| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
ਨવਕਮ੍ਮਦਾਨਕਥਾ
Navakammadānakathā
੩੨੩. ਭਣ੍ਡਿਕਾਟ੍ਠਪਨਮਤ੍ਤੇਨਾਤਿ ਏਤ੍ਥ ਭਣ੍ਡਿਕਾਟ੍ਠਪਨਂ ਨਾਮ ਭਣ੍ਡਿਕਯੋਜਨਨ੍ਤਿ ਆਹ ‘‘ਕਪੋਤਭਣ੍ਡਿਕਯੋਜਨਮਤ੍ਤੇਨਾ’’ਤਿ। ਅਸ੍ਸਾਤਿ ਭਿਕ੍ਖੁਸ੍ਸ। ਚਿਤਕਧੂਮੋਤਿ ਚਿਤਕੇ ਉਟ੍ਠਿਤੋ ਧੂਮੋ। ਏਤਸ੍ਸੇવਾਤਿ ਭਿਕ੍ਖੁਸ੍ਸ ਏવ વਿਹਾਰੋਤਿ ਸਮ੍ਬਨ੍ਧੋ। ਧੂਮਕਾਲੇਤਿ ਧੂਮਸ੍ਸ ਉਟ੍ਠਿਤਕਾਲੇ। ‘‘ਅਪਲੋਕੇਤ੍વਾ’’ਤਿ ਇਮਿਨਾ ਧੂਮਕਾਲੇ ਅਪਲੋਕਿਤਂ ਧੂਮਕਾਲਿਕਂ। ਧੂਮਕਾਲਿਕਂ ਹੁਤ੍વਾਤਿ ਅਤ੍ਥਯੋਜਨਂ ਕਤ੍વਾ ਪਾਲ਼ਿਯਂ ‘‘ਪਰਿਯੋਸਿਤવਿਹਾਰ’’ਨ੍ਤਿ ਪਦੇਨ ਸਮ੍ਬਨ੍ਧਿਤਬ੍ਬਭਾવਂ ਦਸ੍ਸੇਤਿ। ਕਤਪਰਿਯੋਸਿਤવਿਹਾਰਨ੍ਤਿ ਕਤਪਰਿਯੋਸਿਤੋ વਿਹਾਰੋ ਇਮਸ੍ਸ ਨવਕਮ੍ਮਸ੍ਸਾਤਿ ਕਤਪਰਿਯੋਸਿਤવਿਹਾਰਂ। ਇਦਂ ਨવਕਮ੍ਮਂ ਦੇਨ੍ਤੀਤਿ ਸਮ੍ਬਨ੍ਧੋ। ਯਾવ ਗੋਪਾਨਸਿਯੋ ਨ ਆਰੋਹਨ੍ਤਿ, ਤਾવ વਿਪ੍ਪਕਤੋ ਨਾਮਾਤਿ ਯੋਜਨਾ। ਤਤੋਤਿ ਗੋਪਾਨਸਿਆਰੋਹਨਤੋ। ਕਞ੍ਚਿਦੇવ ਸਮਾਦਪੇਤ੍વਾ ਕਾਰੇਸ੍ਸਤੀਤਿ વਿਹਾਰਸਾਮਿਕੋਯੇવ ਕਞ੍ਚਿ ਭਿਕ੍ਖੁਂਸਮਾਦਪੇਤ੍વਾ ਕਾਰੇਸ੍ਸਤਿ। ਪਞ੍ਚਹਤ੍ਥੇ વਿਹਾਰੇਤਿ ਸਮ੍ਬਨ੍ਧੋ। ਛવਸ੍ਸਿਕਂ ਨવਕਮ੍ਮਨ੍ਤਿ ਸਮ੍ਬਨ੍ਧੋ। ਏਤ੍ਥਾਤਿ ਅਡ੍ਢਯੋਗੇ। ਸੋਤਿ ਅਡ੍ਢਯੋਗੋ। ਮਹਲ੍ਲਕਂ ਨਿਯਾਮੇਤ੍વਾ ਦਸ੍ਸੇਨ੍ਤੋ ਆਹ ‘‘ਦਸਹਤ੍ਥੇ ਏਕਾਦਸਹਤ੍ਥੇ’’ਤਿ। ਦਸવਸ੍ਸਿਕਂ વਾ ਏਕਾਦਸવਸ੍ਸਿਕਂ વਾ ਨવਕਮ੍ਮਨ੍ਤਿ ਸਮ੍ਬਨ੍ਧੋ। ਤਤੋਤਿ ਦ੍વਾਦਸਹਤ੍ਥਤੋ। ਲੋਹਪਾਸਾਦਸਦਿਸੇਪਿ ਪਾਸਾਦੇਤਿ ਸਮ੍ਬਨ੍ਧੋ। ਤਤੋਤਿ ਦ੍વਾਦਸવਸ੍ਸਿਕਨવਕਮ੍ਮਤੋ।
323.Bhaṇḍikāṭṭhapanamattenāti ettha bhaṇḍikāṭṭhapanaṃ nāma bhaṇḍikayojananti āha ‘‘kapotabhaṇḍikayojanamattenā’’ti. Assāti bhikkhussa. Citakadhūmoti citake uṭṭhito dhūmo. Etassevāti bhikkhussa eva vihāroti sambandho. Dhūmakāleti dhūmassa uṭṭhitakāle. ‘‘Apaloketvā’’ti iminā dhūmakāle apalokitaṃ dhūmakālikaṃ. Dhūmakālikaṃ hutvāti atthayojanaṃ katvā pāḷiyaṃ ‘‘pariyositavihāra’’nti padena sambandhitabbabhāvaṃ dasseti. Katapariyositavihāranti katapariyosito vihāro imassa navakammassāti katapariyositavihāraṃ. Idaṃ navakammaṃ dentīti sambandho. Yāva gopānasiyo na ārohanti, tāva vippakato nāmāti yojanā. Tatoti gopānasiārohanato. Kañcideva samādapetvā kāressatīti vihārasāmikoyeva kañci bhikkhuṃsamādapetvā kāressati. Pañcahatthe vihāreti sambandho. Chavassikaṃ navakammanti sambandho. Etthāti aḍḍhayoge. Soti aḍḍhayogo. Mahallakaṃ niyāmetvā dassento āha ‘‘dasahatthe ekādasahatthe’’ti. Dasavassikaṃ vā ekādasavassikaṃ vā navakammanti sambandho. Tatoti dvādasahatthato. Lohapāsādasadisepi pāsādeti sambandho. Tatoti dvādasavassikanavakammato.
ਨવਕਮ੍ਮਿਕੋਤਿ ਨવਕਮ੍ਮੇ ਯੁਤ੍ਤਪਯੁਤ੍ਤੋ। ਉਤੁਕਾਲੇਤਿ ਹੇਮਨ੍ਤਗਿਮ੍ਹਕਾਲੇ। ਪਟਿਬਾਹਿਤੁਨ੍ਤਿ ਅਞ੍ਞੇਸਂ ਸਮ੍ਪਤ੍ਤਭਿਕ੍ਖੂਨਂ ਪਟਿਸੇਧੇਤੁਂ। ਆવਾਸਸਾਮਿਕਸ੍ਸਾਤਿ ਆવਾਸਦਾਯਕਸ੍ਸ। ਤਸ੍ਸਾਤਿ ਆવਾਸਸਾਮਿਕਸ੍ਸ। વਂਸੇਤਿ ਅਨ੍વਯੇ। ਤੇਤਿ ਤવ। ਸੋਤਿ ਆવਾਸਸਾਮਿਆਦਿਕੋ। ਭਿਕ੍ਖੂਹਿ ਜਗ੍ਗਿਤਬ੍ਬੋਤਿ ਸਮ੍ਬਨ੍ਧੋ। ਤੇਪੀਤਿ ਞਾਤਿਉਪਟ੍ਠਾਕਾਪਿ। ਤਸ੍ਮਿਮ੍ਪੀਤਿ ਸਙ੍ਘਿਕਪਚ੍ਚਯੇਪਿ। ਬਹੂ ਆવਾਸੇਤਿ ਸਮ੍ਬਨ੍ਧੋ। ਏਕਂ ਆવਾਸਨ੍ਤਿ ਯੋਜਨਾ।
Navakammikoti navakamme yuttapayutto. Utukāleti hemantagimhakāle. Paṭibāhitunti aññesaṃ sampattabhikkhūnaṃ paṭisedhetuṃ. Āvāsasāmikassāti āvāsadāyakassa. Tassāti āvāsasāmikassa. Vaṃseti anvaye. Teti tava. Soti āvāsasāmiādiko. Bhikkhūhi jaggitabboti sambandho. Tepīti ñātiupaṭṭhākāpi. Tasmimpīti saṅghikapaccayepi. Bahū āvāseti sambandho. Ekaṃ āvāsanti yojanā.
