| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੮. ਨਾવਾਭਿਰੁਹਨਸਿਕ੍ਖਾਪਦવਣ੍ਣਨਾ
8. Nāvābhiruhanasikkhāpadavaṇṇanā
ਕੀਲ਼ਾਪੁਰੇਕ੍ਖਾਰੋਤਿ ਲੋਕਸ੍ਸਾਦਮਿਤ੍ਤਸਨ੍ਥવવਸੇਨ ਕੀਲ਼ਾਪੁਰੇਕ੍ਖਾਰੋ। ਤਥੇવਾਤਿ ਕੀਲ਼ਾવਸੇਨੇવ। ਅਗਾਮਕਤੀਰਪਸ੍ਸੇਨਾਤਿ ਅਦ੍ਧਯੋਜਨਬ੍ਭਨ੍ਤਰੇ ਗਾਮਾਨਂ ਅਭਾવਤੋ ਅਗਾਮਕਤੀਰਪਸ੍ਸੇਨ। ਪਾਲ਼ਿਯਂ ‘‘ਉਦ੍ਧਂਗਾਮਿਨਿਂ વਾ ਅਧੋਗਾਮਿਨਿਂ વਾ’’ਤਿ (ਪਾਚਿ॰ ੧੮੬) વਚਨਤੋ ਪਨ વਾਪਿਸਮੁਦ੍ਦਾਦੀਸੁ ਕੀਲ਼ਾਪੁਰੇਕ੍ਖਾਰਤਾਯਪਿ ਗਚ੍ਛਨ੍ਤਸ੍ਸ ਅਨਾਪਤ੍ਤਿ। ਤੇਨਾਹ ‘‘ਸਮੁਦ੍ਦੇ ਪਨ ਯਥਾਸੁਖਂ ਗਨ੍ਤੁਂ વਟ੍ਟਤੀ’’ਤਿ। વਿਸਙ੍ਕੇਤੇਨਾਤਿ ਇਧਾਪਿ ਕਾਲવਿਸਙ੍ਕੇਤੇਨੇવ ਅਨਾਪਤ੍ਤਿ, ਤਿਤ੍ਥવਿਸਙ੍ਕੇਤੇਨ, ਪਨ ਨਾવਾવਿਸਙ੍ਕੇਤੇਨ વਾ ਗਚ੍ਛਨ੍ਤਸ੍ਸ ਆਪਤ੍ਤਿਯੇવ।
Kīḷāpurekkhāroti lokassādamittasanthavavasena kīḷāpurekkhāro. Tathevāti kīḷāvaseneva. Agāmakatīrapassenāti addhayojanabbhantare gāmānaṃ abhāvato agāmakatīrapassena. Pāḷiyaṃ ‘‘uddhaṃgāminiṃ vā adhogāminiṃ vā’’ti (pāci. 186) vacanato pana vāpisamuddādīsu kīḷāpurekkhāratāyapi gacchantassa anāpatti. Tenāha ‘‘samudde pana yathāsukhaṃ gantuṃ vaṭṭatī’’ti. Visaṅketenāti idhāpi kālavisaṅketeneva anāpatti, titthavisaṅketena, pana nāvāvisaṅketena vā gacchantassa āpattiyeva.
ਸੇਸਨ੍ਤਿ ਸਦ੍ਧਿਂ ਸਮੁਟ੍ਠਾਨਾਦੀਹਿ ਅવਸੇਸਂ, ਕੇਚਿ ਪਨ ‘‘ਕੀਲ਼ਾਪੁਰੇਕ੍ਖਾਰੋ ‘ਸਂવਿਦਹਿਤ੍વਾ’ਤਿ (ਸਾਰਤ੍ਥ॰ ਟੀ॰ ਪਾਚਿਤ੍ਤਿਯ ੩.੧੮੮) વਚਨਤੋ ਇਮਂ ਸਿਕ੍ਖਾਪਦਂ ਅਕੁਸਲਚਿਤ੍ਤਂ ਲੋਕવਜ੍ਜਂ, ਤਸ੍ਮਾ ਸੇਸਂ ਨਾਮ ਠਪੇਤ੍વਾ ‘ਪਣ੍ਣਤ੍ਤਿવਜ੍ਜਂ ਤਿਚਿਤ੍ਤ’ਨ੍ਤਿ ਇਦਂ ਦ੍વਯਂ ਅવਸੇਸ’’ਨ੍ਤਿ વਦਨ੍ਤਿ, ਤਂ ਨ ਗਹੇਤਬ੍ਬਂ। ਕੀਲ਼ਾਪੁਰੇਕ੍ਖਾਰਤਾਯ ਹਿ ਅਭਿਰੁਹਿਤ੍વਾਪਿ ਗਾਮਨ੍ਤਰੋਕ੍ਕਮਨੇ, ਅਦ੍ਧਯੋਜਨਾਤਿਕ੍ਕਮੇ વਾ ਸਂવੇਗਂ ਪਟਿਲਭਿਤ੍વਾ ਅਰਹਤ੍ਤਂ વਾ ਸਚ੍ਛਿਕਰੇਯ੍ਯ, ਨਿਦ੍ਦਂ વਾ ਓਕ੍ਕਮੇਯ੍ਯ, ਕਮ੍ਮਟ੍ਠਾਨਂ વਾ ਮਨਸਿ ਕਰੋਨ੍ਤੋ ਗਚ੍ਛੇਯ੍ਯ, ਕੁਤੋ ਚਸ੍ਸ ਅਕੁਸਲਚਿਤ੍ਤਸਮਙ੍ਗਿਤਾ, ਯੇਨਿਦਂ ਸਿਕ੍ਖਾਪਦਂ ਅਕੁਸਲਚਿਤ੍ਤਂ, ਲੋਕવਜ੍ਜਞ੍ਚ ਸਿਯਾਤਿ।
Sesanti saddhiṃ samuṭṭhānādīhi avasesaṃ, keci pana ‘‘kīḷāpurekkhāro ‘saṃvidahitvā’ti (sārattha. ṭī. pācittiya 3.188) vacanato imaṃ sikkhāpadaṃ akusalacittaṃ lokavajjaṃ, tasmā sesaṃ nāma ṭhapetvā ‘paṇṇattivajjaṃ ticitta’nti idaṃ dvayaṃ avasesa’’nti vadanti, taṃ na gahetabbaṃ. Kīḷāpurekkhāratāya hi abhiruhitvāpi gāmantarokkamane, addhayojanātikkame vā saṃvegaṃ paṭilabhitvā arahattaṃ vā sacchikareyya, niddaṃ vā okkameyya, kammaṭṭhānaṃ vā manasi karonto gaccheyya, kuto cassa akusalacittasamaṅgitā, yenidaṃ sikkhāpadaṃ akusalacittaṃ, lokavajjañca siyāti.
ਨਾવਾਭਿਰੁਹਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Nāvābhiruhanasikkhāpadavaṇṇanā niṭṭhitā.
