| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
၈. နာဝာဘိရုဟနသိက္ခာပဒဝဏ္ဏနာ
8. Nāvābhiruhanasikkhāpadavaṇṇanā
၁၈၉. အဋ္ဌမေ ဧကံ တီရံ။ပေ.။ နိရန္တရန္တိ နဒိတော အဒ္ဓယောဇနဗ္ဘန္တရေ ပဒေသေ နိဝိဋ္ဌဂာမေဟိ နိရန္တရတာ ဝုတ္တာ။ ဧကံ အဂာမကံ အရညန္တိ တထာ နိဝိဋ္ဌဂာမာဘာဝေန ဝုတ္တံ။ အဂာမကတီရပသ္သေနာတိအာဒိ ပန အတိရေကအဒ္ဓယောဇနဝိတ္ထတံ နဒိံ သန္ဓာယ ဝုတ္တံ။ တတော ဦနဝိတ္ထာရာယ ဟိ နဒိယာ မဇ္ဈေနာပိ ဂမနေ တီရဒ္ဝယသ္သာပိ အဒ္ဓယောဇနဗ္ဘန္တရေ ဂတတ္တာ ဂာမန္တရဂဏနာယ, အဒ္ဓယောဇနဂဏနာယ စ အာပတ္တိယော ပရိစ္ဆိန္ဒိတဗ္ဗာ။ တေနေဝ ‘‘ယောဇနဝိတ္ထတာ။ပေ.။ အဒ္ဓယောဇနဂဏနာယ ပာစိတ္တိယာနီ’’တိ ဝုတ္တံ။ တေနေဝ ဟိ ယောဇနတော ဦနာယ နဒိယာ အဒ္ဓယောဇနဗ္ဘန္တရဂတတီရဝသေနေဝ အာပတ္တိဂဏနံ ဝုတ္တမေဝ ဟောတိ။ ‘‘သဗ္ဗအဋ္ဌကထာသူ’’တိအာဒိနာ ဝုတ္တမေဝတ္ထံ သမတ္ထေတိ။ တတ္ထ ကိဉ္စာပိ သမုဒ္ဒတဠာကာဒီသု ပာစိတ္တိယံ န ဝုတ္တံ, တထာပိ ကီဠာပုရေက္ခာရသ္သ တတ္ထ ဒုက္ကဋမေဝာတိ ဂဟေတဗ္ဗံ, ပဌမံ ကီဠာပုရေက္ခာရသ္သာပိ ပစ္ဆာ နာဝာယ နိဒ္ဒုပဂတသ္သ, ယောနိသော ဝာ မနသိ ကရောန္တသ္သ ဂာမန္တရောက္ကမနာဒီသုပိ အာပတ္တိသမ္ဘဝတော ပဏ္ဏတ္တိဝဇ္ဇတာ, တိစိတ္တတာ စသ္သ သိက္ခာပဒသ္သ ဝုတ္တာတိ ဝေဒိတဗ္ဗံ။ သေသံ သုဝိညေယ္ယမေဝ။
189. Aṭṭhame ekaṃ tīraṃ…pe… nirantaranti nadito addhayojanabbhantare padese niviṭṭhagāmehi nirantaratā vuttā. Ekaṃ agāmakaṃ araññanti tathā niviṭṭhagāmābhāvena vuttaṃ. Agāmakatīrapassenātiādi pana atirekaaddhayojanavitthataṃ nadiṃ sandhāya vuttaṃ. Tato ūnavitthārāya hi nadiyā majjhenāpi gamane tīradvayassāpi addhayojanabbhantare gatattā gāmantaragaṇanāya, addhayojanagaṇanāya ca āpattiyo paricchinditabbā. Teneva ‘‘yojanavitthatā…pe… addhayojanagaṇanāya pācittiyānī’’ti vuttaṃ. Teneva hi yojanato ūnāya nadiyā addhayojanabbhantaragatatīravaseneva āpattigaṇanaṃ vuttameva hoti. ‘‘Sabbaaṭṭhakathāsū’’tiādinā vuttamevatthaṃ samattheti. Tattha kiñcāpi samuddataḷākādīsu pācittiyaṃ na vuttaṃ, tathāpi kīḷāpurekkhārassa tattha dukkaṭamevāti gahetabbaṃ, paṭhamaṃ kīḷāpurekkhārassāpi pacchā nāvāya niddupagatassa, yoniso vā manasi karontassa gāmantarokkamanādīsupi āpattisambhavato paṇṇattivajjatā, ticittatā cassa sikkhāpadassa vuttāti veditabbaṃ. Sesaṃ suviññeyyameva.
နာဝာဘိရုဟနသိက္ခာပဒဝဏ္ဏနာ နိဋ္ဌိတာ။
Nāvābhiruhanasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၃. ဩဝာဒဝဂ္ဂော • 3. Ovādavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၈. နာဝာဘိရုဟနသိက္ခာပဒဝဏ္ဏနာ • 8. Nāvābhiruhanasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၈. နာဝာဘိရုဟနသိက္ခာပဒဝဏ္ဏနာ • 8. Nāvābhiruhanasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၈. နာဝာဘိရုဟနသိက္ခာပဒဝဏ္ဏနာ • 8. Nāvābhiruhanasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၈. နာဝာဘိရုဟနသိက္ခာပဒံ • 8. Nāvābhiruhanasikkhāpadaṃ
