| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
навагаммад̣̇аанагат̇аа
Navakammadānakathā
323. ат̇а ко бхаг̇аваа гийдааг̇ирисмим̣ яат̇аабхиранд̇ам̣ вихарид̇ваа язна аал̣авий д̇зна жааригам̣ баггаами. анубуб̣б̣зна жааригам̣ жарамаано язна аал̣авий д̇ад̣̇авасари. д̇ад̇ра суд̣̇ам̣ бхаг̇аваа аал̣авияам̣ вихарад̇и аг̇г̇аал̣авз жзд̇ияз. д̇зна ко бана самаязна аал̣авагаа 1 бхигкуу зваруубаани навагаммаани д̣̇знд̇и – бин̣д̣анигкзбанамад̇д̇знаби навагаммам̣ д̣̇знд̇и; гуддалзбанамад̇д̇знаби навагаммам̣ д̣̇знд̇и; д̣̇ваарадтабанамад̇д̇знаби навагаммам̣ д̣̇знд̇и; аг̇г̇ал̣аваддигаран̣амад̇д̇знаби навагаммам̣ д̣̇знд̇и; аалогасанд̇хигаран̣амад̇д̇знаби навагаммам̣ д̣̇знд̇и; сзд̇аван̣н̣агаран̣амад̇д̇знаби навагаммам̣ д̣̇знд̇и; гаал̣аван̣н̣агаран̣амад̇д̇знаби навагаммам̣ д̣̇знд̇и; г̇зругабаригаммагаран̣амад̇д̇знаби навагаммам̣ д̣̇знд̇и; чаад̣̇анамад̇д̇знаби навагаммам̣ д̣̇знд̇и; б̣анд̇ханамад̇д̇знаби навагаммам̣ д̣̇знд̇и; бхан̣д̣игаадтабанамад̇д̇знаби навагаммам̣ д̣̇знд̇и; кан̣д̣апуллабадисан̇каран̣амад̇д̇знаби навагаммам̣ д̣̇знд̇и; барибхан̣д̣агаран̣амад̇д̇знаби навагаммам̣ д̣̇знд̇и; вийсад̇ивассигамби навагаммам̣ д̣̇знд̇и; д̇им̣савассигамби навагаммам̣ д̣̇знд̇и; яааваж̇ийвигамби навагаммам̣ д̣̇знд̇и; д̇хуумагаалигамби барияосид̇ам̣ вихаарам̣ навагаммам̣ д̣̇знд̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аал̣авагаа бхигкуу зваруубаани навагаммаани д̣̇ассанд̇и – бин̣д̣анигкзбанамад̇д̇знаби навагаммам̣ д̣̇ассанд̇и; гуддалзбанамад̇д̇знаби… д̣̇ваарадтабанамад̇д̇знаби … аг̇г̇ал̣аваддигаран̣амад̇д̇знаби… аалогасанд̇хигаран̣амад̇д̇знаби… сзд̇аван̣н̣агаран̣амад̇д̇знаби… гаал̣аван̣н̣агаран̣амад̇д̇знаби… г̇зругабаригаммагаран̣амад̇д̇знаби… чаад̣̇знамад̇д̇знаби… б̣анд̇ханамад̇д̇знаби… бхан̣д̣игаал̣абанамад̇д̇знаби… кан̣д̣апуллабадисан̇каран̣амад̇д̇знаби… барибхан̣д̣агаран̣амад̇д̇знаби… висад̇ивассигамби… д̇им̣савассигамби… яааваж̇ийвигамби… д̇хуумагаалигамби