| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
навагаммад̣̇аанагат̇аа
Navakammadānakathā
323. бхан̣д̣игаадтабанамад̇д̇знаад̇и д̣̇ваараб̣аахаанам̣ убари габод̇абхан̣д̣игаяож̇анамад̇д̇зна. барибхан̣д̣агаран̣амад̇д̇знаад̇и г̇омаяабарибхан̣д̣агасаавабарибхан̣д̣агаран̣амад̇д̇зна. д̇хуумагаалиганд̇и ид̣̇ам̣ яаавасса жид̇агад̇хуумо на бан̃н̃ааяад̇и, д̇аава аяам̣ вихааро зд̇ассзваад̇и звам̣ д̇хуумагаалз абалогзд̇ваа гад̇абарияосид̇ам̣ вихаарам̣ д̣̇знд̇и. виббагад̇анд̇и зд̇т̇а виббагад̇о наама яаава г̇обаанасияо на аароханд̇и. г̇обаанасийсу бана аарул̣хаасу б̣ахугад̇о наама ход̇и, д̇асмаа д̇ад̇о бадтааяа на д̣̇аад̇аб̣б̣о, гин̃жид̣̇зва самаад̣̇абзд̇ваа гаарзссад̇и. куд̣̇д̣̇агз вихаарз гаммам̣ ологзд̇ваа чаббан̃жавассиганд̇и гаммам̣ ологзд̇ваа жад̇ухад̇т̇авихаарз жад̇увассигам̣, бан̃жахад̇т̇з бан̃жавассигам̣, чахад̇т̇з чавассигам̣ д̣̇аад̇аб̣б̣ам̣. ад̣дхаяог̇о бана яасмаа сад̇д̇адтахад̇т̇о ход̇и, д̇асмаа зд̇т̇а ‘‘сад̇д̇адтавассига’’нд̇и вуд̇д̇ам̣. сажз бана со навахад̇т̇о ход̇и нававассигамби д̣̇аад̇аб̣б̣ам̣. махаллагз бана д̣̇асахад̇т̇з згаад̣̇асахад̇т̇з вихаарз ваа баасаад̣̇з ваа д̣̇асавассигам̣ ваа згаад̣̇асавассигам̣ ваа д̣̇аад̇аб̣б̣ам̣. д̣̇ваад̣̇асахад̇т̇з бана д̇ад̇о ад̇хигз ваа лохабаасаад̣̇асад̣̇исзби д̣̇ваад̣̇асавассигамзва д̣̇аад̇аб̣б̣ам̣, на д̇ад̇о уд̇д̇ари.
323.Bhaṇḍikāṭṭhapanamattenāti dvārabāhānaṃ upari kapotabhaṇḍikayojanamattena. Paribhaṇḍakaraṇamattenāti gomayaparibhaṇḍakasāvaparibhaṇḍakaraṇamattena. Dhūmakālikanti idaṃ yāvassa citakadhūmo na paññāyati, tāva ayaṃ vihāro etassevāti evaṃ dhūmakāle apaloketvā katapariyositaṃ vihāraṃ denti. Vippakatanti ettha vippakato nāma yāva gopānasiyo na ārohanti. Gopānasīsu pana āruḷhāsu bahukato nāma hoti, tasmā tato paṭṭhāya na dātabbo, kiñcideva samādapetvā kāressati. Khuddake vihāre kammaṃ oloketvā chappañcavassikanti kammaṃ oloketvā catuhatthavihāre catuvassikaṃ, pañcahatthe pañcavassikaṃ, chahatthe chavassikaṃ dātabbaṃ. Aḍḍhayogo pana yasmā sattaṭṭhahattho hoti, tasmā ettha ‘‘sattaṭṭhavassika’’nti vuttaṃ. Sace pana so navahattho hoti navavassikampi dātabbaṃ. Mahallake pana dasahatthe ekādasahatthe vihāre vā pāsāde vā dasavassikaṃ vā ekādasavassikaṃ vā dātabbaṃ. Dvādasahatthe pana tato adhike vā lohapāsādasadisepi dvādasavassikameva dātabbaṃ, na tato uttari.