ਏਕਂ વਾ ਆવਾਸਨ੍ਤਿ ਸਮ੍ਬਨ੍ਧੋ। ਤਤੋਤਿ વਿਸਜ੍ਜਿਤਾવਾਸੇਹਿ, ਉਪ੍ਪਨ੍ਨਾਨੀਤਿ ਸਮ੍ਬਨ੍ਧੋ। ਕੁਰੁਨ੍ਦਿਯਂ ਪਨ વੁਤ੍ਤਂ, ਕਿਨ੍ਤਿ વੁਤ੍ਤਨ੍ਤਿ ਯੋਜਨਾ। ਏਕਂ ਮਞ੍ਚਟ੍ਠਾਨਂ ਗਹੇਤ੍વਾਤਿ ਏਕਂ ਮਞ੍ਚਟ੍ਠਾਨਂ ਪੁਗ੍ਗਲਿਕਭਾવੇਨ ਗਹੇਤ੍વਾ। ਤਿਭਾਗਨ੍ਤਿ ਤਤਿਯਭਾਗਂ। ਅਯਮੇવ વਾ ਪਾਠੋ। ਏਤ੍ਥਾਤਿ ਨਟ੍ਠવਿਹਾਰੇ। ਪੁਗ੍ਗਲਿਕਮੇવਾਤਿ ਪੁਗ੍ਗਲਿਕਂ ਏવ, ਪੁਗ੍ਗਲਿਕਂ ਇવ વਾ। ਜਗ੍ਗਾਤਿ ਜਗ੍ਗਾਹਿ। ਹੀਤਿ ਫਲਜੋਤਕੋ। ਏવਂ ਜਗ੍ਗਿਤੋ ਪਨਾਤਿ ਏવਂ ਜਗ੍ਗਿਤੋ વਿਹਾਰੋ ਪਨ। ਤਸ੍ਮਿਨ੍ਤਿ ਜਗ੍ਗਨ੍ਤੇ। ਸਦ੍ਧਿવਿਹਾਰਿਕਾਦੀਨਂ ਦਾਤੁਕਾਮੋ ਹੋਤੀਤਿ ਸਙ੍ਘਸ੍ਸ ਭਣ੍ਡਟ੍ਠਪਨਂ વਾ ਨવਕਾਨਂ વਸਨਟ੍ਠਾਨਂ વਾ ਅਦਤ੍વਾ ਅਤ੍ਤਨੋਯੇવ ਸਦ੍ਧਿવਿਹਾਰਿਕਾਦੀਨਂ ਦਾਤੁਕਾਮੋ ਹੋਤਿ। ਸਦ੍ਧਿવਿਹਾਰਿਕਾਦੀਨਂ ਦਾਤੁਂ ਲਬ੍ਭਤੀਤਿ ਸਬ੍ਬવਿਹਾਰਂ ਪੁਗ੍ਗਲਿਕਭਾવੇਨ ਅਗ੍ਗਹੇਤ੍વਾ ਏਕਦੇਸਸ੍ਸੇવ ਗਹਿਤਤ੍ਤਾ ਸਦ੍ਧਿવਿਹਾਰਿਕਾਦੀਨਂ ਦਾਤੁਂ ਲਬ੍ਭਤੀਤਿ ਅਤ੍ਥੋ। ਜਗ੍ਗਾਪੇਤਬ੍ਬੋ ਇਤਿ વੁਤ੍ਤਨ੍ਤਿ ਯੋਜਨਾ। ਏਤ੍ਥ ‘‘વੁਤ੍ਤ’’ਨ੍ਤਿ ਪਾਠੋ ਅਤ੍ਥਿ, ਸੋ ਅਪਾਠੋਯੇવ ‘‘ਕੁਰੁਨ੍ਦਿਯਂ ਪਨ વੁਤ੍ਤ’’ਨ੍ਤਿ ਪਦਸ੍ਸ ਆਕਾਰਤ੍ਤਾ।
Ekaṃ vā āvāsanti sambandho. Tatoti visajjitāvāsehi, uppannānīti sambandho. Kurundiyaṃ pana vuttaṃ, kinti vuttanti yojanā. Ekaṃ mañcaṭṭhānaṃ gahetvāti ekaṃ mañcaṭṭhānaṃ puggalikabhāvena gahetvā. Tibhāganti tatiyabhāgaṃ. Ayameva vā pāṭho. Etthāti naṭṭhavihāre. Puggalikamevāti puggalikaṃ eva, puggalikaṃ iva vā. Jaggāti jaggāhi. Hīti phalajotako. Evaṃ jaggito panāti evaṃ jaggito vihāro pana. Tasminti jaggante. Saddhivihārikādīnaṃ dātukāmo hotīti saṅghassa