| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೭. ನವಕಮ್ಮಿಕಸುತ್ತವಣ್ಣನಾ
7. Navakammikasuttavaṇṇanā
೨೦೩. ಸತ್ತಮೇ ನವಕಮ್ಮಿಕಭಾರದ್ವಾಜೋತಿ ಸೋ ಕಿರ ಅರಞ್ಞೇ ರುಕ್ಖಂ ಛಿನ್ದಾಪೇತ್ವಾ ತತ್ಥೇವ ಪಾಸಾದಕೂಟಾಗಾರಾದೀನಿ ಯೋಜೇತ್ವಾ ನಗರಂ ಆಹರಿತ್ವಾ ವಿಕ್ಕಿಣಾತಿ, ಇತಿ ನವಕಮ್ಮಂ ನಿಸ್ಸಾಯ ಜೀವತೀತಿ ನವಕಮ್ಮಿಕೋ, ಗೋತ್ತೇನ ಭಾರದ್ವಾಜೋತಿ ನವಕಮ್ಮಿಕಭಾರದ್ವಾಜೋ। ದಿಸ್ವಾನಸ್ಸ ಏತದಹೋಸೀತಿ ಛಬ್ಬಣ್ಣರಸ್ಮಿಯೋ ವಿಸ್ಸಜ್ಜೇತ್ವಾ ನಿಸಿನ್ನಂ ಭಗವನ್ತಂ ದಿಸ್ವಾನ ಅಸ್ಸ ಏತಂ ಅಹೋಸಿ। ವನಸ್ಮಿನ್ತಿ ಇಮಸ್ಮಿಂ ವನಸಣ್ಡೇ। ಉಚ್ಛಿನ್ನಮೂಲಂ ಮೇ ವನನ್ತಿ ಮಯ್ಹಂ ಕಿಲೇಸವನಂ ಉಚ್ಛಿನ್ನಮೂಲಂ। ನಿಬ್ಬನಥೋತಿ ನಿಕ್ಕಿಲೇಸವನೋ। ಏಕೋ ರಮೇತಿ ಏಕಕೋ ಅಭಿರಮಾಮಿ। ಅರತಿಂ ವಿಪ್ಪಹಾಯಾತಿ ಪನ್ತಸೇನಾಸನೇಸು ಚೇವ ಭಾವನಾಯ ಚ ಉಕ್ಕಣ್ಠಿತಂ ಜಹಿತ್ವಾ। ಸತ್ತಮಂ।
203. Sattame navakammikabhāradvājoti so kira araññe rukkhaṃ chindāpetvā tattheva pāsādakūṭāgārādīni yojetvā nagaraṃ āharitvā vikkiṇāti, iti navakammaṃ nissāya jīvatīti navakammiko, gottena bhāradvājoti navakammikabhāradvājo. Disvānassa etadahosīti chabbaṇṇarasmiyo vissajjetvā nisinnaṃ bhagavantaṃ disvāna assa etaṃ ahosi. Vanasminti imasmiṃ vanasaṇḍe. Ucchinnamūlaṃ me vananti mayhaṃ kilesavanaṃ ucchinnamūlaṃ. Nibbanathoti nikkilesavano. Eko rameti ekako abhiramāmi. Aratiṃ vippahāyāti pantasenāsanesu ceva bhāvanāya ca ukkaṇṭhitaṃ jahitvā. Sattamaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೭. ನವಕಮ್ಮಿಕಸುತ್ತಂ • 7. Navakammikasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೭. ವನಕಮ್ಮಿಕಸುತ್ತವಣ್ಣನಾ • 7. Vanakammikasuttavaṇṇanā
