| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
навагаваараван̣н̣анаа
Navakavāravaṇṇanā
329. навагзсу аагхаад̇авад̇т̇уунийд̇и (д̣̇ий. ни. адта. 3.340; а. ни. адта. 3.9.29) аагхаад̇агааран̣аани. аагхаад̇абадивинаяаанийд̇и аагхаад̇асса бадивинаяагааран̣аани. д̇ам̣ гуд̇зд̇т̇а лаб̣бхаад̇и ‘‘д̇ам̣ анад̇т̇ажаран̣ам̣ маа ахосий’’д̇и зд̇асмим̣ буг̇г̇алз гуд̇о лаб̣бхаа гзна гааран̣зна саггаа лад̣̇д̇хум̣. ‘‘баро наама барасса ад̇д̇ано жид̇д̇аружияаа анад̇т̇ам̣ гарод̇ий’’д̇и звам̣ жинд̇зд̇ваа аагхаад̇ам̣ бадивинод̣̇зд̇и. ат̇а ваа сажаахам̣ бадиггобам̣ гарзяяам̣, д̇ам̣ гобагаран̣ам̣ зд̇т̇а буг̇г̇алз гуд̇о лаб̣бхаа, гзна гааран̣зна лад̣̇д̇хаб̣б̣ам̣ нирад̇т̇агабхаавад̇од̇и ад̇т̇о. гаммассагаа хи сад̇д̇аа, д̇з гасса ружияаа д̣̇угкид̇аа сукид̇аа ваа бхаванд̇и, д̇асмаа гзвалам̣ д̇асмим̣ маяхам̣ гуж̇жханамад̇д̇амзваад̇и ад̇хиббааяо. ат̇а ваа д̇ам̣ гобагаран̣ам̣ зд̇т̇а буг̇г̇алз гуд̇о лаб̣бхаа барамад̇т̇ад̇о гуж̇жхид̇аб̣б̣асса гуж̇жханагасса жа абхаавад̇о. сан̇каарамад̇д̇ан̃хзд̇ам̣ яад̣̇ид̣̇ам̣ канд̇хабан̃жагам̣ яам̣ ‘‘сад̇д̇о’’д̇и вужжад̇и, д̇з жа сан̇каараа ид̇д̇арагаалаа кан̣игаа, гасса го гуж̇жхад̇ийд̇и ад̇т̇о. ‘‘гуд̇о лаабхаа’’д̇иби баато, сажаахам̣ зд̇т̇а гобам̣ гарзяяам̣, д̇асмим̣ мз гобагаран̣з гуд̇о лаабхаа, лаабхаа наама гз сияум̣ ан̃н̃ад̇ра анад̇т̇уббад̇д̇ид̇од̇и ад̇т̇о. имасмин̃жа ад̇т̇з д̇анд̇и нибаад̇амад̇д̇амзва ход̇и.
329. Navakesu āghātavatthūnīti (dī. ni. aṭṭha. 3.340; a. ni. aṭṭha. 3.9.29) āghātakāraṇāni. Āghātapaṭivinayānīti āghātassa paṭivinayakāraṇāni. Taṃ kutettha labbhāti ‘‘taṃ anatthacaraṇaṃ mā ahosī’’ti etasmiṃ puggale kuto labbhā kena kāraṇena sakkā laddhuṃ. ‘‘Paro nāma parassa attano cittaruciyā anatthaṃ karotī’’ti evaṃ cintetvā āghātaṃ paṭivinodeti. Atha vā sacāhaṃ paṭikkopaṃ kareyyaṃ, taṃ kopakaraṇaṃ ettha puggale kuto labbhā, kena kāraṇena laddhabbaṃ niratthakabhāvatoti attho. Kammassakā hi sattā, te kassa ruciyā dukkhitā sukhitā vā bhavanti, tasmā kevalaṃ tasmiṃ mayhaṃ kujjhanamattamevāti adhippāyo. Atha vā taṃ kopakaraṇaṃ ettha puggale kuto labbhā paramatthato kujjhitabbassa kujjhanakassa ca abhāvato. Saṅkhāramattañhetaṃ yadidaṃ khandhapañcakaṃ yaṃ ‘‘satto’’ti vuccati, te ca saṅkhārā ittarakālā khaṇikā, kassa ko kujjhatīti attho. ‘‘Kuto lābhā’’tipi pāṭho, sacāhaṃ ettha kopaṃ kareyyaṃ, tasmiṃ me kopakaraṇe kuto lābhā, lābhā nāma ke siyuṃ aññatra anatthuppattitoti attho. Imasmiñca atthe tanti nipātamattameva hoti.