bhaṇḍaṭṭhapanaṃ vā navakānaṃ vasanaṭṭhānaṃ vā adatvā attanoyeva saddhivihārikādīnaṃ dātukāmo hoti. Saddhivihārikādīnaṃ dātuṃ labbhatīti sabbavihāraṃ puggalikabhāvena aggahetvā ekadesasseva gahitattā saddhivihārikādīnaṃ dātuṃ labbhatīti attho. Jaggāpetabbo iti vuttanti yojanā. Ettha ‘‘vutta’’nti pāṭho atthi, so apāṭhoyeva ‘‘kurundiyaṃ pana vutta’’nti padassa ākārattā.
ਅਞ੍ਞਂ ਇਦਮ੍ਪਿ ਚ વਕ੍ਖਮਾਨવਚਨਂ ਤਤ੍ਥੇવ ਕੁਰੁਨ੍ਦਿਯਂ વੁਤ੍ਤਨ੍ਤਿ ਯੋਜਨਾ। ਕਿਨ੍ਤਿ વੁਤ੍ਤਨ੍ਤਿ ਆਹ ‘‘ਦ੍વੇ ਭਿਕ੍ਖੂ’’ਤਿਆਦਿ। ਦ੍વੇ ਭਿਕ੍ਖੂ ਕਰੋਨ੍ਤੀਤਿ ਸਮ੍ਬਨ੍ਧੋ। ਯੇਨਾਤਿ ਭਿਕ੍ਖੁਨਾ। ਸੋਯੇવ ਸਾਮੀਤਿ ਯੇਨ ਸਾ ਭੂਮਿ ਪਠਮਂ ਗਹਿਤਾ, ਸੋਯੇવ ਸਾਮੀਤਿ ਅਤ੍ਥੋ। ਪਤਿਰੂਪੇ ਠਾਨੇਤਿ ਪਤਿਰੂਪੇ ਸੇਨਾਸਨਟ੍ਠਾਨੇ। ਤਨ੍ਤਿ ਪੁਗ੍ਗਲਿਕਕਰਣਂ। ਯਂ ਪਨ વਯਕਮ੍ਮਨ੍ਤਿ ਯੋਜਨਾ। ਏਤ੍ਥ ਚ વਯਕਮ੍ਮਨ੍ਤਿ ਤਸ੍ਮਿਂ વਿਹਾਰੇ ਕਤਸ੍ਸ ਕਮ੍ਮਸ੍ਸ ਮੂਲਂ। વਿਹਾਰਸ੍ਸ ਮੂਲਂ ਦਾਤਬ੍ਬਨ੍ਤਿ વੁਤ੍ਤਂ ਹੋਤਿ। ਤਸ੍ਸਾਤਿ ਸਙ੍ਘਿਕਂ ਕਰੋਨ੍ਤਸ੍ਸ। ਤਤ੍ਥੇવਾਤਿ ਕਤવਿਹਾਰੇ ਏવ। ਕਤਾવਾਸੇਤਿ ਸਮੀਪਤ੍ਥੇ ਭੁਮ੍ਮવਚਨਂ, ਕਤਾવਾਸਸਮੀਪੇਤਿ વੁਤ੍ਤਂ ਹੋਤਿ। ਛਾਯੂਪਗਫਲੂਪਗਾਤਿ ਛਾਯਂ ਉਪਗਚ੍ਛਨ੍ਤਾ ਚ ਫਲਂ ਉਪਗਚ੍ਛਨ੍ਤਾ ਚ, ਛਾਯਾਫਲਾਨਿ ਉਪਹਰਨ੍ਤਾਤਿ ਅਤ੍ਥੋ। ਅਪਲੋਕੇਤ੍વਾਤਿ ਸਙ੍ਘਂ ਅਪਲੋਕੇਤ੍વਾ। ਸਾਮਿਕਾਤਿ ਰੁਕ੍ਖਸਾਮਿਕਾ। ਹਾਰੇਤਬ੍ਬਾਤਿ ਅਪਨੇਤਬ੍ਬਾ।
Aññaṃ idampi ca vakkhamānavacanaṃ tattheva kurundiyaṃ vuttanti yojanā. Kinti vuttanti āha ‘‘dve bhikkhū’’tiādi. Dve bhikkhū karontīti sambandho. Yenāti bhikkhunā. Soyeva sāmīti yena sā bhūmi