| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
நவகம்மதா³னகதா²
Navakammadānakathā
323. ப⁴ண்டி³காட்ட²பனமத்தேனாதி எத்த² ப⁴ண்டி³காட்ட²பனங் நாம ப⁴ண்டி³கயோஜனந்தி ஆஹ ‘‘கபோதப⁴ண்டி³கயோஜனமத்தேனா’’தி. அஸ்ஸாதி பி⁴க்கு²ஸ்ஸ. சிதகதூ⁴மோதி சிதகே உட்டி²தோ தூ⁴மோ. ஏதஸ்ஸேவாதி பி⁴க்கு²ஸ்ஸ ஏவ விஹாரோதி ஸம்ப³ந்தோ⁴. தூ⁴மகாலேதி தூ⁴மஸ்ஸ உட்டி²தகாலே. ‘‘அபலோகெத்வா’’தி இமினா தூ⁴மகாலே அபலோகிதங் தூ⁴மகாலிகங். தூ⁴மகாலிகங் ஹுத்வாதி அத்த²யோஜனங் கத்வா பாளியங் ‘‘பரியோஸிதவிஹார’’ந்தி பதே³ன ஸம்ப³ந்தி⁴தப்³ப³பா⁴வங் த³ஸ்ஸேதி. கதபரியோஸிதவிஹாரந்தி கதபரியோஸிதோ விஹாரோ இமஸ்ஸ நவகம்மஸ்ஸாதி கதபரியோஸிதவிஹாரங். இத³ங் நவகம்மங் தெ³ந்தீதி ஸம்ப³ந்தோ⁴. யாவ கோ³பானஸியோ ந ஆரோஹந்தி, தாவ விப்பகதோ நாமாதி யோஜனா. ததோதி கோ³பானஸிஆரோஹனதோ. கஞ்சிதே³வ ஸமாத³பெத்வா காரெஸ்ஸதீதி விஹாரஸாமிகோயேவ கஞ்சி பி⁴க்கு²ங்ஸமாத³பெத்வா காரெஸ்ஸதி. பஞ்சஹத்தே² விஹாரேதி ஸம்ப³ந்தோ⁴. ச²வஸ்ஸிகங் நவகம்மந்தி ஸம்ப³ந்தோ⁴. எத்தா²தி அட்³ட⁴யோகே³. ஸோதி அட்³ட⁴யோகோ³. மஹல்லகங் நியாமெத்வா த³ஸ்ஸெந்தோ ஆஹ ‘‘த³ஸஹத்தே² ஏகாத³ஸஹத்தே²’’தி. த³ஸவஸ்ஸிகங் வா ஏகாத³ஸவஸ்ஸிகங் வா நவகம்மந்தி ஸம்ப³ந்தோ⁴. ததோதி த்³வாத³ஸஹத்த²தோ. லோஹபாஸாத³ஸதி³ஸேபி பாஸாதே³தி ஸம்ப³ந்தோ⁴. ததோதி த்³வாத³ஸவஸ்ஸிகனவகம்மதோ.
323.Bhaṇḍikāṭṭhapanamattenāti ettha bhaṇḍikāṭṭhapanaṃ nāma bhaṇḍikayojananti āha ‘‘kapotabhaṇḍikayojanamattenā’’ti. Assāti bhikkhussa. Citakadhūmoti citake uṭṭhito dhūmo. Etassevāti bhikkhussa eva vihāroti sambandho. Dhūmakāleti dhūmassa uṭṭhitakāle. ‘‘Apaloketvā’’ti iminā dhūmakāle apalokitaṃ dhūmakālikaṃ. Dhūmakālikaṃ hutvāti atthayojanaṃ katvā pāḷiyaṃ ‘‘pariyositavihāra’’nti padena sambandhitabbabhāvaṃ dasseti. Katapariyositavihāranti katapariyosito vihāro imassa navakammassāti katapariyositavihāraṃ. Idaṃ navakammaṃ dentīti sambandho. Yāva gopānasiyo na ārohanti, tāva vippakato nāmāti yojanā. Tatoti gopānasiārohanato. Kañcideva samādapetvā kāressatīti vihārasāmikoyeva kañci bhikkhuṃsamādapetvā kāressati. Pañcahatthe vihāreti sambandho. Chavassikaṃ navakammanti sambandho. Etthāti aḍḍhayoge. Soti aḍḍhayogo. Mahallakaṃ niyāmetvā dassento āha ‘‘dasahatthe ekādasahatthe’’ti. Dasavassikaṃ vā ekādasavassikaṃ vā navakammanti sambandho. Tatoti dvādasahatthato. Lohapāsādasadisepi pāsādeti sambandho. Tatoti dvādasavassikanavakammato.
