| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā |
ਨવਕਮ੍ਮਦਾਨਕਥਾ
Navakammadānakathā
੩੨੩. ਭਣ੍ਡਿਕਾਟ੍ਠਪਨਮਤ੍ਤੇਨਾਤਿ ਦ੍વਾਰਬਾਹਾਨਂ ਉਪਰਿ ਕਪੋਤਭਣ੍ਡਿਕਯੋਜਨਮਤ੍ਤੇਨ। ਪਰਿਭਣ੍ਡਕਰਣਮਤ੍ਤੇਨਾਤਿ ਗੋਮਯਪਰਿਭਣ੍ਡਕਸਾવਪਰਿਭਣ੍ਡਕਰਣਮਤ੍ਤੇਨ। ਧੂਮਕਾਲਿਕਨ੍ਤਿ ਇਦਂ ਯਾવਸ੍ਸ ਚਿਤਕਧੂਮੋ ਨ ਪਞ੍ਞਾਯਤਿ, ਤਾવ ਅਯਂ વਿਹਾਰੋ ਏਤਸ੍ਸੇવਾਤਿ ਏવਂ ਧੂਮਕਾਲੇ ਅਪਲੋਕੇਤ੍વਾ ਕਤਪਰਿਯੋਸਿਤਂ વਿਹਾਰਂ ਦੇਨ੍ਤਿ। વਿਪ੍ਪਕਤਨ੍ਤਿ ਏਤ੍ਥ વਿਪ੍ਪਕਤੋ ਨਾਮ ਯਾવ ਗੋਪਾਨਸਿਯੋ ਨ ਆਰੋਹਨ੍ਤਿ। ਗੋਪਾਨਸੀਸੁ ਪਨ ਆਰੁਲ਼੍ਹਾਸੁ ਬਹੁਕਤੋ ਨਾਮ ਹੋਤਿ, ਤਸ੍ਮਾ ਤਤੋ ਪਟ੍ਠਾਯ ਨ ਦਾਤਬ੍ਬੋ, ਕਿਞ੍ਚਿਦੇવ ਸਮਾਦਪੇਤ੍વਾ ਕਾਰੇਸ੍ਸਤਿ। ਖੁਦ੍ਦਕੇ વਿਹਾਰੇ ਕਮ੍ਮਂ ਓਲੋਕੇਤ੍વਾ ਛਪ੍ਪਞ੍ਚવਸ੍ਸਿਕਨ੍ਤਿ ਕਮ੍ਮਂ ਓਲੋਕੇਤ੍વਾ ਚਤੁਹਤ੍ਥવਿਹਾਰੇ ਚਤੁવਸ੍ਸਿਕਂ, ਪਞ੍ਚਹਤ੍ਥੇ ਪਞ੍ਚવਸ੍ਸਿਕਂ, ਛਹਤ੍ਥੇ ਛવਸ੍ਸਿਕਂ ਦਾਤਬ੍ਬਂ। ਅਡ੍ਢਯੋਗੋ ਪਨ ਯਸ੍ਮਾ ਸਤ੍ਤਟ੍ਠਹਤ੍ਥੋ ਹੋਤਿ, ਤਸ੍ਮਾ ਏਤ੍ਥ ‘‘ਸਤ੍ਤਟ੍ਠવਸ੍ਸਿਕ’’ਨ੍ਤਿ વੁਤ੍ਤਂ। ਸਚੇ ਪਨ ਸੋ ਨવਹਤ੍ਥੋ ਹੋਤਿ ਨવવਸ੍ਸਿਕਮ੍ਪਿ ਦਾਤਬ੍ਬਂ। ਮਹਲ੍ਲਕੇ ਪਨ ਦਸਹਤ੍ਥੇ ਏਕਾਦਸਹਤ੍ਥੇ વਿਹਾਰੇ વਾ ਪਾਸਾਦੇ વਾ ਦਸવਸ੍ਸਿਕਂ વਾ ਏਕਾਦਸવਸ੍ਸਿਕਂ વਾ ਦਾਤਬ੍ਬਂ। ਦ੍વਾਦਸਹਤ੍ਥੇ ਪਨ ਤਤੋ ਅਧਿਕੇ વਾ ਲੋਹਪਾਸਾਦਸਦਿਸੇਪਿ ਦ੍વਾਦਸવਸ੍ਸਿਕਮੇવ ਦਾਤਬ੍ਬਂ, ਨ ਤਤੋ ਉਤ੍ਤਰਿ।
323.Bhaṇḍikāṭṭhapanamattenāti dvārabāhānaṃ upari kapotabhaṇḍikayojanamattena. Paribhaṇḍakaraṇamattenāti gomayaparibhaṇḍakasāvaparibhaṇḍakaraṇamattena. Dhūmakālikanti idaṃ yāvassa citakadhūmo na paññāyati, tāva ayaṃ vihāro etassevāti evaṃ dhūmakāle apaloketvā katapariyositaṃ vihāraṃ denti. Vippakatanti ettha vippakato nāma yāva gopānasiyo na ārohanti. Gopānasīsu pana āruḷhāsu bahukato nāma hoti, tasmā tato paṭṭhāya na dātabbo, kiñcideva samādapetvā