paṭhamaṃ gahitā, soyeva sāmīti attho. Patirūpe ṭhāneti patirūpe senāsanaṭṭhāne. Tanti puggalikakaraṇaṃ. Yaṃ pana vayakammanti yojanā. Ettha ca vayakammanti tasmiṃ vihāre katassa kammassa mūlaṃ. Vihārassa mūlaṃ dātabbanti vuttaṃ hoti. Tassāti saṅghikaṃ karontassa. Tatthevāti katavihāre eva. Katāvāseti samīpatthe bhummavacanaṃ, katāvāsasamīpeti vuttaṃ hoti. Chāyūpagaphalūpagāti chāyaṃ upagacchantā ca phalaṃ upagacchantā ca, chāyāphalāni upaharantāti attho. Apaloketvāti saṅghaṃ apaloketvā. Sāmikāti rukkhasāmikā. Hāretabbāti apanetabbā.
‘‘ਸਙ੍ਘਿਕવਲ੍ਲਿਮਤ੍ਤਮ੍ਪਿ ਅਗ੍ਗਹੇਤ੍વਾ’’ਤਿ ਇਮਿਨਾ ਸਙ੍ਘਿਕਂ ਗਹੇਤ੍વਾ ਸਙ੍ਘਿਕਾਯ ਭੂਮਿਯਾ ਸਚੇ વਿਹਾਰਂ ਕਰੋਤਿ, ਸਙ੍ਘਿਕਮੇવਾਤਿ ਦਸ੍ਸੇਤਿ। ਦ੍વਿਭੂਮਕਤਿਭੂਮਕਾਦੀਸੁ ਪਾਸਾਦੇਸੁ ਉਪਡ੍ਢਭਾਗਂ ਦਸ੍ਸੇਨ੍ਤੋ ਆਹ ‘‘ਪਾਸਾਦੋ ਚੇવ ਹੋਤੀ’’ਤਿਆਦਿ। ਉਪਰਿ ਪਾਸਾਦੋਤਿ ਸਮ੍ਬਨ੍ਧੋ। ਸੋਤਿ વਿਹਾਰਕਾਰਕੋ ਭਿਕ੍ਖੁ, ਤਸ੍ਸ ਹੇਟ੍ਠਾਪਾਸਾਦੋਤਿ ਸਮ੍ਬਨ੍ਧੋ। વਿਹਾਰੇਤਿ ਸਙ੍ਘਿਕવਿਹਾਰੇ, વਿਹਾਰਸਮੀਪੇਤਿ ਅਤ੍ਥੋ। ਅਕਤਟ੍ਠਾਨੇਤਿ ਚਯਪਮੁਖਾਨਂ ਅਕਤਪੁਬ੍ਬਟ੍ਠਾਨੇ। ਚਯਂ વਾ ਪਮੁਖਂ વਾਤਿ ਸਙ੍ਘਿਕવਿਹਾਰਸ੍ਸ ਚਯਂ વਾ ਪਮੁਖਂ વਾ। ਬਹਿਕੁਟ੍ਟੇਤਿ ਕੁਟ੍ਟਸ੍ਸ, ਕੁਟ੍ਟਤੋ વਾ ਬਹਿ। ਤਸ੍ਸਾਤਿ ਚਯਪਮੁਖਕਾਰਕਸ੍ਸ ਭਿਕ੍ਖੁਸ੍ਸ ਹੋਤੀਤਿ ਸਮ੍ਬਨ੍ਧੋ । વਿਸਮਂ ਪਬ੍ਬਤਕਨ੍ਦਰਾਦਿਨ੍ਤਿ ਸਮ੍ਬਨ੍ਧੋ। ਅਪਦੇਤਿ ਸੁਕਰਸ੍ਸ ਅਕਾਰਣੇ। ਕਤਂ ਹੋਤੀਤਿ ਚਯਂ વਾ ਪਮੁਖਂ વਾ ਕਤਂ ਹੋਤਿ। ਤਤ੍ਥਾਤਿ ਚਯਪਮੁਖੇਸੁ, ਸਙ੍ਘੋ ਅਨਿਸ੍ਸਰੋ ਇਤਿ વੁਤ੍ਤਨ੍ਤਿ ਯੋਜਨਾ।