барияосид̇ам̣ вихаарам̣ навагаммам̣ д̣̇ассанд̇ий’’д̇и! бхаг̇авад̇о зд̇амад̇т̇ам̣ аарожзсум̣…бз… сажжам̣ гира, бхигкавз…бз… ‘‘сажжам̣ бхаг̇аваа’’д̇и…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, бин̣д̣анигкзбанамад̇д̇зна навагаммам̣ д̣̇аад̇аб̣б̣ам̣; на гуддалзбанамад̇д̇зна навагаммам̣ д̣̇аад̇аб̣б̣ам̣. на д̣̇ваарадтабанамад̇д̇зна навагаммам̣ д̣̇аад̇аб̣б̣ам̣. на аг̇г̇ал̣аваддигаран̣амад̇д̇зна навагаммам̣ д̣̇аад̇аб̣б̣ам̣. на аалогасанд̇хигаран̣амад̇д̇зна навагаммам̣ д̣̇аад̇аб̣б̣ам̣. на сзд̇аван̣н̣агаран̣амад̇д̇зна навагаммам̣ д̣̇аад̇аб̣б̣ам̣. на гаал̣аван̣н̣агаран̣амад̇д̇зна навагаммам̣ д̣̇аад̇аб̣б̣ам̣. на г̇зругабаригаммагаран̣амад̇д̇зна навагаммам̣ д̣̇аад̇аб̣б̣ам̣. на чаад̣̇знамад̇д̇зна навагаммам̣ д̣̇аад̇аб̣б̣ам̣. на б̣анд̇ханамад̇д̇зна навагаммам̣ д̣̇аад̇аб̣б̣ам̣. на бхан̣д̣игаал̣абанамад̇д̇зна навагаммам̣ д̣̇аад̇аб̣б̣ам̣. на кан̣д̣апуллабадисан̇каран̣амад̇д̇зна навагаммам̣ д̣̇аад̇аб̣б̣ам̣. на барибхан̣д̣агаран̣амад̇д̇зна навагаммам̣ д̣̇аад̇аб̣б̣ам̣. на висад̇ивассигам̣ навагаммам̣ д̣̇аад̇аб̣б̣ам̣. на д̇им̣савассигам̣ навагаммам̣ д̣̇аад̇аб̣б̣ам̣. на яааваж̇ийвигам̣ навагаммам̣ д̣̇аад̇аб̣б̣ам̣. на д̇хуумагаалигамби барияосид̇ам̣ вихаарам̣ навагаммам̣ д̣̇аад̇аб̣б̣ам̣. яо д̣̇ад̣̇зяяа, аабад̇д̇и д̣̇уггадасса. ануж̇аанаами, бхигкавз, агад̇ам̣ ваа виббагад̇ам̣ ваа навагаммам̣ д̣̇аад̇ум̣, куд̣̇д̣̇агз вихаарз гаммам̣ ологзд̇ваа чаббан̃жавассигам̣ навагаммам̣ д̣̇аад̇ум̣, ад̣дхаяог̇з гаммам̣ ологзд̇ваа сад̇д̇адтавассигам̣ навагаммам̣ д̣̇аад̇ум̣, махаллагз вихаарз баасаад̣̇з ваа гаммам̣ ологзд̇ваа д̣̇асад̣̇ваад̣̇асавассигам̣ навагаммам̣ д̣̇аад̇у’’нд̇и.
