад̣̇аван̣н̣анаа • 8. Nāvābhiruhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. нааваабхируханасигкаабад̣̇аван̣н̣анаа • 8. Nāvābhiruhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. нааваабхируханасигкаабад̣̇аван̣н̣анаа • 8. Nāvābhiruhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 8. нааваабхируханасигкаабад̣̇ам̣ • 8. Nāvābhiruhanasikkhāpadaṃ