навагаммиго бхигку анд̇овассз д̇ам̣ ааваасам̣ лабхад̇и, уд̇угаалз бадиб̣аахид̇ум̣ на лабхад̇и. сажз со ааваасо ж̇ийрад̇и, ааваасасаамигасса ваа д̇асса вам̣сз уббаннасса ваа гассажи гат̇зд̇аб̣б̣ам̣ – ‘‘ааваасо д̇з нассад̇и, ж̇аг̇г̇ат̇а зд̇ам̣ аавааса’’нд̇и. сажз со на саггод̇и, бхигкуухи н̃аад̇ий ваа убадтаагз ваа самаад̣̇абзд̇ваа ж̇аг̇г̇ид̇аб̣б̣о. сажз д̇зби на саггонд̇и, сан̇гхигзна бажжаязна ж̇аг̇г̇ид̇аб̣б̣о. д̇асмимби асад̇и згам̣ ааваасам̣ виссаж̇ж̇зд̇ваа авасзсаа ж̇аг̇г̇ид̇аб̣б̣аа. б̣ахуу виссаж̇ж̇зд̇ваа згам̣ сан̣таабзд̇умби ваддад̇иязва.
Navakammiko bhikkhu antovasse taṃ āvāsaṃ labhati, utukāle paṭibāhituṃ na labhati. Sace so āvāso jīrati, āvāsasāmikassa vā tassa vaṃse uppannassa vā kassaci kathetabbaṃ – ‘‘āvāso te nassati, jaggatha etaṃ āvāsa’’nti. Sace so na sakkoti, bhikkhūhi ñātī vā upaṭṭhāke vā samādapetvā jaggitabbo. Sace tepi na sakkonti, saṅghikena paccayena jaggitabbo. Tasmimpi asati ekaṃ āvāsaṃ vissajjetvā avasesā jaggitabbā. Bahū vissajjetvā ekaṃ saṇṭhāpetumpi vaṭṭatiyeva.
д̣̇уб̣бхигкз бхигкуусу багганд̇зсу саб̣б̣з ааваасаа нассанд̇и, д̇асмаа згам̣ ваа д̣̇вз ваа д̇аяо ваа ааваасз виссаж̇ж̇зд̇ваа д̇ад̇о яааг̇убхад̇д̇ажийвараад̣̇ийни барибхун̃ж̇анд̇зхи сзсааваасаа ж̇аг̇г̇ид̇аб̣б̣ааязва. гурунд̣̇ияам̣ бана вуд̇д̇ам̣ ‘‘сан̇гхигз бажжаяз асад̇и зго бхигку ‘д̇уяхам̣ згам̣ ман̃жадтаанам̣ г̇ахзд̇ваа ж̇аг̇г̇аахий’д̇и вад̇д̇аб̣б̣о. сажз б̣ахуд̇арам̣ ижчад̇и, д̇ибхааг̇ам̣ ваа убад̣дхабхааг̇ам̣ ваа д̣̇ад̇вааби ж̇аг̇г̇аабзд̇аб̣б̣ам̣. ат̇а ‘т̇амбхамад̇д̇амзвзд̇т̇а авасидтам̣, б̣ахугаммам̣ гаад̇аб̣б̣а’нд̇и на ижчад̇и, ‘д̇уяхам̣ буг̇г̇алигамзва гад̇ваа ж̇аг̇г̇а; звамби хи сан̇гхасса бхан̣д̣агадтабанадтаанам̣ навагаанан̃жа васанадтаанам̣ лабхиссад̇ий’д̇и ж̇аг̇г̇аабзд̇аб̣б̣о. звам̣ ж̇аг̇г̇ид̇о бана д̇асмим̣ ж̇ийванд̇з буг̇г̇алиго ход̇и, мад̇з сан̇гхигоязва . сажз сад̣̇д̇хивихааригаанам̣ д̣̇аад̇угаамо ход̇и, гаммам̣ ологзд̇ваа д̇ибхааг̇ам̣ ваа убад̣дхам̣ ваа буг̇г̇алигам̣ гад̇ваа ж̇аг̇г̇аабзд̇аб̣б̣о. зван̃хи сад̣̇д̇хивихааригаанам̣ д̣̇аад̇ум̣ лабхад̇и. звам̣ ж̇аг̇г̇анагз бана асад̇и ‘згам̣ ааваасам̣ виссаж̇ж̇зд̇ваа’д̇иаад̣̇инаа наязна ж̇аг̇г̇аабзд̇аб̣б̣о’’д̇и.