323. Atha kho bhagavā kīṭāgirismiṃ yathābhirantaṃ viharitvā yena āḷavī tena cārikaṃ pakkāmi. Anupubbena cārikaṃ caramāno yena āḷavī tadavasari. Tatra sudaṃ bhagavā āḷaviyaṃ viharati aggāḷave cetiye. Tena kho pana samayena āḷavakā 2 bhikkhū evarūpāni navakammāni denti – piṇḍanikkhepanamattenapi navakammaṃ denti; kuṭṭalepanamattenapi navakammaṃ denti; dvāraṭṭhapanamattenapi navakammaṃ denti; aggaḷavaṭṭikaraṇamattenapi navakammaṃ denti; ālokasandhikaraṇamattenapi navakammaṃ denti; setavaṇṇakaraṇamattenapi navakammaṃ denti; kāḷavaṇṇakaraṇamattenapi navakammaṃ denti; gerukaparikammakaraṇamattenapi navakammaṃ denti; chādanamattenapi navakammaṃ denti; bandhanamattenapi navakammaṃ denti; bhaṇḍikāṭṭhapanamattenapi navakammaṃ denti; khaṇḍaphullapaṭisaṅkharaṇamattenapi navakammaṃ denti; paribhaṇḍakaraṇamattenapi navakammaṃ denti; vīsativassikampi navakammaṃ denti; tiṃsavassikampi navakammaṃ denti; yāvajīvikampi navakammaṃ denti; dhūmakālikampi pariyositaṃ vihāraṃ navakammaṃ denti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āḷavakā bhikkhū evarūpāni navakammāni dassanti – piṇḍanikkhepanamattenapi navakammaṃ dassanti; kuṭṭalepanamattenapi… dvāraṭṭhapanamattenapi … aggaḷavaṭṭikaraṇamattenapi… ālokasandhikaraṇamattenapi… setavaṇṇakaraṇamattenapi… kāḷavaṇṇakaraṇamattenapi… gerukaparikammakaraṇamattenapi… chādenamattenapi… bandhanamattenapi… bhaṇḍikāḷapanamattenapi… khaṇḍaphullapaṭisaṅkharaṇamattenapi… paribhaṇḍakaraṇamattenapi… visativassikampi… tiṃsavassikampi… yāvajīvikampi… dhūmakālikampi pariyositaṃ vihāraṃ navakammaṃ dassantī’’ti! Bhagavato etamatthaṃ ārocesuṃ…pe… saccaṃ kira, bhikkhave…pe… ‘‘saccaṃ bhagavā’’ti…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, piṇḍanikkhepanamattena navakammaṃ dātabbaṃ; na kuṭṭalepanamattena navakammaṃ dātabbaṃ. Na dvāraṭṭhapanamattena navakammaṃ dātabbaṃ. Na aggaḷavaṭṭikaraṇamattena navakammaṃ dātabbaṃ. Na ālokasandhikaraṇamattena navakammaṃ dātabbaṃ. Na setavaṇṇakaraṇamattena navakammaṃ dātabbaṃ. Na kāḷavaṇṇakaraṇamattena navakammaṃ dātabbaṃ. Na gerukaparikammakaraṇamattena navakammaṃ dātabbaṃ. Na chādenamattena navakammaṃ dātabbaṃ. Na bandhanamattena navakammaṃ dātabbaṃ. Na bhaṇḍikāḷapanamattena navakammaṃ dātabbaṃ. Na khaṇḍaphullapaṭisaṅkharaṇamattena navakammaṃ dātabbaṃ. Na paribhaṇḍakaraṇamattena navakammaṃ dātabbaṃ. Na visativassikaṃ navakammaṃ dātabbaṃ. Na tiṃsavassikaṃ navakammaṃ dātabbaṃ. Na yāvajīvikaṃ navakammaṃ dātabbaṃ. Na dhūmakālikampi pariyositaṃ vihāraṃ navakammaṃ dātabbaṃ. Yo dadeyya, āpatti dukkaṭassa. Anujānāmi, bhikkhave, akataṃ vā vippakataṃ vā navakammaṃ dātuṃ, khuddake vihāre kammaṃ oloketvā chappañcavassikaṃ navakammaṃ dātuṃ, aḍḍhayoge kammaṃ oloketvā sattaṭṭhavassikaṃ navakammaṃ dātuṃ, mahallake vihāre pāsāde vā kammaṃ oloketvā dasadvādasavassikaṃ navakammaṃ dātu’’nti.
д̇зна ко бана самаязна бхигкуу саб̣б̣з вихаарз навагаммам̣ д̣̇знд̇и. бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, саб̣б̣з вихаарз навагаммам̣ д̣̇аад̇аб̣б̣ам̣. яо д̣̇ад̣̇зяяа, аабад̇д̇и д̣̇уггадассаа’’д̇и.
Tena kho pana samayena bhikkhū sabbe vihāre navakammaṃ denti. Bhagavato etamatthaṃ ārocesuṃ. ‘‘Na, bhikkhave, sabbe vihāre navakammaṃ dātabbaṃ. Yo dadeyya, āpatti dukkaṭassā’’ti.
