| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
навагаммад̣̇аанам̣
Navakammadānaṃ
308. ат̇а ко бхаг̇аваа рааж̇аг̇ахз яат̇аабхиранд̇ам̣ вихарид̇ваа язна взсаалий д̇зна жааригам̣ баггаами. анубуб̣б̣зна жааригам̣ жарамаано язна взсаалий д̇ад̣̇авасари. д̇ад̇ра суд̣̇ам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. д̇зна ко бана самаязна мануссаа саггажжам̣ навагаммам̣ гаронд̇и. язби бхигкуу навагаммам̣ ад̇хидтзнд̇и д̇зби саггажжам̣ убадтзнд̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна . ат̇а ко ан̃н̃ад̇арасса д̣̇алид̣̇д̣̇асса д̇уннавааяасса зд̇ад̣̇ахоси – ‘‘на ко ид̣̇ам̣ орагам̣ бхависсад̇и, яат̇аяимз мануссаа саггажжам̣ навагаммам̣ гаронд̇и; яам̣нуунаахамби навагаммам̣ гарзяяа’’нд̇и. ат̇а ко со д̣̇алид̣̇д̣̇о д̇уннавааяо саамам̣ жигкаллам̣ мад̣̇д̣̇ид̇ваа идтагааяо жинид̇ваа гуддам̣ удтаабзси. д̇зна агусалагзна жид̇аа ван̇гаа бхид̇д̇и барибад̇и. д̣̇уд̇ияамби ко…бз… д̇ад̇ияамби ко со д̣̇алид̣̇д̣̇о д̇уннавааяо саамам̣ жигкаллам̣ мад̣̇д̣̇ид̇ваа идтагааяо жинид̇ваа гуддам̣ удтаабзси. д̇зна агусалагзна жид̇аа ван̇гаа бхид̇д̇и барибад̇и. ат̇а ко со д̣̇алид̣̇д̣̇о д̇уннавааяо уж̇жхааяад̇и кияяад̇и вибаажзд̇и – ‘‘яз имзсам̣ саман̣аанам̣ сагяабуд̇д̇ияаанам̣ д̣̇знд̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарам̣, д̇з имз овад̣̇анд̇и анусаасанд̇и, д̇зсан̃жа навагаммам̣ ад̇хидтзнд̇и. ахам̣ банамхи д̣̇алид̣̇д̣̇о. на мам̣ гожи овад̣̇ад̇и ваа анусаасад̇и ваа навагаммам̣ ваа ад̇хидтзд̇ий’’д̇и. ассосум̣ ко бхигкуу д̇асса д̣̇алид̣̇д̣̇асса д̇уннавааяасса уж̇жхааяанд̇асса кияяанд̇асса вибаажзнд̇асса. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, навагаммам̣ д̣̇аад̇ум̣. навагаммиго, бхигкавз, бхигку уссуггам̣ аабаж̇ж̇иссад̇и – ‘гинд̇и ну ко вихааро киббам̣ барияосаанам̣ г̇ажчзяяаа’д̇и; кан̣д̣ам̣ пуллам̣ бадисан̇кариссад̇и. зван̃жа бана, бхигкавз, д̣̇аад̇аб̣б̣ам̣. батамам̣ бхигку яаажид̇аб̣б̣о, яаажид̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
308. Atha kho bhagavā rājagahe yathābhirantaṃ viharitvā yena vesālī tena cārikaṃ pakkāmi. Anupubbena cārikaṃ caramāno yena vesālī tadavasari. Tatra sudaṃ bhagavā vesāliyaṃ viharati mahāvane kūṭāgārasālāyaṃ. Tena kho pana samayena manussā sakkaccaṃ navakammaṃ karonti. Yepi bhikkhū navakammaṃ adhiṭṭhenti tepi sakkaccaṃ upaṭṭhenti cīvarapiṇḍapātasenāsanagilānappaccayabhesajjaparikkhārena . Atha kho aññatarassa daliddassa tunnavāyassa etadahosi – ‘‘na kho idaṃ orakaṃ bhavissati, yathayime manussā sakkaccaṃ navakammaṃ karonti; yaṃnūnāhampi navakammaṃ kareyya’’nti. Atha kho so daliddo tunnavāyo sāmaṃ cikkhallaṃ madditvā iṭṭhakāyo cinitvā kuṭṭaṃ uṭṭhāpesi. Tena akusalakena citā vaṅkā bhitti paripati. Dutiyampi kho…pe… tatiyampi kho so daliddo tunnavāyo sāmaṃ cikkhallaṃ madditvā iṭṭhakāyo cinitvā kuṭṭaṃ uṭṭhāpesi. Tena akusalakena citā vaṅkā bhitti paripati. Atha kho so daliddo tunnavāyo ujjhāyati khiyyati vipāceti – ‘‘ye imesaṃ samaṇānaṃ sakyaputtiyānaṃ denti cīvarapiṇḍapātasenāsanagilānappaccayabhesajjaparikkhāraṃ, te ime ovadanti anusāsanti, tesañca navakammaṃ adhiṭṭhenti. Ahaṃ panamhi daliddo. Na maṃ koci ovadati vā anusāsati vā navakammaṃ vā adhiṭṭhetī’’ti. Assosuṃ kho bhikkhū tassa daliddassa tunnavāyassa ujjhāyantassa khiyyantassa vipācentassa. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, navakammaṃ dātuṃ. Navakammiko, bhikkhave, bhikkhu ussukkaṃ āpajjissati – ‘kinti nu kho vihāro khippaṃ pariyosānaṃ gaccheyyā’ti; khaṇḍaṃ phullaṃ paṭisaṅkharissati. Evañca pana, bhikkhave, dātabbaṃ. Paṭhamaṃ bhikkhu yācitabbo, yācitvā byattena bhikkhunā paṭibalena saṅgho ñāpetabbo –
309. ‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, сан̇гхо ид̇т̇аннаамасса г̇ахабад̇ино вихаарам̣ ид̇т̇аннаамасса бхигкуно навагаммам̣ д̣̇ад̣̇зяяа. зсаа н̃ад̇д̇и.
309. ‘‘Suṇātu me, bhante, saṅgho. Yadi saṅghassa pattakallaṃ, saṅgho itthannāmassa gahapatino vihāraṃ itthannāmassa bhikkhuno navakammaṃ dadeyya. Esā ñatti.
‘‘сун̣аад̇у мз, бханд̇з, сан̇гхо. сан̇гхо ид̇т̇аннаамасса г̇ахабад̇ино вихаарам̣ ид̇т̇аннаамасса бхигкуно навагаммам̣ д̣̇зд̇и. яассааяасмад̇о камад̇и ид̇т̇аннаамасса г̇ахабад̇ино вихаарам̣ ид̇т̇аннаамасса бхигкуно навагаммасса д̣̇аанам̣, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Saṅgho itthannāmassa gahapatino vihāraṃ itthannāmassa bhikkhuno navakammaṃ deti. Yassāyasmato khamati itthannāmassa gahapatino vihāraṃ itthannāmassa bhikkhuno navakammassa dānaṃ, so tuṇhassa; yassa nakkhamati, so bhāseyya.
‘‘д̣̇инно сан̇гхзна ид̇т̇аннаамасса г̇ахабад̇ино вихааро ид̇т̇аннаамасса бхигкуно навагаммам̣. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Dinno saṅghena itthannāmassa gahapatino vihāro itthannāmassa bhikkhuno navakammaṃ. Khamati saṅghassa, tasmā tuṇhī, evametaṃ dhārayāmī’’ti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / вихаараануж̇аананагат̇аа • Vihārānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / вихаараануж̇аананагат̇аа • Vihārānujānanakathā
