| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਨવਕਮ੍ਮਦਾਨਕਥਾવਣ੍ਣਨਾ
Navakammadānakathāvaṇṇanā
੩੨੩. ਪਾਲ਼ਿਯਂ ਪਿਣ੍ਡਨਿਕ੍ਖੇਪਨਮਤ੍ਤੇਨਾਤਿਆਦੀਸੁ ਖਣ੍ਡਫੁਲ੍ਲਟ੍ਠਾਨੇ ਮਤ੍ਤਿਕਾਪਿਣ੍ਡਟ੍ਠਪਨਂ ਪਿਣ੍ਡਨਿਕ੍ਖੇਪਨਂ ਨਾਮ। ਨવਕਮ੍ਮਨ੍ਤਿ ਨવਕਮ੍ਮਸਮ੍ਮੁਤਿ। ਅਗ੍ਗਲ਼વਟ੍ਟਿ ਨਾਮ ਕવਾਟਬਨ੍ਧੋ। ਛਾਦਨਂ ਨਾਮ ਤਿਣਾਦੀਹਿ ਗੇਹਚ੍ਛਾਦਨਂ। ਬਨ੍ਧਨਂ ਨਾਮ ਦਣ੍ਡવਲ੍ਲਿਆਦੀਹਿ ਛਦਨਬਨ੍ਧਨਮੇવ। ਚਤੁਹਤ੍ਥવਿਹਾਰੇਤਿ વਿਤ੍ਥਾਰਪ੍ਪਮਾਣਤੋ વੁਤ੍ਤਂ। ਉਬ੍ਬੇਧਤੋ ਪਨ ਅਨੇਕਭੂਮਕਤ੍ਤਾ વਡ੍ਢਕੀਹਤ੍ਥੇਨ વੀਸਤਿਹਤ੍ਥੋਪਿ ਨਾਨਾਸਣ੍ਠਾਨવਿਚਿਤ੍ਤੋਪਿ ਹੋਤਿ। ਤੇਨਸ੍ਸ ਚਤੁવਸ੍ਸਿਕਂ ਨવਕਮ੍ਮਂ વੁਤ੍ਤਂ। ਏવਂ ਸੇਸੇਸੁਪਿ।
323. Pāḷiyaṃ piṇḍanikkhepanamattenātiādīsu khaṇḍaphullaṭṭhāne mattikāpiṇḍaṭṭhapanaṃ piṇḍanikkhepanaṃ nāma. Navakammanti navakammasammuti. Aggaḷavaṭṭi nāma kavāṭabandho. Chādanaṃ nāma tiṇādīhi gehacchādanaṃ. Bandhanaṃ nāma daṇḍavalliādīhi chadanabandhanameva. Catuhatthavihāreti vitthārappamāṇato vuttaṃ. Ubbedhato pana anekabhūmakattā vaḍḍhakīhatthena vīsatihatthopi nānāsaṇṭhānavicittopi hoti. Tenassa catuvassikaṃ navakammaṃ vuttaṃ. Evaṃ sesesupi.
ਪਾਲ਼ਿਯਂ ਸਬ੍ਬੇ વਿਹਾਰੇਤਿ ਭੁਮ੍ਮਤ੍ਥੇ ਉਪਯੋਗਬਹੁવਚਨਂ। ਏਕਸ੍ਸ ਸਬ੍ਬੇਸੁ વਿਹਾਰੇਸੁ ਨવਕਮ੍ਮਂ ਦੇਤੀਤਿ ਅਤ੍ਥੋ। ਸਬ੍ਬਕਾਲਂ ਪਟਿਬਾਹਨ੍ਤੀਤਿ ਨવਕਮ੍ਮਿਕਾ ਅਤ੍ਤਨੋ ਗਾਹਿਤਂ વਰਸੇਯ੍ਯਂ ਸਮ੍ਪਤ੍ਤਾਨਂ ਯਥਾવੁਡ੍ਢਂ ਅਕਤ੍વਾ ਉਤੁਕਾਲੇਪਿ ਪਟਿਬਾਹਨ੍ਤਿ।
Pāḷiyaṃ sabbe vihāreti bhummatthe upayogabahuvacanaṃ. Ekassa sabbesu vihāresu navakammaṃ detīti attho. Sabbakālaṃ paṭibāhantīti navakammikā attano gāhitaṃ varaseyyaṃ sampattānaṃ yathāvuḍḍhaṃ akatvā utukālepi paṭibāhanti.
