| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
(9.) наваганид̣̇д̣̇зсаван̣н̣анаа
(9.) Navakaniddesavaṇṇanā
960. наваганид̣̇д̣̇зсз нава аагхаад̇авад̇т̇уунийд̇и сад̇д̇зсу уббад̇д̇ивасзнзва гат̇ид̇аани. бурисаанам̣ малаанийд̇и бурисамалаани. нававид̇хаад̇и навагодтаасаа наваббабхзд̣̇аа ваа.
960. Navakaniddese nava āghātavatthūnīti sattesu uppattivaseneva kathitāni. Purisānaṃ malānīti purisamalāni. Navavidhāti navakoṭṭhāsā navappabhedā vā.
963. д̇ан̣хам̣ бадижжаад̇и д̇ан̣хам̣ ниссааяа. бариязсанаад̇и руубаад̣̇иаарамман̣абариязсанаа. саа хи д̇ан̣хааяа сад̇и ход̇и. лаабход̇и руубаад̣̇иаарамман̣абадилаабхо. со хи бариязсанааяа сад̇и ход̇и. винижчаяо бана н̃аан̣ад̇ан̣хаад̣̇идтивид̇аггавасзна жад̇уб̣б̣ид̇хо. д̇ад̇т̇а ‘‘сукавинижчаяам̣ ж̇ан̃н̃аа, сукавинижчаяам̣ н̃ад̇ваа аж̇жхад̇д̇ам̣ сукамануяун̃ж̇зяяаа’’д̇и (ма. ни. 3.323) аяам̣ н̃аан̣авинижчаяо. ‘‘винижчаяод̇и д̣̇вз винижчаяаа – д̇ан̣хаавинижчаяо жа д̣̇идтивинижчаяо жаа’’д̇и (махаани. 102) звам̣ ааг̇ад̇аани адтасад̇ад̇ан̣хаавижарид̇аани д̇ан̣хаавинижчаяо. д̣̇ваасадти д̣̇идтияо д̣̇идтивинижчаяо. ‘‘чанд̣̇о ко, д̣̇зваанаминд̣̇а, вид̇агганид̣̇аано’’д̇и (д̣̇ий. ни. 2.358) имасмим̣ бана суд̇д̇з ид̇ха винижчаяод̇и вуд̇д̇о вид̇аггоязва ааг̇ад̇о. лаабхам̣ лабхид̇ваа хи идтаанидтам̣ сунд̣̇араасунд̣̇аран̃жа вид̇аггзнзва винижчинаад̇и – ‘зд̇д̇агам̣ мз руубаарамман̣ад̇т̇ааяа бхависсад̇и , зд̇д̇агам̣ сад̣̇д̣̇аад̣̇иаарамман̣ад̇т̇ааяа , зд̇д̇агам̣ маяхам̣ бхависсад̇и, зд̇д̇агам̣ барасса, зд̇д̇агам̣ барибхун̃ж̇иссаами, зд̇д̇агам̣ нид̣̇ахиссаамий’д̇и. д̇зна вуд̇д̇ам̣ ‘‘лаабхам̣ бадижжа винижчаяо’’д̇и.
963. Taṇhaṃ paṭiccāti taṇhaṃ nissāya. Pariyesanāti rūpādiārammaṇapariyesanā. Sā hi taṇhāya sati hoti. Lābhoti rūpādiārammaṇapaṭilābho. So hi pariyesanāya sati hoti. Vinicchayo pana ñāṇataṇhādiṭṭhivitakkavasena catubbidho. Tattha ‘‘sukhavinicchayaṃ jaññā, sukhavinicchayaṃ ñatvā ajjhattaṃ sukhamanuyuñjeyyā’’ti (ma. ni. 3.323) ayaṃ ñāṇavinicchayo. ‘‘Vinicchayoti dve vinicchayā – taṇhāvinicchayo ca diṭṭhivinicchayo cā’’ti (mahāni. 102) evaṃ āgatāni aṭṭhasatataṇhāvicaritāni taṇhāvinicchayo. Dvāsaṭṭhi diṭṭhiyo diṭṭhivinicchayo. ‘‘Chando kho, devānaminda, vitakkanidāno’’ti (dī. ni. 2.358) imasmiṃ pana sutte idha vinicchayoti vutto vitakkoyeva āgato. Lābhaṃ labhitvā hi iṭṭhāniṭṭhaṃ sundarāsundarañca vitakkeneva vinicchināti – ‘ettakaṃ me rūpārammaṇatthāya bhavissati , ettakaṃ saddādiārammaṇatthāya , ettakaṃ mayhaṃ bhavissati, ettakaṃ parassa, ettakaṃ paribhuñjissāmi, ettakaṃ nidahissāmī’ti. Tena vuttaṃ ‘‘lābhaṃ paṭicca vinicchayo’’ti.