நவகம்மிகோதி நவகம்மே யுத்தபயுத்தோ. உதுகாலேதி ஹேமந்தகி³ம்ஹகாலே. படிபா³ஹிதுந்தி அஞ்ஞேஸங் ஸம்பத்தபி⁴க்கூ²னங் படிஸேதே⁴துங். ஆவாஸஸாமிகஸ்ஸாதி ஆவாஸதா³யகஸ்ஸ. தஸ்ஸாதி ஆவாஸஸாமிகஸ்ஸ. வங்ஸேதி அன்வயே. தேதி தவ. ஸோதி ஆவாஸஸாமிஆதி³கோ. பி⁴க்கூ²ஹி ஜக்³கி³தப்³போ³தி ஸம்ப³ந்தோ⁴. தேபீதி ஞாதிஉபட்டா²காபி. தஸ்மிம்பீதி ஸங்கி⁴கபச்சயேபி. ப³ஹூ ஆவாஸேதி ஸம்ப³ந்தோ⁴. ஏகங் ஆவாஸந்தி யோஜனா.
Navakammikoti navakamme yuttapayutto. Utukāleti hemantagimhakāle. Paṭibāhitunti aññesaṃ sampattabhikkhūnaṃ paṭisedhetuṃ. Āvāsasāmikassāti āvāsadāyakassa. Tassāti āvāsasāmikassa. Vaṃseti anvaye. Teti tava. Soti āvāsasāmiādiko. Bhikkhūhi jaggitabboti sambandho. Tepīti ñātiupaṭṭhākāpi. Tasmimpīti saṅghikapaccayepi. Bahū āvāseti sambandho. Ekaṃ āvāsanti yojanā.
ஏகங் வா ஆவாஸந்தி ஸம்ப³ந்தோ⁴. ததோதி விஸஜ்ஜிதாவாஸேஹி, உப்பன்னானீதி ஸம்ப³ந்தோ⁴. குருந்தி³யங் பன வுத்தங், கிந்தி வுத்தந்தி யோஜனா. ஏகங் மஞ்சட்டா²னங் க³ஹெத்வாதி ஏகங் மஞ்சட்டா²னங் புக்³க³லிகபா⁴வேன க³ஹெத்வா. திபா⁴க³ந்தி ததியபா⁴க³ங். அயமேவ வா பாடோ². எத்தா²தி நட்ட²விஹாரே. புக்³க³லிகமேவாதி புக்³க³லிகங் ஏவ, புக்³க³லிகங் இவ வா. ஜக்³கா³தி ஜக்³கா³ஹி. ஹீதி ப²லஜோதகோ. ஏவங் ஜக்³கி³தோ பனாதி ஏவங் ஜக்³கி³தோ விஹாரோ பன. தஸ்மிந்தி ஜக்³க³ந்தே. ஸத்³தி⁴விஹாரிகாதீ³னங் தா³துகாமோ ஹோதீதி ஸங்க⁴ஸ்ஸ ப⁴ண்ட³ட்ட²பனங் வா நவகானங் வஸனட்டா²னங் வா அத³த்வா அத்தனோயேவ ஸத்³தி⁴விஹாரிகாதீ³னங் தா³துகாமோ ஹோதி. ஸத்³தி⁴விஹாரிகாதீ³னங் தா³துங் லப்³ப⁴தீதி ஸப்³ப³விஹாரங் புக்³க³லிகபா⁴வேன அக்³க³ஹெத்வா ஏகதே³ஸஸ்ஸேவ க³ஹிதத்தா ஸத்³தி⁴விஹாரிகாதீ³னங் தா³துங் லப்³ப⁴தீதி அத்தோ². ஜக்³கா³பேதப்³போ³ இதி வுத்தந்தி யோஜனா. எத்த² ‘‘வுத்த’’ந்தி பாடோ² அத்தி², ஸோ அபாடோ²யேவ ‘‘குருந்தி³யங் பன வுத்த’’ந்தி பத³ஸ்ஸ ஆகாரத்தா.