kāressati. Khuddake vihāre kammaṃ oloketvā chappañcavassikanti kammaṃ oloketvā catuhatthavihāre catuvassikaṃ, pañcahatthe pañcavassikaṃ, chahatthe chavassikaṃ dātabbaṃ. Aḍḍhayogo pana yasmā sattaṭṭhahattho hoti, tasmā ettha ‘‘sattaṭṭhavassika’’nti vuttaṃ. Sace pana so navahattho hoti navavassikampi dātabbaṃ. Mahallake pana dasahatthe ekādasahatthe vihāre vā pāsāde vā dasavassikaṃ vā ekādasavassikaṃ vā dātabbaṃ. Dvādasahatthe pana tato adhike vā lohapāsādasadisepi dvādasavassikameva dātabbaṃ, na tato uttari.
ਨવਕਮ੍ਮਿਕੋ ਭਿਕ੍ਖੁ ਅਨ੍ਤੋવਸ੍ਸੇ ਤਂ ਆવਾਸਂ ਲਭਤਿ, ਉਤੁਕਾਲੇ ਪਟਿਬਾਹਿਤੁਂ ਨ ਲਭਤਿ। ਸਚੇ ਸੋ ਆવਾਸੋ ਜੀਰਤਿ, ਆવਾਸਸਾਮਿਕਸ੍ਸ વਾ ਤਸ੍ਸ વਂਸੇ ਉਪ੍ਪਨ੍ਨਸ੍ਸ વਾ ਕਸ੍ਸਚਿ ਕਥੇਤਬ੍ਬਂ – ‘‘ਆવਾਸੋ ਤੇ ਨਸ੍ਸਤਿ, ਜਗ੍ਗਥ ਏਤਂ ਆવਾਸ’’ਨ੍ਤਿ। ਸਚੇ ਸੋ ਨ ਸਕ੍ਕੋਤਿ, ਭਿਕ੍ਖੂਹਿ ਞਾਤੀ વਾ ਉਪਟ੍ਠਾਕੇ વਾ ਸਮਾਦਪੇਤ੍વਾ ਜਗ੍ਗਿਤਬ੍ਬੋ। ਸਚੇ ਤੇਪਿ ਨ ਸਕ੍ਕੋਨ੍ਤਿ, ਸਙ੍ਘਿਕੇਨ ਪਚ੍ਚਯੇਨ ਜਗ੍ਗਿਤਬ੍ਬੋ। ਤਸ੍ਮਿਮ੍ਪਿ ਅਸਤਿ ਏਕਂ ਆવਾਸਂ વਿਸ੍ਸਜ੍ਜੇਤ੍વਾ ਅવਸੇਸਾ ਜਗ੍ਗਿਤਬ੍ਬਾ। ਬਹੂ વਿਸ੍ਸਜ੍ਜੇਤ੍વਾ ਏਕਂ ਸਣ੍ਠਾਪੇਤੁਮ੍ਪਿ વਟ੍ਟਤਿਯੇવ।
Navakammiko bhikkhu antovasse taṃ āvāsaṃ labhati, utukāle paṭibāhituṃ na labhati. Sace so āvāso jīrati, āvāsasāmikassa vā tassa vaṃse uppannassa vā kassaci kathetabbaṃ – ‘‘āvāso te nassati, jaggatha etaṃ āvāsa’’nti. Sace so na sakkoti, bhikkhūhi ñātī vā upaṭṭhāke vā samādapetvā jaggitabbo. Sace tepi na sakkonti, saṅghikena paccayena jaggitabbo. Tasmimpi asati ekaṃ āvāsaṃ vissajjetvā avasesā jaggitabbā. Bahū vissajjetvā ekaṃ saṇṭhāpetumpi vaṭṭatiyeva.