‘‘ਸਚੇ ਸੋ ਆવਾਸੋ ਜੀਰਤੀ’’ਤਿਆਦਿ ਪਾਲ਼ਿਮੁਤ੍ਤਕવਿਨਿਚ੍ਛਯੋ। ਮਞ੍ਚਟ੍ਠਾਨਂ ਦਤ੍વਾਤਿ ਮਞ੍ਚਟ੍ਠਾਨਂ ਪੁਗ੍ਗਲਿਕਂ ਦਤ੍વਾ। ਤਿਭਾਗਨ੍ਤਿ ਤਤਿਯਭਾਗਂ। ਏવਂ વਿਸ੍ਸਜ੍ਜਨਮ੍ਪਿ ਥਾવਰੇਨ ਥਾવਰਪਰਿવਤ੍ਤਨਟ੍ਠਾਨੇ ਏવ ਪવਿਸਤਿ, ਨ ਇਤਰਥਾ ਸਬ੍ਬਸੇਨਾਸਨਾਨਂ વਿਨਸ੍ਸਨਤੋ। ਸਚੇ ਸਦ੍ਧਿવਿਹਾਰਿਕਾਨਂ ਦਾਤੁਕਾਮੋ ਹੋਤੀਤਿ ਸਚੇ ਸੋ ਸਙ੍ਘਸ੍ਸ ਭਣ੍ਡਕਟ੍ਠਪਨਟ੍ਠਾਨਂ વਾ ਅਞ੍ਞੇਸਂ ਭਿਕ੍ਖੂਨਂ વਸਨਟ੍ਠਾਨਂ વਾ ਦਾਤੁਂ ਨ ਇਚ੍ਛਤਿ, ਅਤ੍ਤਨੋ ਸਦ੍ਧਿવਿਹਾਰਿਕਾਨਞ੍ਞੇવ ਦਾਤੁਕਾਮੋ ਹੋਤਿ, ਤਾਦਿਸਸ੍ਸ ਤੁਯ੍ਹਂ ਪੁਗ੍ਗਲਿਕਮੇવ ਕਤ੍વਾ ਜਗ੍ਗਾਤਿ ਨ ਸਬ੍ਬਂ ਤਸ੍ਸ ਦਾਤਬ੍ਬਨ੍ਤਿ ਅਧਿਪ੍ਪਾਯੋ। ਤਤ੍ਥ ਪਨ ਕਤ੍ਤਬ੍ਬવਿਧਿਂ ਦਸ੍ਸੇਨ੍ਤੋ ਆਹ ‘‘ਕਮ੍ਮ’’ਨ੍ਤਿਆਦਿ। ਏવਞ੍ਹੀਤਿਆਦਿਮ੍ਹਿ વਯਾਨੁਰੂਪਂ ਤਤਿਯਭਾਗੇ વਾ ਉਪਡ੍ਢਭਾਗੇ વਾ ਗਹਿਤੇ ਤਂ ਭਾਗਂ ਦਾਤੁਂ ਲਭਤੀਤਿ ਅਤ੍ਥੋ।
‘‘Sace so āvāso jīratī’’tiādi pāḷimuttakavinicchayo. Mañcaṭṭhānaṃ datvāti mañcaṭṭhānaṃ puggalikaṃ datvā. Tibhāganti tatiyabhāgaṃ. Evaṃ vissajjanampi thāvarena thāvaraparivattanaṭṭhāne eva pavisati, na itarathā sabbasenāsanānaṃ vinassanato. Sace saddhivihārikānaṃ dātukāmo hotīti sace so saṅghassa bhaṇḍakaṭṭhapanaṭṭhānaṃ vā aññesaṃ bhikkhūnaṃ vasanaṭṭhānaṃ vā dātuṃ na icchati, attano saddhivihārikānaññeva dātukāmo hoti, tādisassa tuyhaṃ puggalikameva katvā jaggāti na sabbaṃ tassa dātabbanti adhippāyo. Tattha pana kattabbavidhiṃ dassento āha ‘‘kamma’’ntiādi. Evañhītiādimhi vayānurūpaṃ tatiyabhāge vā upaḍḍhabhāge vā gahite taṃ bhāgaṃ dātuṃ labhatīti attho.
ਯੇਨਾਤਿ ਤੇਸੁ ਦ੍વੀਸੁ ਭਿਕ੍ਖੂਸੁ ਯੇਨ। ਸੋ ਸਾਮੀਤਿ ਤਸ੍ਸਾ ਭੂਮਿਯਾ વਿਹਾਰਕਰਣੇ ਸੋવ ਸਾਮੀ, ਤਂ ਪਟਿਬਾਹਿਤ੍વਾ ਇਤਰੇਨ ਨ ਕਾਤਬ੍ਬਨ੍ਤਿ ਅਧਿਪ੍ਪਾਯੋ। ਸੋ ਹਿ ਪਠਮਂ ਗਹਿਤੋ। ਅਕਤਟ੍ਠਾਨੇਤਿ ਚਯਾਦੀਨਂ ਅਕਤਪੁਬ੍ਬਟ੍ਠਾਨੇ। ਚਯਂ વਾ ਪਮੁਖਂ વਾਤਿ ਸਙ੍ਘਿਕਸੇਨਾਸਨਂ ਨਿਸ੍ਸਾਯ ਤਤੋ ਬਹਿ ਚਯਂ ਬਨ੍ਧਿਤ੍વਾ, ਏਕਂ ਸੇਨਾਸਨਂ વਾ। ਬਹਿਕੁਟ੍ਟੇਤਿ ਕੁਟ੍ਟਤੋ ਬਹਿ, ਅਤ੍ਤਨੋ ਕਤਟ੍ਠਾਨੇਤਿ ਅਤ੍ਥੋ।
Yenāti tesu dvīsu bhikkhūsu yena. So sāmīti tassā bhūmiyā vihārakaraṇe sova sāmī, taṃ paṭibāhitvā itarena na kātabbanti adhippāyo. So hi paṭhamaṃ gahito. Akataṭṭhāneti cayādīnaṃ akatapubbaṭṭhāne. Cayaṃ vā pamukhaṃ vāti saṅghikasenāsanaṃ nissāya tato bahi cayaṃ bandhitvā, ekaṃ senāsanaṃ vā. Bahikuṭṭeti kuṭṭato bahi, attano kataṭṭhāneti attho.
ਨવਕਮ੍ਮਦਾਨਕਥਾવਣ੍ਣਨਾ ਨਿਟ੍ਠਿਤਾ।
Navakammadānakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ਨવਕਮ੍ਮਦਾਨਕਥਾ • Navakammadānakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਨવਕਮ੍ਮਦਾਨਕਥਾ • Navakammadānakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਨવਕਮ੍ਮਦਾਨਕਥਾવਣ੍ਣਨਾ • Navakammadānakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਨવਕਮ੍ਮਦਾਨਕਥਾવਣ੍ਣਨਾ • Navakammadānakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਨવਕਮ੍ਮਦਾਨਕਥਾ • Navakammadānakathā