д̇зна ко бана самаязна бхигкуу згасса д̣̇вз д̣̇знд̇и. бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, згасса д̣̇вз д̣̇аад̇аб̣б̣аа. яо д̣̇ад̣̇зяяа, аабад̇д̇и д̣̇уггадассаа’’д̇и.
Tena kho pana samayena bhikkhū ekassa dve denti. Bhagavato etamatthaṃ ārocesuṃ. ‘‘Na, bhikkhave, ekassa dve dātabbā. Yo dadeyya, āpatti dukkaṭassā’’ti.
д̇зна ко бана самаязна бхигкуу навагаммам̣ г̇ахзд̇ваа ан̃н̃ам̣ ваасзнд̇и. бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, навагаммам̣ г̇ахзд̇ваа ан̃н̃о ваасзд̇аб̣б̣о. яо ваасзяяа, аабад̇д̇и д̣̇уггадассаа’’д̇и.
Tena kho pana samayena bhikkhū navakammaṃ gahetvā aññaṃ vāsenti. Bhagavato etamatthaṃ ārocesuṃ. ‘‘Na, bhikkhave, navakammaṃ gahetvā añño vāsetabbo. Yo vāseyya, āpatti dukkaṭassā’’ti.
д̇зна ко бана самаязна бхигкуу навагаммам̣ г̇ахзд̇ваа сан̇гхигам̣ бадиб̣аахзнд̇и. бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, навагаммам̣ г̇ахзд̇ваа сан̇гхигам̣ бадиб̣аахид̇аб̣б̣ам̣. яо бадиб̣аахзяяа, аабад̇д̇и д̣̇уггадасса. ануж̇аанаами, бхигкавз, згам̣ варасзяяам̣ г̇ахзд̇у’’нд̇и.
Tena kho pana samayena bhikkhū navakammaṃ gahetvā saṅghikaṃ paṭibāhenti. Bhagavato etamatthaṃ ārocesuṃ. ‘‘Na, bhikkhave, navakammaṃ gahetvā saṅghikaṃ paṭibāhitabbaṃ. Yo paṭibāheyya, āpatti dukkaṭassa. Anujānāmi, bhikkhave, ekaṃ varaseyyaṃ gahetu’’nti.
д̇зна ко бана самаязна бхигкуу ниссиймз тид̇асса навагаммам̣ д̣̇знд̇и. бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, ниссиймз тид̇асса навагаммам̣ д̣̇аад̇аб̣б̣ам̣. яо д̣̇ад̣̇зяяа, аабад̇д̇и д̣̇уггадассаа’’д̇и.
Tena kho pana samayena bhikkhū nissīme ṭhitassa navakammaṃ denti. Bhagavato etamatthaṃ ārocesuṃ. ‘‘Na, bhikkhave, nissīme ṭhitassa navakammaṃ dātabbaṃ. Yo dadeyya, āpatti dukkaṭassā’’ti.
д̇зна ко бана самаязна бхигкуу навагаммам̣ г̇ахзд̇ваа саб̣б̣агаалам̣ бадиб̣ааханд̇и. бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, навагаммам̣ г̇ахзд̇ваа саб̣б̣агаалам̣ бадиб̣аахид̇аб̣б̣ам̣. яо бадиб̣аахзяяа, аабад̇д̇и д̣̇уггадасса. ануж̇аанаами, бхигкавз, вассаанам̣ д̇змаасам̣ бадиб̣аахид̇ум̣, уд̇угаалам̣ бана на бадиб̣аахид̇у’’нд̇и.
Tena kho pana samayena bhikkhū navakammaṃ gahetvā sabbakālaṃ paṭibāhanti. Bhagavato etamatthaṃ ārocesuṃ. ‘‘Na, bhikkhave, navakammaṃ gahetvā sabbakālaṃ paṭibāhitabbaṃ. Yo paṭibāheyya, āpatti dukkaṭassa. Anujānāmi, bhikkhave, vassānaṃ temāsaṃ paṭibāhituṃ, utukālaṃ pana na paṭibāhitu’’nti.
