| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
༨. ནཱཝཱབྷིརུཧནསིཀྑཱཔདཝཎྞནཱ
8. Nāvābhiruhanasikkhāpadavaṇṇanā
༡༨༩. ཨཊྛམེ ཨེཀཾ ཏཱིརཾ…པེ॰… ནིརནྟརནྟི ནདིཏོ ཨདྡྷཡོཛནབྦྷནྟརེ པདེསེ ནིཝིཊྛགཱམེཧི ནིརནྟརཏཱ ཝུཏྟཱ། ཨེཀཾ ཨགཱམཀཾ ཨརཉྙནྟི ཏཐཱ ནིཝིཊྛགཱམཱབྷཱཝེན ཝུཏྟཾ། ཨགཱམཀཏཱིརཔསྶེནཱཏིཨཱདི པན ཨཏིརེཀཨདྡྷཡོཛནཝིཏྠཏཾ ནདིཾ སནྡྷཱཡ ཝུཏྟཾ། ཏཏོ ཨཱུནཝིཏྠཱརཱཡ ཧི ནདིཡཱ མཛ྄ཛྷེནཱཔི གམནེ ཏཱིརདྭཡསྶཱཔི ཨདྡྷཡོཛནབྦྷནྟརེ གཏཏྟཱ གཱམནྟརགཎནཱཡ, ཨདྡྷཡོཛནགཎནཱཡ ཙ ཨཱཔཏྟིཡོ པརིཙྪིནྡིཏབྦཱ། ཏེནེཝ ‘‘ཡོཛནཝིཏྠཏཱ…པེ॰… ཨདྡྷཡོཛནགཎནཱཡ པཱཙིཏྟིཡཱནཱི’’ཏི ཝུཏྟཾ། ཏེནེཝ ཧི ཡོཛནཏོ ཨཱུནཱཡ ནདིཡཱ ཨདྡྷཡོཛནབྦྷནྟརགཏཏཱིརཝསེནེཝ ཨཱཔཏྟིགཎནཾ ཝུཏྟམེཝ ཧོཏི། ‘‘སབྦཨཊྛཀཐཱསཱུ’’ཏིཨཱདིནཱ ཝུཏྟམེཝཏྠཾ སམཏྠེཏི། ཏཏྠ ཀིཉྩཱཔི སམུདྡཏལཱ༹ཀཱདཱིསུ པཱཙིཏྟིཡཾ ན ཝུཏྟཾ, ཏཐཱཔི ཀཱིལཱ༹པུརེཀྑཱརསྶ ཏཏྠ དུཀྐཊམེཝཱཏི གཧེཏབྦཾ, པཋམཾ ཀཱིལཱ༹པུརེཀྑཱརསྶཱཔི པཙྪཱ ནཱཝཱཡ ནིདྡུཔགཏསྶ, ཡོནིསོ ཝཱ མནསི ཀརོནྟསྶ གཱམནྟརོཀྐམནཱདཱིསུཔི ཨཱཔཏྟིསམྦྷཝཏོ པཎྞཏྟིཝཛྫཏཱ, ཏིཙིཏྟཏཱ ཙསྶ སིཀྑཱཔདསྶ ཝུཏྟཱཏི ཝེདིཏབྦཾ། སེསཾ སུཝིཉྙེཡྻམེཝ།
189. Aṭṭhame ekaṃ tīraṃ…pe… nirantaranti nadito addhayojanabbhantare padese niviṭṭhagāmehi nirantaratā vuttā. Ekaṃ agāmakaṃ araññanti tathā niviṭṭhagāmābhāvena vuttaṃ. Agāmakatīrapassenātiādi pana atirekaaddhayojanavitthataṃ nadiṃ sandhāya vuttaṃ. Tato ūnavitthārāya hi nadiyā majjhenāpi gamane tīradvayassāpi addhayojanabbhantare gatattā gāmantaragaṇanāya, addhayojanagaṇanāya ca āpattiyo paricchinditabbā. Teneva ‘‘yojanavitthatā…pe… addhayojanagaṇanāya pācittiyānī’’ti vuttaṃ. Teneva hi yojanato ūnāya nadiyā addhayojanabbhantaragatatīravaseneva āpattigaṇanaṃ vuttameva hoti. ‘‘Sabbaaṭṭhakathāsū’’tiādinā vuttamevatthaṃ samattheti. Tattha kiñcāpi samuddataḷākādīsu pācittiyaṃ na vuttaṃ, tathāpi kīḷāpurekkhārassa tattha dukkaṭamevāti gahetabbaṃ, paṭhamaṃ kīḷāpurekkhārassāpi pacchā nāvāya niddupagatassa, yoniso vā manasi karontassa gāmantarokkamanādīsupi āpattisambhavato paṇṇattivajjatā, ticittatā cassa sikkhāpadassa vuttāti veditabbaṃ. Sesaṃ suviññeyyameva.
ནཱཝཱབྷིརུཧནསིཀྑཱཔདཝཎྞནཱ ནིཊྛིཏཱ།
Nāvābhiruhanasikkhāpadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༣. ཨོཝཱདཝགྒོ • 3. Ovādavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༨. ནཱཝཱབྷིརུཧནསིཀྑཱཔདཝཎྞནཱ • 8. Nāvābhiruhanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༨. ནཱཝཱབྷིརུཧནསིཀྑཱཔདཝཎྞནཱ • 8. Nāvābhiruhanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༨. ནཱཝཱབྷིརུཧནསིཀྑཱཔདཝཎྞནཱ • 8. Nāvābhiruhanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༨. ནཱཝཱབྷིརུཧནསིཀྑཱཔདཾ • 8. Nāvābhiruhanasikkhāpadaṃ