‘‘Saṅghikavallimattampi aggahetvā’’ti iminā saṅghikaṃ gahetvā saṅghikāya bhūmiyā sace vihāraṃ karoti, saṅghikamevāti dasseti. Dvibhūmakatibhūmakādīsu pāsādesu upaḍḍhabhāgaṃ dassento āha ‘‘pāsādo ceva hotī’’tiādi. Upari pāsādoti sambandho. Soti vihārakārako bhikkhu, tassa heṭṭhāpāsādoti sambandho. Vihāreti saṅghikavihāre, vihārasamīpeti attho. Akataṭṭhāneti cayapamukhānaṃ akatapubbaṭṭhāne. Cayaṃ vā pamukhaṃ vāti saṅghikavihārassa cayaṃ vā pamukhaṃ vā. Bahikuṭṭeti kuṭṭassa, kuṭṭato vā bahi. Tassāti cayapamukhakārakassa bhikkhussa hotīti sambandho . Visamaṃ pabbatakandarādinti sambandho. Apadeti sukarassa akāraṇe. Kataṃ hotīti cayaṃ vā pamukhaṃ vā kataṃ hoti. Tatthāti cayapamukhesu, saṅgho anissaro iti vuttanti yojanā.
વਰਸੇਯ੍ਯਂ ਗਹੇਤੁਨ੍ਤਿ ਸਮ੍ਬਨ੍ਧੋ।
Varaseyyaṃ gahetunti sambandho.
ਪੁਨ ਆਗਨ੍ਤ੍વਾਤਿ ਪਕ੍ਕਮਿਤ੍વਾ ਪੁਨ ਆਗਨ੍ਤ੍વਾ। ਤਸ੍ਸਾਤਿ ਨવਕਮ੍ਮਗਾਹਕਸ੍ਸ ਭਿਕ੍ਖੁਸ੍ਸ। ਏਤਨ੍ਤਿ ਸੇਨਾਸਨਂ।
Puna āgantvāti pakkamitvā puna āgantvā. Tassāti navakammagāhakassa bhikkhussa. Etanti senāsanaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ਨવਕਮ੍ਮਦਾਨਕਥਾ • Navakammadānakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਨવਕਮ੍ਮਦਾਨਕਥਾ • Navakammadānakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਨવਕਮ੍ਮਦਾਨਕਥਾવਣ੍ਣਨਾ • Navakammadānakathāvaṇṇanā