чанд̣̇арааг̇од̇и звам̣ агусалавид̇аггзна вид̇аггид̇з вад̇т̇усмим̣ д̣̇уб̣б̣аларааг̇о жа б̣алаварааг̇о жа уббаж̇ж̇ад̇и. ид̣̇ан̃хи ид̇ха чанд̣̇од̇и д̣̇уб̣б̣аларааг̇ассаад̇хиважанам̣ . аж̇жхосаананд̇и ахам̣ маманд̇и б̣алавасаннидтаанам̣. бариг̇г̇аход̇и д̇ан̣хаад̣̇идтивасзна бариг̇г̇ахагаран̣ам̣. мажчарияанд̇и барзхи саад̇хааран̣абхаавасса асаханад̇аа. д̇знзвасса бораан̣аа звам̣ важанад̇т̇ам̣ вад̣̇анд̇и – ‘‘ид̣̇ам̣ ажчарияам̣ маяхамзва ход̇у, маа ан̃н̃асса ажчарияам̣ ход̇ууд̇и бавад̇д̇ад̇д̇аа мажчарияанд̇и вужжад̇ий’’д̇и. аарагкод̇и д̣̇ваарабид̣̇аханаман̃ж̇усаг̇обанаад̣̇ивасзна судту рагкан̣ам̣. ад̇хигарод̇ийд̇и ад̇хигаран̣ам̣; гааран̣ассзд̇ам̣ наамам̣. аарагкаад̇хигаран̣анд̇и бхааванабум̣сагам̣; аарагкахзд̇ууд̇и ад̇т̇о. д̣̇ан̣д̣аад̣̇аанаад̣̇ийсу баранисзд̇ханад̇т̇ам̣ д̣̇ан̣д̣асса аад̣̇аанам̣ д̣̇ан̣д̣аад̣̇аанам̣. згад̇од̇хаараад̣̇ино сад̇т̇асса аад̣̇аанам̣ сад̇т̇аад̣̇аанам̣. галаход̇и гааяагалахоби ваажаагалахоби. буримо буримо вирод̇хо виг̇г̇ахо, бажчимо бажчимо виваад̣̇о. д̇увам̣ д̇уванд̇и аг̇аарававажанам̣, д̇вам̣ д̇ванд̇и ад̇т̇о.
Chandarāgoti evaṃ akusalavitakkena vitakkite vatthusmiṃ dubbalarāgo ca balavarāgo ca uppajjati. Idañhi idha chandoti dubbalarāgassādhivacanaṃ . Ajjhosānanti ahaṃ mamanti balavasanniṭṭhānaṃ. Pariggahoti taṇhādiṭṭhivasena pariggahakaraṇaṃ. Macchariyanti parehi sādhāraṇabhāvassa asahanatā. Tenevassa porāṇā evaṃ vacanatthaṃ vadanti – ‘‘idaṃ acchariyaṃ mayhameva hotu, mā aññassa acchariyaṃ hotūti pavattattā macchariyanti vuccatī’’ti. Ārakkhoti dvārapidahanamañjusagopanādivasena suṭṭhu rakkhaṇaṃ. Adhikarotīti adhikaraṇaṃ; kāraṇassetaṃ nāmaṃ. Ārakkhādhikaraṇanti bhāvanapuṃsakaṃ; ārakkhahetūti attho. Daṇḍādānādīsu paranisedhanatthaṃ daṇḍassa ādānaṃ daṇḍādānaṃ. Ekatodhārādino satthassa ādānaṃ satthādānaṃ. Kalahoti kāyakalahopi vācākalahopi. Purimo purimo virodho viggaho, pacchimo pacchimo vivādo. Tuvaṃ tuvanti agāravavacanaṃ, tvaṃ tvanti attho.
964. ин̃ж̇ид̇аанийд̇и ин̃ж̇анаани жаланаани. асмийд̇и ин̃ж̇ид̇амзд̇анд̇иаад̣̇ийхи саб̣б̣абад̣̇зхи маанова гат̇ид̇о. аханд̇и бавад̇д̇оби хи маано ин̃ж̇ид̇амзва, аяамаханд̇и бавад̇д̇оби, нзвасан̃н̃ийнаасан̃н̃ий бхависсанд̇и бавад̇д̇оби. сзсанавагзхиби маанова гат̇ид̇о. маано хи ин̃ж̇анад̇о ин̃ж̇ид̇ам̣, ман̃н̃анад̇о ман̃н̃ид̇ам̣, панд̣̇анад̇о панд̣̇ид̇ам̣, бабан̃жанад̇о бабан̃жид̇ам̣. д̇зхи д̇зхи гааран̣зхи сан̇кад̇ад̇д̇аа сан̇кад̇анд̇и жа вужжад̇и. сзсам̣ саб̣б̣ад̇т̇а уд̇д̇аанад̇т̇амзваад̇и.
964. Iñjitānīti iñjanāni calanāni. Asmīti iñjitametantiādīhi sabbapadehi mānova kathito. Ahanti pavattopi hi māno iñjitameva, ayamahanti pavattopi, nevasaññīnāsaññī bhavissanti pavattopi. Sesanavakehipi mānova kathito. Māno hi iñjanato iñjitaṃ, maññanato maññitaṃ, phandanato phanditaṃ, papañcanato papañcitaṃ. Tehi tehi kāraṇehi saṅkhatattā saṅkhatanti ca vuccati. Sesaṃ sabbattha uttānatthamevāti.
наваганид̣̇д̣̇зсаван̣н̣анаа.
Navakaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