д̇зна ко бана самаязна бхигкуу навагаммам̣ г̇ахзд̇ваа баггаманд̇иби, виб̣бхаманд̇иби, гааламби гаронд̇и; сааман̣зрааби бадиж̇аананд̇и; сигкам̣ бажжагкаад̇агааби бадиж̇аананд̇и; анд̇имавад̇т̇ум̣ аж̇жхаабаннагааби бадиж̇аананд̇и; уммад̇д̇агааби бадиж̇аананд̇и; кид̇д̇ажид̇д̇ааби бадиж̇аананд̇и; взд̣̇анааддааби бадиж̇аананд̇и; аабад̇д̇ияаа ад̣̇ассанз угкид̇д̇агааби бадиж̇аананд̇и; аабад̇д̇ияаа аббадигаммз угкид̇д̇агааби бадиж̇аананд̇и; баабигааяа д̣̇идтияаа аббадиниссаг̇г̇з угкид̇д̇агааби бадиж̇аананд̇и; бан̣д̣агааби бадиж̇аананд̇и; т̇зяяасам̣ваасагааби бадиж̇аананд̇и; д̇ид̇т̇ияабагганд̇агааби
Tena kho pana samayena bhikkhū navakammaṃ gahetvā pakkamantipi, vibbhamantipi, kālampi karonti; sāmaṇerāpi paṭijānanti; sikkhaṃ paccakkhātakāpi paṭijānanti; antimavatthuṃ ajjhāpannakāpi paṭijānanti; ummattakāpi paṭijānanti; khittacittāpi paṭijānanti; vedanāṭṭāpi paṭijānanti; āpattiyā adassane ukkhittakāpi paṭijānanti; āpattiyā appaṭikamme ukkhittakāpi paṭijānanti; pāpikāya diṭṭhiyā appaṭinissagge ukkhittakāpi paṭijānanti; paṇḍakāpi paṭijānanti; theyyasaṃvāsakāpi paṭijānanti; titthiyapakkantakāpi
бадиж̇аананд̇и; д̇иражчаанаг̇ад̇ааби бадиж̇аананд̇и; маад̇угхаад̇агааби бадиж̇аананд̇и; бид̇угхаад̇агааби бадиж̇аананд̇и ; араханд̇агхаад̇агааби бадиж̇аананд̇и; бхигкунид̣̇уусагааби бадиж̇аананд̇и; сан̇гхабхзд̣̇агааби бадиж̇аананд̇и; лохид̇уббаад̣̇агааби бадиж̇аананд̇и; убхад̇об̣яан̃ж̇анагааби бадиж̇аананд̇и. бхаг̇авад̇о зд̇амад̇т̇ам̣ аарожзсум̣.
Paṭijānanti; tiracchānagatāpi paṭijānanti; mātughātakāpi paṭijānanti; pitughātakāpi paṭijānanti ; arahantaghātakāpi paṭijānanti; bhikkhunidūsakāpi paṭijānanti; saṅghabhedakāpi paṭijānanti; lohituppādakāpi paṭijānanti; ubhatobyañjanakāpi paṭijānanti. Bhagavato etamatthaṃ ārocesuṃ.
‘‘ид̇ха бана, бхигкавз, бхигку навагаммам̣ г̇ахзд̇ваа баггамад̇и – маа сан̇гхасса хааяийд̇и ан̃н̃асса д̣̇аад̇аб̣б̣ам̣.
‘‘Idha pana, bhikkhave, bhikkhu navakammaṃ gahetvā pakkamati – mā saṅghassa hāyīti aññassa dātabbaṃ.
