| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੮. ਨਾવਾਭਿਰੁਹਨਸਿਕ੍ਖਾਪਦવਣ੍ਣਨਾ
8. Nāvābhiruhanasikkhāpadavaṇṇanā
੧੮੯. ਅਟ੍ਠਮੇ ਏਕਂ ਤੀਰਂ…ਪੇ॰… ਨਿਰਨ੍ਤਰਨ੍ਤਿ ਨਦਿਤੋ ਅਦ੍ਧਯੋਜਨਬ੍ਭਨ੍ਤਰੇ ਪਦੇਸੇ ਨਿવਿਟ੍ਠਗਾਮੇਹਿ ਨਿਰਨ੍ਤਰਤਾ વੁਤ੍ਤਾ। ਏਕਂ ਅਗਾਮਕਂ ਅਰਞ੍ਞਨ੍ਤਿ ਤਥਾ ਨਿવਿਟ੍ਠਗਾਮਾਭਾવੇਨ વੁਤ੍ਤਂ। ਅਗਾਮਕਤੀਰਪਸ੍ਸੇਨਾਤਿਆਦਿ ਪਨ ਅਤਿਰੇਕਅਦ੍ਧਯੋਜਨવਿਤ੍ਥਤਂ ਨਦਿਂ ਸਨ੍ਧਾਯ વੁਤ੍ਤਂ। ਤਤੋ ਊਨવਿਤ੍ਥਾਰਾਯ ਹਿ ਨਦਿਯਾ ਮਜ੍ਝੇਨਾਪਿ ਗਮਨੇ ਤੀਰਦ੍વਯਸ੍ਸਾਪਿ ਅਦ੍ਧਯੋਜਨਬ੍ਭਨ੍ਤਰੇ ਗਤਤ੍ਤਾ ਗਾਮਨ੍ਤਰਗਣਨਾਯ, ਅਦ੍ਧਯੋਜਨਗਣਨਾਯ ਚ ਆਪਤ੍ਤਿਯੋ ਪਰਿਚ੍ਛਿਨ੍ਦਿਤਬ੍ਬਾ। ਤੇਨੇવ ‘‘ਯੋਜਨવਿਤ੍ਥਤਾ…ਪੇ॰… ਅਦ੍ਧਯੋਜਨਗਣਨਾਯ ਪਾਚਿਤ੍ਤਿਯਾਨੀ’’ਤਿ વੁਤ੍ਤਂ। ਤੇਨੇવ ਹਿ ਯੋਜਨਤੋ ਊਨਾਯ ਨਦਿਯਾ ਅਦ੍ਧਯੋਜਨਬ੍ਭਨ੍ਤਰਗਤਤੀਰવਸੇਨੇવ ਆਪਤ੍ਤਿਗਣਨਂ વੁਤ੍ਤਮੇવ ਹੋਤਿ। ‘‘ਸਬ੍ਬਅਟ੍ਠਕਥਾਸੂ’’ਤਿਆਦਿਨਾ વੁਤ੍ਤਮੇવਤ੍ਥਂ ਸਮਤ੍ਥੇਤਿ। ਤਤ੍ਥ ਕਿਞ੍ਚਾਪਿ ਸਮੁਦ੍ਦਤਲ਼ਾਕਾਦੀਸੁ ਪਾਚਿਤ੍ਤਿਯਂ ਨ વੁਤ੍ਤਂ, ਤਥਾਪਿ ਕੀਲ਼ਾਪੁਰੇਕ੍ਖਾਰਸ੍ਸ ਤਤ੍ਥ ਦੁਕ੍ਕਟਮੇવਾਤਿ ਗਹੇਤਬ੍ਬਂ, ਪਠਮਂ ਕੀਲ਼ਾਪੁਰੇਕ੍ਖਾਰਸ੍ਸਾਪਿ ਪਚ੍ਛਾ ਨਾવਾਯ ਨਿਦ੍ਦੁਪਗਤਸ੍ਸ, ਯੋਨਿਸੋ વਾ ਮਨਸਿ ਕਰੋਨ੍ਤਸ੍ਸ ਗਾਮਨ੍ਤਰੋਕ੍ਕਮਨਾਦੀਸੁਪਿ ਆਪਤ੍ਤਿਸਮ੍ਭવਤੋ ਪਣ੍ਣਤ੍ਤਿવਜ੍ਜਤਾ, ਤਿਚਿਤ੍ਤਤਾ ਚਸ੍ਸ ਸਿਕ੍ਖਾਪਦਸ੍ਸ વੁਤ੍ਤਾਤਿ વੇਦਿਤਬ੍ਬਂ। ਸੇਸਂ ਸੁવਿਞ੍ਞੇਯ੍ਯਮੇવ।
189. Aṭṭhame ekaṃ tīraṃ…pe… nirantaranti nadito addhayojanabbhantare padese niviṭṭhagāmehi nirantaratā vuttā. Ekaṃ agāmakaṃ araññanti tathā niviṭṭhagāmābhāvena vuttaṃ. Agāmakatīrapassenātiādi pana atirekaaddhayojanavitthataṃ nadiṃ sandhāya vuttaṃ. Tato ūnavitthārāya hi nadiyā majjhenāpi gamane tīradvayassāpi addhayojanabbhantare gatattā gāmantaragaṇanāya, addhayojanagaṇanāya ca āpattiyo paricchinditabbā. Teneva ‘‘yojanavitthatā…pe… addhayojanagaṇanāya pācittiyānī’’ti vuttaṃ. Teneva hi yojanato ūnāya nadiyā addhayojanabbhantaragatatīravaseneva āpattigaṇanaṃ vuttameva hoti. ‘‘Sabbaaṭṭhakathāsū’’tiādinā vuttamevatthaṃ samattheti. Tattha kiñcāpi samuddataḷākādīsu pācittiyaṃ na vuttaṃ, tathāpi kīḷāpurekkhārassa tattha dukkaṭamevāti gahetabbaṃ, paṭhamaṃ kīḷāpurekkhārassāpi pacchā nāvāya niddupagatassa, yoniso vā manasi karontassa gāmantarokkamanādīsupi āpattisambhavato paṇṇattivajjatā, ticittatā cassa sikkhāpadassa vuttāti veditabbaṃ. Sesaṃ suviññeyyameva.
ਨਾવਾਭਿਰੁਹਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Nāvābhiruhanasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੩. ਓવਾਦવਗ੍ਗੋ • 3. Ovādavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੮. ਨਾવਾਭਿਰੁਹਨਸਿਕ੍ਖਾਪਦવਣ੍ਣਨਾ • 8. Nāvābhiruhanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੮. ਨਾવਾਭਿਰੁਹਨਸਿਕ੍ਖਾਪਦવਣ੍ਣਨਾ • 8. Nāvābhiruhanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੮. ਨਾવਾਭਿਰੁਹਨਸਿਕ੍ਖਾਪਦવਣ੍ਣਨਾ • 8. Nāvābhiruhanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੮. ਨਾવਾਭਿਰੁਹਨਸਿਕ੍ਖਾਪਦਂ • 8. Nāvābhiruhanasikkhāpadaṃ