Ekaṃ vā āvāsanti sambandho. Tatoti visajjitāvāsehi, uppannānīti sambandho. Kurundiyaṃ pana vuttaṃ, kinti vuttanti yojanā. Ekaṃ mañcaṭṭhānaṃ gahetvāti ekaṃ mañcaṭṭhānaṃ puggalikabhāvena gahetvā. Tibhāganti tatiyabhāgaṃ. Ayameva vā pāṭho. Etthāti naṭṭhavihāre. Puggalikamevāti puggalikaṃ eva, puggalikaṃ iva vā. Jaggāti jaggāhi. Hīti phalajotako. Evaṃ jaggito panāti evaṃ jaggito vihāro pana. Tasminti jaggante. Saddhivihārikādīnaṃ dātukāmo hotīti saṅghassa bhaṇḍaṭṭhapanaṃ vā navakānaṃ vasanaṭṭhānaṃ vā adatvā attanoyeva saddhivihārikādīnaṃ dātukāmo hoti. Saddhivihārikādīnaṃ dātuṃ labbhatīti sabbavihāraṃ puggalikabhāvena aggahetvā ekadesasseva gahitattā saddhivihārikādīnaṃ dātuṃ labbhatīti attho. Jaggāpetabbo iti vuttanti yojanā. Ettha ‘‘vutta’’nti pāṭho atthi, so apāṭhoyeva ‘‘kurundiyaṃ pana vutta’’nti padassa ākārattā.
அஞ்ஞங் இத³ம்பி ச வக்க²மானவசனங் தத்தே²வ குருந்தி³யங் வுத்தந்தி யோஜனா. கிந்தி வுத்தந்தி ஆஹ ‘‘த்³வே பி⁴க்கூ²’’திஆதி³. த்³வே பி⁴க்கூ² கரொந்தீதி ஸம்ப³ந்தோ⁴. யேனாதி பி⁴க்கு²னா. ஸோயேவ ஸாமீதி யேன ஸா பூ⁴மி பட²மங் க³ஹிதா, ஸோயேவ ஸாமீதி அத்தோ². பதிரூபே டா²னேதி பதிரூபே ஸேனாஸனட்டா²னே. தந்தி புக்³க³லிககரணங். யங் பன வயகம்மந்தி யோஜனா. எத்த² ச வயகம்மந்தி தஸ்மிங் விஹாரே கதஸ்ஸ கம்மஸ்ஸ மூலங். விஹாரஸ்ஸ மூலங் தா³தப்³ப³ந்தி வுத்தங் ஹோதி. தஸ்ஸாதி ஸங்கி⁴கங் கரொந்தஸ்ஸ. தத்தே²வாதி கதவிஹாரே ஏவ. கதாவாஸேதி ஸமீபத்தே² பு⁴ம்மவசனங், கதாவாஸஸமீபேதி வுத்தங் ஹோதி. சா²யூபக³ப²லூபகா³தி சா²யங் உபக³ச்ச²ந்தா ச ப²லங் உபக³ச்ச²ந்தா ச, சா²யாப²லானி உபஹரந்தாதி அத்தோ². அபலோகெத்வாதி ஸங்க⁴ங் அபலோகெத்வா. ஸாமிகாதி ருக்க²ஸாமிகா. ஹாரேதப்³பா³தி அபனேதப்³பா³.
Aññaṃ idampi ca vakkhamānavacanaṃ tattheva kurundiyaṃ vuttanti yojanā. Kinti vuttanti āha ‘‘dve bhikkhū’’tiādi. Dve bhikkhū karontīti sambandho. Yenāti bhikkhunā. Soyeva sāmīti yena sā bhūmi paṭhamaṃ gahitā, soyeva sāmīti attho. Patirūpe ṭhāneti patirūpe senāsanaṭṭhāne. Tanti puggalikakaraṇaṃ. Yaṃ pana vayakammanti yojanā. Ettha ca vayakammanti tasmiṃ vihāre katassa kammassa mūlaṃ. Vihārassa mūlaṃ dātabbanti vuttaṃ hoti. Tassāti saṅghikaṃ karontassa. Tatthevāti katavihāre eva. Katāvāseti samīpatthe bhummavacanaṃ, katāvāsasamīpeti vuttaṃ hoti. Chāyūpagaphalūpagāti chāyaṃ upagacchantā ca phalaṃ upagacchantā ca, chāyāphalāni upaharantāti attho. Apaloketvāti saṅghaṃ apaloketvā. Sāmikāti rukkhasāmikā. Hāretabbāti apanetabbā.