‘‘ид̇ха бана, бхигкавз, бхигку навагаммам̣ г̇ахзд̇ваа виб̣бхамад̇и…бз… гаалан̇гарод̇и, сааман̣зро бадиж̇аанаад̇и, сигкам̣ бажжагкаад̇аго бадиж̇аанаад̇и, анд̇имавад̇т̇ум̣ аж̇жхаабаннаго бадиж̇аанаад̇и, уммад̇д̇аго бадиж̇аанаад̇и, кид̇д̇ажид̇д̇о бадиж̇аанаад̇и, взд̣̇анааддо бадиж̇аанаад̇и, аабад̇д̇ияаа ад̣̇ассанз угкид̇д̇аго бадиж̇аанаад̇и, аабад̇д̇ияаа аббадигаммз угкид̇д̇аго бадиж̇аанаад̇и, баабигааяа д̣̇идтияаа аббадиниссаг̇г̇з угкид̇д̇аго бадиж̇аанаад̇и, бан̣д̣аго бадиж̇аанаад̇и, т̇зяяасам̣ваасаго бадиж̇аанаад̇и, д̇ид̇т̇ияабагганд̇аго бадиж̇аанаад̇и, д̇иражчаанаг̇ад̇о бадиж̇аанаад̇и, маад̇угхаад̇аго бадиж̇аанаад̇и, бид̇угхаад̇аго бадиж̇аанаад̇и, араханд̇агхаад̇аго бадиж̇аанаад̇и, бхигкунийд̣̇уусаго бадиж̇аанаад̇и, сан̇гхабхзд̣̇аго бадиж̇аанаад̇и, лохид̇уббаад̣̇аго бадиж̇аанаад̇и, убхад̇об̣яан̃ж̇анаго бадиж̇аанаад̇и – маа сан̇гхасса хааяийд̇и ан̃н̃асса д̣̇аад̇аб̣б̣ам̣.
‘‘Idha pana, bhikkhave, bhikkhu navakammaṃ gahetvā vibbhamati…pe… kālaṅkaroti, sāmaṇero paṭijānāti, sikkhaṃ paccakkhātako paṭijānāti, antimavatthuṃ ajjhāpannako paṭijānāti, ummattako paṭijānāti, khittacitto paṭijānāti, vedanāṭṭo paṭijānāti, āpattiyā adassane ukkhittako paṭijānāti, āpattiyā appaṭikamme ukkhittako paṭijānāti, pāpikāya diṭṭhiyā appaṭinissagge ukkhittako paṭijānāti, paṇḍako paṭijānāti, theyyasaṃvāsako paṭijānāti, titthiyapakkantako paṭijānāti, tiracchānagato paṭijānāti, mātughātako paṭijānāti, pitughātako paṭijānāti, arahantaghātako paṭijānāti, bhikkhunīdūsako paṭijānāti, saṅghabhedako paṭijānāti, lohituppādako paṭijānāti, ubhatobyañjanako paṭijānāti – mā saṅghassa hāyīti aññassa dātabbaṃ.
‘‘ид̇ха бана, бхигкавз, бхигку навагаммам̣ г̇ахзд̇ваа виббагад̇з баггамад̇и – маа сан̇гхасса хааяийд̇и ан̃н̃асса д̣̇аад̇аб̣б̣ам̣.
‘‘Idha pana, bhikkhave, bhikkhu navakammaṃ gahetvā vippakate pakkamati – mā saṅghassa hāyīti aññassa dātabbaṃ.
‘‘ид̇ха бана, бхигкавз, бхигку навагаммам̣ г̇ахзд̇ваа виббагад̇з виб̣бхамад̇и…бз… убхад̇об̣яан̃ж̇анаго бадиж̇аанаад̇и – маа сан̇гхасса хааяийд̇и ан̃н̃асса д̣̇аад̇аб̣б̣ам̣.
‘‘Idha pana, bhikkhave, bhikkhu navakammaṃ gahetvā vippakate vibbhamati…pe… ubhatobyañjanako paṭijānāti – mā saṅghassa hāyīti aññassa dātabbaṃ.
‘‘ид̇ха бана, бхигкавз, бхигку навагаммам̣ г̇ахзд̇ваа барияосид̇з баггамад̇и – д̇ассзвзд̇ам̣.
‘‘Idha pana, bhikkhave, bhikkhu navakammaṃ gahetvā pariyosite pakkamati – tassevetaṃ.
