| Library / Tipiṭaka / තිපිටක • Tipiṭaka / වජිරබුද්‌ධි-ටීකා • Vajirabuddhi-ṭīkā |
8. නාවාභිරුහනසික්‌ඛාපදවණ්‌ණනා
8. Nāvābhiruhanasikkhāpadavaṇṇanā
189. නදියා කුතො ගාමන්‌තරන්‌ති චෙ? ‘‘යස්‌සා නදියා’’තිආදිමාහ. ගාමන්‌තරගණනායාති යස්‌මිං ගාමතිත්‌ථෙ ආරුළ්‌හො, තං ඨපෙත්‌වා අඤ්‌ඤගාමගණනාය. ‘‘මාතුගාමොපි ඉධ සඞ්‌ගහං ගච්‌ඡතී’’ති ආචරියස්‌ස තක්‌කො, තෙනෙව ‘‘උභයත්‌ථ එකතො උපසම්‌පන්‌නාය දුක්‌කටං, සික්‌ඛමානාය සාමණෙරියා අනාපත්‌තී’’ති ච න වුත්‌තං. එසෙව නයො අඤ්‌ඤෙසුපි එවරූපෙසු.
189. Nadiyā kuto gāmantaranti ce? ‘‘Yassā nadiyā’’tiādimāha. Gāmantaragaṇanāyāti yasmiṃ gāmatitthe āruḷho, taṃ ṭhapetvā aññagāmagaṇanāya. ‘‘Mātugāmopi idha saṅgahaṃ gacchatī’’ti ācariyassa takko, teneva ‘‘ubhayattha ekato upasampannāya dukkaṭaṃ, sikkhamānāya sāmaṇeriyā anāpattī’’ti ca na vuttaṃ. Eseva nayo aññesupi evarūpesu.
191. ‘‘ලොකස්‌සාදමිත්‌තසන්‌ථවවසෙන කෙළිපුරෙක්‌ඛාරා සංවිදහිත්‌වා’’ති වුත්‌තත්‌තා අකුසලචිත්‌තං ලොකවජ්‌ජන්‌ති වත්‌තබ්‌බන්‌ති? න වත්‌තබ්‌බං, ‘‘කෙළිපුරෙක්‌ඛාරා’’ති වචනං යෙභුය්‍යතාය වුත්‌තං. පොරාණගණ්‌ඨිපදෙ ච ‘‘තීණි චිත්‌තානි තිස්‌සො වෙදනා’’ති වුත්‌තං, සංවිදහනකාලෙ වා කෙළිපුරෙක්‌ඛාරො භික්‌ඛු සංවිදහති, ආපත්‌ති භික්‌ඛුනො ගාමන්‌තරොක්‌කමනෙ, අද්‌ධයොජනාතික්‌කමෙ වා. කුසලචිත්‌තො වා හොති පච්‌චවෙක්‌ඛන්‌තො, චෙතියාදීනි වා පස්‌සන්‌තො, අබ්‍යාකතචිත්‌තො වා හොති කිලමථවසෙන නිද්‌දායන්‌තොති තිචිත්‌තානි ගහිතානීති වෙදිතබ්‌බා.
191. ‘‘Lokassādamittasanthavavasena keḷipurekkhārā saṃvidahitvā’’ti vuttattā akusalacittaṃ lokavajjanti vattabbanti? Na vattabbaṃ, ‘‘keḷipurekkhārā’’ti vacanaṃ yebhuyyatāya vuttaṃ. Porāṇagaṇṭhipade ca ‘‘tīṇi cittāni tisso vedanā’’ti vuttaṃ, saṃvidahanakāle vā keḷipurekkhāro bhikkhu saṃvidahati, āpatti bhikkhuno gāmantarokkamane, addhayojanātikkame vā. Kusalacitto vā hoti paccavekkhanto, cetiyādīni vā passanto, abyākatacitto vā hoti kilamathavasena niddāyantoti ticittāni gahitānīti veditabbā.
නාවාභිරුහනසික්‌ඛාපදවණ්‌ණනා නිට්‌ඨිතා.
Nāvābhiruhanasikkhāpadavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 3. ඔවාදවග්‌ගො • 3. Ovādavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 8. නාවාභිරුහනසික්‌ඛාපදවණ්‌ණනා • 8. Nāvābhiruhanasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 8. නාවාභිරුහනසික්‌ඛාපදවණ්‌ණනා • 8. Nāvābhiruhanasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 8. නාවාභිරුහනසික්‌ඛාපදවණ්‌ණනා • 8. Nāvābhiruhanasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 8. නාවාභිරුහනසික්‌ඛාපදං • 8. Nāvābhiruhanasikkhāpadaṃ
