| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
7. நவகம்மிகஸுத்தவண்ணனா
7. Navakammikasuttavaṇṇanā
203. ஸத்தமே நவகம்மிகபா⁴ரத்³வாஜோதி ஸோ கிர அரஞ்ஞே ருக்க²ங் சி²ந்தா³பெத்வா தத்தே²வ பாஸாத³கூடாகா³ராதீ³னி யோஜெத்வா நக³ரங் ஆஹரித்வா விக்கிணாதி, இதி நவகம்மங் நிஸ்ஸாய ஜீவதீதி நவகம்மிகோ, கொ³த்தேன பா⁴ரத்³வாஜோதி நவகம்மிகபா⁴ரத்³வாஜோ. தி³ஸ்வானஸ்ஸ ஏதத³ஹோஸீதி ச²ப்³ப³ண்ணரஸ்மியோ விஸ்ஸஜ்ஜெத்வா நிஸின்னங் ப⁴க³வந்தங் தி³ஸ்வான அஸ்ஸ ஏதங் அஹோஸி. வனஸ்மிந்தி இமஸ்மிங் வனஸண்டே³. உச்சி²ன்னமூலங் மே வனந்தி மய்ஹங் கிலேஸவனங் உச்சி²ன்னமூலங். நிப்³ப³னதோ²தி நிக்கிலேஸவனோ. ஏகோ ரமேதி ஏககோ அபி⁴ரமாமி. அரதிங் விப்பஹாயாதி பந்தஸேனாஸனேஸு சேவ பா⁴வனாய ச உக்கண்டி²தங் ஜஹித்வா. ஸத்தமங்.
203. Sattame navakammikabhāradvājoti so kira araññe rukkhaṃ chindāpetvā tattheva pāsādakūṭāgārādīni yojetvā nagaraṃ āharitvā vikkiṇāti, iti navakammaṃ nissāya jīvatīti navakammiko, gottena bhāradvājoti navakammikabhāradvājo. Disvānassa etadahosīti chabbaṇṇarasmiyo vissajjetvā nisinnaṃ bhagavantaṃ disvāna assa etaṃ ahosi. Vanasminti imasmiṃ vanasaṇḍe. Ucchinnamūlaṃ me vananti mayhaṃ kilesavanaṃ ucchinnamūlaṃ. Nibbanathoti nikkilesavano. Eko rameti ekako abhiramāmi. Aratiṃ vippahāyāti pantasenāsanesu ceva bhāvanāya ca ukkaṇṭhitaṃ jahitvā. Sattamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. நவகம்மிகஸுத்தங் • 7. Navakammikasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. வனகம்மிகஸுத்தவண்ணனா • 7. Vanakammikasuttavaṇṇanā