‘‘ид̇ха бана, бхигкавз, бхигку навагаммам̣ г̇ахзд̇ваа барияосид̇з виб̣бхамад̇и…бз… гаалан̇гарод̇и, сааман̣зро бадиж̇аанаад̇и, сигкам̣ бажжагкаад̇аго бадиж̇аанаад̇и, анд̇имавад̇т̇ум̣ аж̇жхаабаннаго бадиж̇аанаад̇и – сан̇гхо саамий.
‘‘Idha pana, bhikkhave, bhikkhu navakammaṃ gahetvā pariyosite vibbhamati…pe… kālaṅkaroti, sāmaṇero paṭijānāti, sikkhaṃ paccakkhātako paṭijānāti, antimavatthuṃ ajjhāpannako paṭijānāti – saṅgho sāmī.
‘‘ид̇ха бана, бхигкавз, бхигку навагаммам̣ г̇ахзд̇ваа барияосид̇з уммад̇д̇аго бадиж̇аанаад̇и, кид̇д̇ажид̇д̇о бадиж̇аанаад̇и, взд̣̇анааддо бадиж̇аанаад̇и, аабад̇д̇ияаа ад̣̇ассанз угкид̇д̇аго бадиж̇аанаад̇и, аабад̇д̇ияаа аббадигаммз угкид̇д̇аго бадиж̇аанаад̇и, баабигааяа д̣̇идтияаа аббадиниссаг̇г̇з угкид̇д̇аго бадиж̇аанаад̇и – д̇ассзвзд̇ам̣.
‘‘Idha pana, bhikkhave, bhikkhu navakammaṃ gahetvā pariyosite ummattako paṭijānāti, khittacitto paṭijānāti, vedanāṭṭo paṭijānāti, āpattiyā adassane ukkhittako paṭijānāti, āpattiyā appaṭikamme ukkhittako paṭijānāti, pāpikāya diṭṭhiyā appaṭinissagge ukkhittako paṭijānāti – tassevetaṃ.
‘‘ид̇ха бана, бхигкавз, бхигку навагаммам̣ г̇ахзд̇ваа барияосид̇з бан̣д̣аго бадиж̇аанаад̇и, т̇зяяасам̣ваасаго бадиж̇аанаад̇и, д̇ид̇т̇ияабагганд̇аго бадиж̇аанаад̇и, д̇иражчаанаг̇ад̇о бадиж̇аанаад̇и, маад̇угхаад̇аго бадиж̇аанаад̇и, бид̇угхаад̇аго бадиж̇аанаад̇и, араханд̇агхаад̇аго бадиж̇аанаад̇и, бхигкунийд̣̇уусаго бадиж̇аанаад̇и, сан̇гхабхзд̣̇аго бадиж̇аанаад̇и, лохид̇уббаад̣̇аго бадиж̇аанаад̇и, убхад̇об̣яан̃ж̇анаго бадиж̇аанаад̇и – сан̇гхо саамий’’д̇и.
‘‘Idha pana, bhikkhave, bhikkhu navakammaṃ gahetvā pariyosite paṇḍako paṭijānāti, theyyasaṃvāsako paṭijānāti, titthiyapakkantako paṭijānāti, tiracchānagato paṭijānāti, mātughātako paṭijānāti, pitughātako paṭijānāti, arahantaghātako paṭijānāti, bhikkhunīdūsako paṭijānāti, saṅghabhedako paṭijānāti, lohituppādako paṭijānāti, ubhatobyañjanako paṭijānāti – saṅgho sāmī’’ti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / навагаммад̣̇аанагат̇аа • Navakammadānakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / навагаммад̣̇аанагат̇ааван̣н̣анаа • Navakammadānakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / навагаммад̣̇аанагат̇ааван̣н̣анаа • Navakammadānakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / навагаммад̣̇аанагат̇ааван̣н̣анаа • Navakammadānakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / навагаммад̣̇аанагат̇аа • Navakammadānakathā