Dubbhikkhe bhikkhūsu pakkantesu sabbe āvāsā nassanti, tasmā ekaṃ vā dve vā tayo vā āvāse vissajjetvā tato yāgubhattacīvarādīni paribhuñjantehi sesāvāsā jaggitabbāyeva. Kurundiyaṃ pana vuttaṃ ‘‘saṅghike paccaye asati eko bhikkhu ‘tuyhaṃ ekaṃ mañcaṭṭhānaṃ gahetvā jaggāhī’ti vattabbo. Sace bahutaraṃ icchati, tibhāgaṃ vā upaḍḍhabhāgaṃ vā datvāpi jaggāpetabbaṃ. Atha ‘thambhamattamevettha avasiṭṭhaṃ, bahukammaṃ kātabba’nti na icchati, ‘tuyhaṃ puggalikameva katvā jagga; evampi hi saṅghassa bhaṇḍakaṭṭhapanaṭṭhānaṃ navakānañca vasanaṭṭhānaṃ labhissatī’ti jaggāpetabbo. Evaṃ jaggito pana tasmiṃ jīvante puggaliko hoti, mate saṅghikoyeva . Sace saddhivihārikānaṃ dātukāmo hoti, kammaṃ oloketvā tibhāgaṃ vā upaḍḍhaṃ vā puggalikaṃ katvā jaggāpetabbo. Evañhi saddhivihārikānaṃ dātuṃ labhati. Evaṃ jagganake pana asati ‘ekaṃ āvāsaṃ vissajjetvā’tiādinā nayena jaggāpetabbo’’ti.
ид̣̇амби жа ан̃н̃ам̣ д̇ад̇т̇зва вуд̇д̇ам̣ – д̣̇вз бхигкуу сан̇гхигам̣ бхуумим̣ г̇ахзд̇ваа сод̇хзд̇ваа сан̇гхигам̣ сзнаасанам̣ гаронд̇и. язна саа бхууми батамам̣ г̇ахид̇аа, со саамий. убхоби буг̇г̇алигам̣ гаронд̇и, соязва саамий. со сан̇гхигам̣ гарод̇и, ид̇аро буг̇г̇алигам̣ гарод̇и, ан̃н̃ам̣ жз б̣ахум̣ сзнаасанадтаанам̣ ад̇т̇и , буг̇г̇алигам̣ гаронд̇оби на ваарзд̇аб̣б̣о. ан̃н̃асмим̣ бана д̇аад̣̇исз бадируубз таанз асад̇и д̇ам̣ бадиб̣аахид̇ваа сан̇гхигам̣ гаронд̇знзва гаад̇аб̣б̣ам̣. яам̣ бана д̇асса д̇ад̇т̇а ваяагаммам̣ гад̇ам̣, д̇ам̣ д̣̇аад̇аб̣б̣ам̣. сажз бана гад̇ааваасз ваа ааваасагаран̣адтаанз ваа чааяуубаг̇апалуубаг̇аругкаа хонд̇и, абалогзд̇ваа хаарзд̇аб̣б̣аа. буг̇г̇алигаа жз хонд̇и, саамигаа аабужчид̇аб̣б̣аа; но жз д̣̇знд̇и, яаавад̇ад̇ияам̣ аабужчид̇ваа ‘‘ругкааг̇гханагамуулам̣ д̣̇ассаамаа’’д̇и хаарзд̇аб̣б̣аа.
Idampi ca aññaṃ tattheva vuttaṃ – dve bhikkhū saṅghikaṃ bhūmiṃ gahetvā sodhetvā saṅghikaṃ senāsanaṃ karonti. Yena sā bhūmi paṭhamaṃ gahitā, so sāmī. Ubhopi puggalikaṃ karonti, soyeva sāmī. So saṅghikaṃ karoti, itaro puggalikaṃ karoti, aññaṃ ce bahuṃ senāsanaṭṭhānaṃ atthi , puggalikaṃ karontopi na vāretabbo. Aññasmiṃ pana tādise paṭirūpe ṭhāne asati taṃ paṭibāhitvā saṅghikaṃ karonteneva kātabbaṃ. Yaṃ pana tassa tattha vayakammaṃ kataṃ, taṃ dātabbaṃ. Sace pana katāvāse vā āvāsakaraṇaṭṭhāne vā chāyūpagaphalūpagarukkhā honti, apaloketvā hāretabbā. Puggalikā ce honti, sāmikā āpucchitabbā; no ce denti, yāvatatiyaṃ āpucchitvā ‘‘rukkhaagghanakamūlaṃ dassāmā’’ti hāretabbā.
