| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
နဝကမ္မဒာနကထာဝဏ္ဏနာ
Navakammadānakathāvaṇṇanā
၃၂၃. ကိဉ္စိဒေဝ သမာဒပေတ္ဝာ ကာရေသ္သတီတိ သာမိကောယေဝ ကဉ္စိ ဘိက္ခုံ သမာဒပေတ္ဝာ ကာရေသ္သတိ။ ဥတုကာလေ ပဋိဗာဟိတုံ န လဘတီတိ ဟေမန္တဂိမ္ဟေသု အညေ သမ္ပတ္တဘိက္ခူ ပဋိဗာဟိတုံ န လဘတိ။ တိဘာဂန္တိ တတိယဘာဂံ။ သစေ သဒ္ဓိဝိဟာရိကာနံ ဒာတုကာမော ဟောတီတိ သစေ သော သင္ဃသ္သ ဘဏ္ဍကဌပနဋ္ဌာနံ ဝာ နဝကာနံ ဝာ ဝသနဋ္ဌာနံ ဒာတုံ န ဣစ္ဆတိ, အတ္တနော သဒ္ဓိဝိဟာရိကာနညေဝ ဒာတုကာမော ဟောတီတိ အတ္ထော။ ဧတဉ္ဟိ သဒ္ဓိဝိဟာရိကာနံ ဒာတုံ လဘတီတိ ဧတံ တတိယဘာဂံ ဥပဍ္ဎဘာဂံ ဝာ ဒာတုံ လဘတိ။ အကတဋ္ဌာနေတိ သေနာသနတော ဗဟိ စယာဒီနံ အကတဋ္ဌာနေ။ ဗဟိကုဋ္ဋေတိ ကုဋ္ဋတော ဗဟိ။
323.Kiñcideva samādapetvā kāressatīti sāmikoyeva kañci bhikkhuṃ samādapetvā kāressati. Utukāle paṭibāhituṃ na labhatīti hemantagimhesu aññe sampattabhikkhū paṭibāhituṃ na labhati. Tibhāganti tatiyabhāgaṃ. Sace saddhivihārikānaṃ dātukāmo hotīti sace so saṅghassa bhaṇḍakaṭhapanaṭṭhānaṃ vā navakānaṃ vā vasanaṭṭhānaṃ dātuṃ na icchati, attano saddhivihārikānaññeva dātukāmo hotīti attho. Etañhi saddhivihārikānaṃ dātuṃ labhatīti etaṃ tatiyabhāgaṃ upaḍḍhabhāgaṃ vā dātuṃ labhati. Akataṭṭhāneti senāsanato bahi cayādīnaṃ akataṭṭhāne. Bahikuṭṭeti kuṭṭato bahi.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi / နဝကမ္မဒာနကထာ • Navakammadānakathā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / စူဠဝဂ္ဂ-အဋ္ဌကထာ • Cūḷavagga-aṭṭhakathā / နဝကမ္မဒာနကထာ • Navakammadānakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / နဝကမ္မဒာနကထာဝဏ္ဏနာ • Navakammadānakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / နဝကမ္မဒာနကထာဝဏ္ဏနာ • Navakammadānakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / နဝကမ္မဒာနကထာ • Navakammadānakathā