ਦੁਬ੍ਭਿਕ੍ਖੇ ਭਿਕ੍ਖੂਸੁ ਪਕ੍ਕਨ੍ਤੇਸੁ ਸਬ੍ਬੇ ਆવਾਸਾ ਨਸ੍ਸਨ੍ਤਿ, ਤਸ੍ਮਾ ਏਕਂ વਾ ਦ੍વੇ વਾ ਤਯੋ વਾ ਆવਾਸੇ વਿਸ੍ਸਜ੍ਜੇਤ੍વਾ ਤਤੋ ਯਾਗੁਭਤ੍ਤਚੀવਰਾਦੀਨਿ ਪਰਿਭੁਞ੍ਜਨ੍ਤੇਹਿ ਸੇਸਾવਾਸਾ ਜਗ੍ਗਿਤਬ੍ਬਾਯੇવ। ਕੁਰੁਨ੍ਦਿਯਂ ਪਨ વੁਤ੍ਤਂ ‘‘ਸਙ੍ਘਿਕੇ ਪਚ੍ਚਯੇ ਅਸਤਿ ਏਕੋ ਭਿਕ੍ਖੁ ‘ਤੁਯ੍ਹਂ ਏਕਂ ਮਞ੍ਚਟ੍ਠਾਨਂ ਗਹੇਤ੍વਾ ਜਗ੍ਗਾਹੀ’ਤਿ વਤ੍ਤਬ੍ਬੋ। ਸਚੇ ਬਹੁਤਰਂ ਇਚ੍ਛਤਿ, ਤਿਭਾਗਂ વਾ ਉਪਡ੍ਢਭਾਗਂ વਾ ਦਤ੍વਾਪਿ ਜਗ੍ਗਾਪੇਤਬ੍ਬਂ। ਅਥ ‘ਥਮ੍ਭਮਤ੍ਤਮੇવੇਤ੍ਥ ਅવਸਿਟ੍ਠਂ, ਬਹੁਕਮ੍ਮਂ ਕਾਤਬ੍ਬ’ਨ੍ਤਿ ਨ ਇਚ੍ਛਤਿ, ‘ਤੁਯ੍ਹਂ ਪੁਗ੍ਗਲਿਕਮੇવ ਕਤ੍વਾ ਜਗ੍ਗ; ਏવਮ੍ਪਿ ਹਿ ਸਙ੍ਘਸ੍ਸ ਭਣ੍ਡਕਟ੍ਠਪਨਟ੍ਠਾਨਂ ਨવਕਾਨਞ੍ਚ વਸਨਟ੍ਠਾਨਂ ਲਭਿਸ੍ਸਤੀ’ਤਿ ਜਗ੍ਗਾਪੇਤਬ੍ਬੋ। ਏવਂ ਜਗ੍ਗਿਤੋ ਪਨ ਤਸ੍ਮਿਂ ਜੀવਨ੍ਤੇ ਪੁਗ੍ਗਲਿਕੋ ਹੋਤਿ, ਮਤੇ ਸਙ੍ਘਿਕੋਯੇવ । ਸਚੇ ਸਦ੍ਧਿવਿਹਾਰਿਕਾਨਂ ਦਾਤੁਕਾਮੋ ਹੋਤਿ, ਕਮ੍ਮਂ ਓਲੋਕੇਤ੍વਾ ਤਿਭਾਗਂ વਾ ਉਪਡ੍ਢਂ વਾ ਪੁਗ੍ਗਲਿਕਂ ਕਤ੍વਾ ਜਗ੍ਗਾਪੇਤਬ੍ਬੋ। ਏવਞ੍ਹਿ ਸਦ੍ਧਿવਿਹਾਰਿਕਾਨਂ ਦਾਤੁਂ ਲਭਤਿ। ਏવਂ ਜਗ੍ਗਨਕੇ ਪਨ ਅਸਤਿ ‘ਏਕਂ ਆવਾਸਂ વਿਸ੍ਸਜ੍ਜੇਤ੍વਾ’ਤਿਆਦਿਨਾ ਨਯੇਨ ਜਗ੍ਗਾਪੇਤਬ੍ਬੋ’’ਤਿ।
Dubbhikkhe bhikkhūsu pakkantesu sabbe āvāsā nassanti, tasmā ekaṃ vā dve vā tayo vā āvāse vissajjetvā tato yāgubhattacīvarādīni paribhuñjantehi sesāvāsā jaggitabbāyeva. Kurundiyaṃ pana vuttaṃ ‘‘saṅghike paccaye asati eko bhikkhu ‘tuyhaṃ ekaṃ mañcaṭṭhānaṃ gahetvā jaggāhī’ti vattabbo. Sace bahutaraṃ icchati, tibhāgaṃ vā upaḍḍhabhāgaṃ vā datvāpi jaggāpetabbaṃ. Atha ‘thambhamattamevettha avasiṭṭhaṃ, bahukammaṃ kātabba’nti na icchati, ‘tuyhaṃ puggalikameva katvā jagga; evampi hi