яо бана сан̇гхигаваллимад̇д̇амби аг̇г̇ахзд̇ваа аахаримзна убагаран̣зна сан̇гхигааяа бхуумияаа буг̇г̇алигавихаарам̣ гаарзд̇и, убад̣дхам̣ сан̇гхигам̣ ход̇и; убад̣дхам̣ буг̇г̇алигам̣. баасаад̣̇о жз ход̇и, хздтаабаасаад̣̇о сан̇гхиго; убари буг̇г̇алиго. сажз со хздтаабаасаад̣̇ам̣ ижчад̇и, д̇асса ход̇и. ат̇а хздтаа жа убари жа ижчад̇и, убхаяад̇т̇а убад̣дхам̣ лабхад̇и. д̣̇вз сзнаасанаани гаарзд̇и – згам̣ сан̇гхигам̣, згам̣ буг̇г̇алигам̣. сажз вихаарз удтид̇зна д̣̇аб̣б̣асамбхаарзна гаарзд̇и, д̇ад̇ияабхааг̇ам̣ лабхад̇и. сажз агад̇адтаанз жаяам̣ ваа бамукам̣ ваа гарод̇и, б̣ахигуддз убад̣дхам̣ сан̇гхасса, убад̣дхам̣ д̇асса. ат̇а маханд̇ам̣ висамам̣ буурзд̇ваа абад̣̇з бад̣̇ам̣ д̣̇ассзд̇ваа гад̇ам̣ ход̇и, аниссаро д̇ад̇т̇а сан̇гхо.
Yo pana saṅghikavallimattampi aggahetvā āharimena upakaraṇena saṅghikāya bhūmiyā puggalikavihāraṃ kāreti, upaḍḍhaṃ saṅghikaṃ hoti; upaḍḍhaṃ puggalikaṃ. Pāsādo ce hoti, heṭṭhāpāsādo saṅghiko; upari puggaliko. Sace so heṭṭhāpāsādaṃ icchati, tassa hoti. Atha heṭṭhā ca upari ca icchati, ubhayattha upaḍḍhaṃ labhati. Dve senāsanāni kāreti – ekaṃ saṅghikaṃ, ekaṃ puggalikaṃ. Sace vihāre uṭṭhitena dabbasambhārena kāreti, tatiyabhāgaṃ labhati. Sace akataṭṭhāne cayaṃ vā pamukhaṃ vā karoti, bahikuṭṭe upaḍḍhaṃ saṅghassa, upaḍḍhaṃ tassa. Atha mahantaṃ visamaṃ pūretvā apade padaṃ dassetvā kataṃ hoti, anissaro tattha saṅgho.
згам̣ варасзяяанд̇и зд̇т̇а навагаммад̣̇аанадтаанз ваа вассаг̇г̇зна бад̇д̇адтаанз ваа яам̣ ижчад̇и, д̇ам̣ згам̣ варасзяяам̣ ануж̇аанаамийд̇и ад̇т̇о.
Ekaṃvaraseyyanti ettha navakammadānaṭṭhāne vā vassaggena pattaṭṭhāne vā yaṃ icchati, taṃ ekaṃ varaseyyaṃ anujānāmīti attho.
барияосид̇з баггамад̇и д̇ассзвзд̇анд̇и буна ааг̇анд̇ваа васанд̇асса анд̇овассам̣ д̇ассзва д̇ам̣; анааг̇ажчанд̇асса бана сад̣̇д̇хивихааригаад̣̇аяо г̇ахзд̇ум̣ на лабханд̇и.
Pariyosite pakkamati tassevetanti puna āgantvā vasantassa antovassaṃ tasseva taṃ; anāgacchantassa pana saddhivihārikādayo gahetuṃ na labhanti.
навагаммад̣̇аанагат̇аа нидтид̇аа.
Navakammadānakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / навагаммад̣̇аанагат̇аа • Navakammadānakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / навагаммад̣̇аанагат̇ааван̣н̣анаа • Navakammadānakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / навагаммад̣̇аанагат̇ааван̣н̣анаа • Navakammadānakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / навагаммад̣̇аанагат̇ааван̣н̣анаа • Navakammadānakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / навагаммад̣̇аанагат̇аа • Navakammadānakathā
