| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౭. నవకమ్మికసుత్తవణ్ణనా
7. Navakammikasuttavaṇṇanā
౨౦౩. సత్తమే నవకమ్మికభారద్వాజోతి సో కిర అరఞ్ఞే రుక్ఖం ఛిన్దాపేత్వా తత్థేవ పాసాదకూటాగారాదీని యోజేత్వా నగరం ఆహరిత్వా విక్కిణాతి, ఇతి నవకమ్మం నిస్సాయ జీవతీతి నవకమ్మికో, గోత్తేన భారద్వాజోతి నవకమ్మికభారద్వాజో. దిస్వానస్స ఏతదహోసీతి ఛబ్బణ్ణరస్మియో విస్సజ్జేత్వా నిసిన్నం భగవన్తం దిస్వాన అస్స ఏతం అహోసి. వనస్మిన్తి ఇమస్మిం వనసణ్డే. ఉచ్ఛిన్నమూలం మే వనన్తి మయ్హం కిలేసవనం ఉచ్ఛిన్నమూలం. నిబ్బనథోతి నిక్కిలేసవనో. ఏకో రమేతి ఏకకో అభిరమామి. అరతిం విప్పహాయాతి పన్తసేనాసనేసు చేవ భావనాయ చ ఉక్కణ్ఠితం జహిత్వా. సత్తమం.
203. Sattame navakammikabhāradvājoti so kira araññe rukkhaṃ chindāpetvā tattheva pāsādakūṭāgārādīni yojetvā nagaraṃ āharitvā vikkiṇāti, iti navakammaṃ nissāya jīvatīti navakammiko, gottena bhāradvājoti navakammikabhāradvājo. Disvānassa etadahosīti chabbaṇṇarasmiyo vissajjetvā nisinnaṃ bhagavantaṃ disvāna assa etaṃ ahosi. Vanasminti imasmiṃ vanasaṇḍe. Ucchinnamūlaṃ me vananti mayhaṃ kilesavanaṃ ucchinnamūlaṃ. Nibbanathoti nikkilesavano. Eko rameti ekako abhiramāmi. Aratiṃ vippahāyāti pantasenāsanesu ceva bhāvanāya ca ukkaṇṭhitaṃ jahitvā. Sattamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౭. నవకమ్మికసుత్తం • 7. Navakammikasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౭. వనకమ్మికసుత్తవణ్ణనా • 7. Vanakammikasuttavaṇṇanā