saṅghassa bhaṇḍakaṭṭhapanaṭṭhānaṃ navakānañca vasanaṭṭhānaṃ labhissatī’ti jaggāpetabbo. Evaṃ jaggito pana tasmiṃ jīvante puggaliko hoti, mate saṅghikoyeva . Sace saddhivihārikānaṃ dātukāmo hoti, kammaṃ oloketvā tibhāgaṃ vā upaḍḍhaṃ vā puggalikaṃ katvā jaggāpetabbo. Evañhi saddhivihārikānaṃ dātuṃ labhati. Evaṃ jagganake pana asati ‘ekaṃ āvāsaṃ vissajjetvā’tiādinā nayena jaggāpetabbo’’ti.
ਇਦਮ੍ਪਿ ਚ ਅਞ੍ਞਂ ਤਤ੍ਥੇવ વੁਤ੍ਤਂ – ਦ੍વੇ ਭਿਕ੍ਖੂ ਸਙ੍ਘਿਕਂ ਭੂਮਿਂ ਗਹੇਤ੍વਾ ਸੋਧੇਤ੍વਾ ਸਙ੍ਘਿਕਂ ਸੇਨਾਸਨਂ ਕਰੋਨ੍ਤਿ। ਯੇਨ ਸਾ ਭੂਮਿ ਪਠਮਂ ਗਹਿਤਾ, ਸੋ ਸਾਮੀ। ਉਭੋਪਿ ਪੁਗ੍ਗਲਿਕਂ ਕਰੋਨ੍ਤਿ, ਸੋਯੇવ ਸਾਮੀ। ਸੋ ਸਙ੍ਘਿਕਂ ਕਰੋਤਿ, ਇਤਰੋ ਪੁਗ੍ਗਲਿਕਂ ਕਰੋਤਿ, ਅਞ੍ਞਂ ਚੇ ਬਹੁਂ ਸੇਨਾਸਨਟ੍ਠਾਨਂ ਅਤ੍ਥਿ , ਪੁਗ੍ਗਲਿਕਂ ਕਰੋਨ੍ਤੋਪਿ ਨ વਾਰੇਤਬ੍ਬੋ। ਅਞ੍ਞਸ੍ਮਿਂ ਪਨ ਤਾਦਿਸੇ ਪਟਿਰੂਪੇ ਠਾਨੇ ਅਸਤਿ ਤਂ ਪਟਿਬਾਹਿਤ੍વਾ ਸਙ੍ਘਿਕਂ ਕਰੋਨ੍ਤੇਨੇવ ਕਾਤਬ੍ਬਂ। ਯਂ ਪਨ ਤਸ੍ਸ ਤਤ੍ਥ વਯਕਮ੍ਮਂ ਕਤਂ, ਤਂ ਦਾਤਬ੍ਬਂ। ਸਚੇ ਪਨ ਕਤਾવਾਸੇ વਾ ਆવਾਸਕਰਣਟ੍ਠਾਨੇ વਾ ਛਾਯੂਪਗਫਲੂਪਗਰੁਕ੍ਖਾ ਹੋਨ੍ਤਿ, ਅਪਲੋਕੇਤ੍વਾ ਹਾਰੇਤਬ੍ਬਾ। ਪੁਗ੍ਗਲਿਕਾ ਚੇ ਹੋਨ੍ਤਿ, ਸਾਮਿਕਾ ਆਪੁਚ੍ਛਿਤਬ੍ਬਾ; ਨੋ ਚੇ ਦੇਨ੍ਤਿ, ਯਾવਤਤਿਯਂ ਆਪੁਚ੍ਛਿਤ੍વਾ ‘‘ਰੁਕ੍ਖਅਗ੍ਘਨਕਮੂਲਂ ਦਸ੍ਸਾਮਾ’’ਤਿ ਹਾਰੇਤਬ੍ਬਾ।
Idampi ca aññaṃ tattheva vuttaṃ – dve bhikkhū saṅghikaṃ bhūmiṃ gahetvā sodhetvā saṅghikaṃ senāsanaṃ karonti. Yena sā bhūmi paṭhamaṃ gahitā, so sāmī. Ubhopi puggalikaṃ karonti, soyeva sāmī. So saṅghikaṃ karoti, itaro puggalikaṃ karoti, aññaṃ ce bahuṃ senāsanaṭṭhānaṃ atthi , puggalikaṃ karontopi na vāretabbo. Aññasmiṃ pana tādise paṭirūpe ṭhāne asati taṃ paṭibāhitvā saṅghikaṃ karonteneva kātabbaṃ. Yaṃ pana tassa tattha vayakammaṃ kataṃ, taṃ dātabbaṃ. Sace pana katāvāse vā āvāsakaraṇaṭṭhāne vā chāyūpagaphalūpagarukkhā honti, apaloketvā hāretabbā. Puggalikā ce honti, sāmikā āpucchitabbā; no ce denti, yāvatatiyaṃ āpucchitvā ‘‘rukkhaagghanakamūlaṃ dassāmā’’ti hāretabbā.
ਯੋ ਪਨ ਸਙ੍ਘਿਕવਲ੍ਲਿਮਤ੍ਤਮ੍ਪਿ ਅਗ੍ਗਹੇਤ੍વਾ ਆਹਰਿਮੇਨ ਉਪਕਰਣੇਨ ਸਙ੍ਘਿਕਾਯ ਭੂਮਿਯਾ ਪੁਗ੍ਗਲਿਕવਿਹਾਰਂ ਕਾਰੇਤਿ, ਉਪਡ੍ਢਂ ਸਙ੍ਘਿਕਂ ਹੋਤਿ; ਉਪਡ੍ਢਂ ਪੁਗ੍ਗਲਿਕਂ। ਪਾਸਾਦੋ ਚੇ ਹੋਤਿ, ਹੇਟ੍ਠਾਪਾਸਾਦੋ ਸਙ੍ਘਿਕੋ; ਉਪਰਿ ਪੁਗ੍ਗਲਿਕੋ। ਸਚੇ ਸੋ ਹੇਟ੍ਠਾਪਾਸਾਦਂ ਇਚ੍ਛਤਿ, ਤਸ੍ਸ ਹੋਤਿ। ਅਥ ਹੇਟ੍ਠਾ ਚ ਉਪਰਿ ਚ ਇਚ੍ਛਤਿ, ਉਭਯਤ੍ਥ ਉਪਡ੍ਢਂ ਲਭਤਿ। ਦ੍વੇ ਸੇਨਾਸਨਾਨਿ ਕਾਰੇਤਿ – ਏਕਂ ਸਙ੍ਘਿਕਂ, ਏਕਂ ਪੁਗ੍ਗਲਿਕਂ। ਸਚੇ વਿਹਾਰੇ ਉਟ੍ਠਿਤੇਨ ਦਬ੍ਬਸਮ੍ਭਾਰੇਨ ਕਾਰੇਤਿ, ਤਤਿਯਭਾਗਂ ਲਭਤਿ। ਸਚੇ ਅਕਤਟ੍ਠਾਨੇ ਚਯਂ વਾ ਪਮੁਖਂ વਾ ਕਰੋਤਿ, ਬਹਿਕੁਟ੍ਟੇ ਉਪਡ੍ਢਂ ਸਙ੍ਘਸ੍ਸ, ਉਪਡ੍ਢਂ ਤਸ੍ਸ। ਅਥ ਮਹਨ੍ਤਂ વਿਸਮਂ ਪੂਰੇਤ੍વਾ ਅਪਦੇ ਪਦਂ ਦਸ੍ਸੇਤ੍વਾ ਕਤਂ ਹੋਤਿ, ਅਨਿਸ੍ਸਰੋ ਤਤ੍ਥ ਸਙ੍ਘੋ।
Yo pana saṅghikavallimattampi aggahetvā āharimena upakaraṇena saṅghikāya bhūmiyā puggalikavihāraṃ kāreti, upaḍḍhaṃ saṅghikaṃ hoti; upaḍḍhaṃ puggalikaṃ. Pāsādo ce hoti, heṭṭhāpāsādo saṅghiko; upari puggaliko. Sace so heṭṭhāpāsādaṃ icchati, tassa hoti. Atha heṭṭhā ca upari ca icchati, ubhayattha upaḍḍhaṃ labhati. Dve senāsanāni kāreti – ekaṃ saṅghikaṃ, ekaṃ puggalikaṃ. Sace vihāre uṭṭhitena dabbasambhārena kāreti, tatiyabhāgaṃ labhati. Sace akataṭṭhāne cayaṃ vā pamukhaṃ vā karoti, bahikuṭṭe upaḍḍhaṃ saṅghassa, upaḍḍhaṃ tassa. Atha mahantaṃ visamaṃ pūretvā apade padaṃ dassetvā kataṃ hoti, anissaro tattha saṅgho.
ਏਕਂ વਰਸੇਯ੍ਯਨ੍ਤਿ ਏਤ੍ਥ ਨવਕਮ੍ਮਦਾਨਟ੍ਠਾਨੇ વਾ વਸ੍ਸਗ੍ਗੇਨ ਪਤ੍ਤਟ੍ਠਾਨੇ વਾ ਯਂ ਇਚ੍ਛਤਿ, ਤਂ ਏਕਂ વਰਸੇਯ੍ਯਂ ਅਨੁਜਾਨਾਮੀਤਿ ਅਤ੍ਥੋ।
Ekaṃvaraseyyanti ettha navakammadānaṭṭhāne vā vassaggena pattaṭṭhāne vā yaṃ icchati, taṃ ekaṃ varaseyyaṃ anujānāmīti attho.
ਪਰਿਯੋਸਿਤੇ ਪਕ੍ਕਮਤਿ ਤਸ੍ਸੇવੇਤਨ੍ਤਿ ਪੁਨ ਆਗਨ੍ਤ੍વਾ વਸਨ੍ਤਸ੍ਸ ਅਨ੍ਤੋવਸ੍ਸਂ ਤਸ੍ਸੇવ ਤਂ; ਅਨਾਗਚ੍ਛਨ੍ਤਸ੍ਸ ਪਨ ਸਦ੍ਧਿવਿਹਾਰਿਕਾਦਯੋ ਗਹੇਤੁਂ ਨ ਲਭਨ੍ਤਿ।
Pariyosite pakkamati tassevetanti puna āgantvā vasantassa antovassaṃ tasseva taṃ; anāgacchantassa pana saddhivihārikādayo gahetuṃ na labhanti.
ਨવਕਮ੍ਮਦਾਨਕਥਾ ਨਿਟ੍ਠਿਤਾ।
Navakammadānakathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ਨવਕਮ੍ਮਦਾਨਕਥਾ • Navakammadānakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਨવਕਮ੍ਮਦਾਨਕਥਾવਣ੍ਣਨਾ • Navakammadānakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਨવਕਮ੍ਮਦਾਨਕਥਾવਣ੍ਣਨਾ • Navakammadānakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਨવਕਮ੍ਮਦਾਨਕਥਾવਣ੍ਣਨਾ • Navakammadānakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਨવਕਮ੍ਮਦਾਨਕਥਾ • Navakammadānakathā