‘‘ஸங்கி⁴கவல்லிமத்தம்பி அக்³க³ஹெத்வா’’தி இமினா ஸங்கி⁴கங் க³ஹெத்வா ஸங்கி⁴காய பூ⁴மியா ஸசே விஹாரங் கரோதி, ஸங்கி⁴கமேவாதி த³ஸ்ஸேதி. த்³விபூ⁴மகதிபூ⁴மகாதீ³ஸு பாஸாதே³ஸு உபட்³ட⁴பா⁴க³ங் த³ஸ்ஸெந்தோ ஆஹ ‘‘பாஸாதோ³ சேவ ஹோதீ’’திஆதி³. உபரி பாஸாதோ³தி ஸம்ப³ந்தோ⁴. ஸோதி விஹாரகாரகோ பி⁴க்கு², தஸ்ஸ ஹெட்டா²பாஸாதோ³தி ஸம்ப³ந்தோ⁴. விஹாரேதி ஸங்கி⁴கவிஹாரே, விஹாரஸமீபேதி அத்தோ². அகதட்டா²னேதி சயபமுகா²னங் அகதபுப்³ப³ட்டா²னே. சயங் வா பமுக²ங் வாதி ஸங்கி⁴கவிஹாரஸ்ஸ சயங் வா பமுக²ங் வா. ப³ஹிகுட்டேதி குட்டஸ்ஸ, குட்டதோ வா ப³ஹி. தஸ்ஸாதி சயபமுக²காரகஸ்ஸ பி⁴க்கு²ஸ்ஸ ஹோதீதி ஸம்ப³ந்தோ⁴ . விஸமங் பப்³ப³தகந்த³ராதி³ந்தி ஸம்ப³ந்தோ⁴. அபதே³தி ஸுகரஸ்ஸ அகாரணே. கதங் ஹோதீதி சயங் வா பமுக²ங் வா கதங் ஹோதி. தத்தா²தி சயபமுகே²ஸு, ஸங்கோ⁴ அனிஸ்ஸரோ இதி வுத்தந்தி யோஜனா.
‘‘Saṅghikavallimattampi aggahetvā’’ti iminā saṅghikaṃ gahetvā saṅghikāya bhūmiyā sace vihāraṃ karoti, saṅghikamevāti dasseti. Dvibhūmakatibhūmakādīsu pāsādesu upaḍḍhabhāgaṃ dassento āha ‘‘pāsādo ceva hotī’’tiādi. Upari pāsādoti sambandho. Soti vihārakārako bhikkhu, tassa heṭṭhāpāsādoti sambandho. Vihāreti saṅghikavihāre, vihārasamīpeti attho. Akataṭṭhāneti cayapamukhānaṃ akatapubbaṭṭhāne. Cayaṃ vā pamukhaṃ vāti saṅghikavihārassa cayaṃ vā pamukhaṃ vā. Bahikuṭṭeti kuṭṭassa, kuṭṭato vā bahi. Tassāti cayapamukhakārakassa bhikkhussa hotīti sambandho . Visamaṃ pabbatakandarādinti sambandho. Apadeti sukarassa akāraṇe. Kataṃ hotīti cayaṃ vā pamukhaṃ vā kataṃ hoti. Tatthāti cayapamukhesu, saṅgho anissaro iti vuttanti yojanā.
வரஸெய்யங் க³ஹேதுந்தி ஸம்ப³ந்தோ⁴.
Varaseyyaṃ gahetunti sambandho.
புன ஆக³ந்த்வாதி பக்கமித்வா புன ஆக³ந்த்வா. தஸ்ஸாதி நவகம்மகா³ஹகஸ்ஸ பி⁴க்கு²ஸ்ஸ. ஏதந்தி ஸேனாஸனங்.
Puna āgantvāti pakkamitvā puna āgantvā. Tassāti navakammagāhakassa bhikkhussa. Etanti senāsanaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / நவகம்மதா³னகதா² • Navakammadānakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / நவகம்மதா³னகதா² • Navakammadānakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / நவகம்மதா³னகதா²வண்ணனா • Navakammadānakathāvaṇṇanā