д̇ан̣хам̣ бадижжаад̇и (д̣̇ий. ни. адта. 2.103; а. ни. адта. 3.9.23) д̣̇вз д̇ан̣хаа зсанад̇ан̣хаа зсид̇ад̇ан̣хаа жа. яааяа д̇ан̣хааяа аж̇абат̇асан̇губат̇аад̣̇ийни бадибаж̇ж̇ид̇ваа бхог̇з зсад̇и г̇авзсад̇и, аяам̣ зсанад̇ан̣хаа наама. яаа д̇зсу зсид̇зсу г̇авзсид̇зсу бадилад̣̇д̇хзсу д̇ан̣хаа, аяам̣ зсид̇ад̇ан̣хаа наама. ид̇ха зсид̇ад̇ан̣хаа д̣̇адтаб̣б̣аа. бариязсанаад̇и руубаад̣̇иаарамман̣абариязсанаа. саа хи зсанад̇ан̣хааяа сад̇и ход̇и. лаабход̇и руубаад̣̇иаарамман̣аббадилаабхо. со хи бариязсанааяа сад̇и ход̇и. винижчаяо бана н̃аан̣ад̇ан̣хаад̣̇идтивид̇аггавасзна жад̇уб̣б̣ид̇хо. д̇ад̇т̇а ‘‘сукавинижчаяам̣ ж̇ан̃н̃аа, сукавинижчаяам̣ н̃ад̇ваа аж̇жхад̇д̇ам̣ сукамануяун̃ж̇зяяаа’’д̇и (ма. ни. 3.323) аяам̣ н̃аан̣авинижчаяо. ‘‘винижчаяод̇и д̣̇вз винижчаяаа д̇ан̣хаавинижчаяо жа д̣̇идтивинижчаяо жаа’’д̇и (махаани. 102) звам̣ ааг̇ад̇аани адтасад̇ад̇ан̣хаавижарид̇аани д̇ан̣хаавинижчаяо. д̣̇ваасадти д̣̇идтияо д̣̇идтивинижчаяо. ‘‘чанд̣̇о ко, д̣̇зваанаминд̣̇а, вид̇агганид̣̇аано’’д̇и (д̣̇ий. ни. 2.358) имасмим̣ бана суд̇д̇з ид̇ха винижчаяод̇и вуд̇д̇о вид̇аггоязва ааг̇ад̇о. лаабхам̣ лабхид̇ваа хи идтаанидтам̣ сунд̣̇араасунд̣̇аран̃жа вид̇аггзна винижчинаад̇и ‘‘зд̇д̇агам̣ мз руубаарамман̣ад̇т̇ааяа бхависсад̇и, зд̇д̇агам̣ сад̣̇д̣̇аарамман̣ад̇т̇ааяа, зд̇д̇агам̣ маяхам̣ бхависсад̇и, зд̇д̇агам̣ барасса, зд̇д̇агам̣ барибхун̃ж̇иссаами, зд̇д̇агам̣ нид̣̇ахиссаамий’’д̇и. д̇зна вуд̇д̇ам̣ ‘‘лаабхам̣ бадижжа винижчаяо’’д̇и.
Taṇhaṃ paṭiccāti (dī. ni. aṭṭha. 2.103; a. ni. aṭṭha. 3.9.23) dve taṇhā esanataṇhā esitataṇhā ca. Yāya taṇhāya ajapathasaṅkupathādīni paṭipajjitvā bhoge esati gavesati, ayaṃ esanataṇhā nāma. Yā tesu esitesu gavesitesu paṭiladdhesu taṇhā, ayaṃ esitataṇhā nāma. Idha esitataṇhā daṭṭhabbā. Pariyesanāti rūpādiārammaṇapariyesanā. Sā hi esanataṇhāya sati hoti. Lābhoti rūpādiārammaṇappaṭilābho. So hi pariyesanāya sati hoti. Vinicchayo pana ñāṇataṇhādiṭṭhivitakkavasena catubbidho. Tattha ‘‘sukhavinicchayaṃ jaññā, sukhavinicchayaṃ ñatvā ajjhattaṃ sukhamanuyuñjeyyā’’ti (ma. ni. 3.323) ayaṃ ñāṇavinicchayo. ‘‘Vinicchayoti dve vinicchayā taṇhāvinicchayo ca diṭṭhivinicchayo cā’’ti (mahāni. 102) evaṃ āgatāni aṭṭhasatataṇhāvicaritāni taṇhāvinicchayo. Dvāsaṭṭhi diṭṭhiyo diṭṭhivinicchayo. ‘‘Chando kho, devānaminda, vitakkanidāno’’ti (dī. ni. 2.358) imasmiṃ pana sutte idha vinicchayoti vutto vitakkoyeva āgato. Lābhaṃ labhitvā hi iṭṭhāniṭṭhaṃ sundarāsundarañca vitakkena vinicchināti ‘‘ettakaṃ me rūpārammaṇatthāya bhavissati, ettakaṃ saddārammaṇatthāya, ettakaṃ mayhaṃ bhavissati, ettakaṃ parassa, ettakaṃ paribhuñjissāmi, ettakaṃ nidahissāmī’’ti. Tena vuttaṃ ‘‘lābhaṃ paṭicca vinicchayo’’ti.
чанд̣̇арааг̇од̇и звам̣ агусалавид̇аггзна вид̇аггид̇з вад̇т̇усмим̣ д̣̇уб̣б̣аларааг̇о жа б̣алаварааг̇о жа уббаж̇ж̇ад̇и. аж̇жхосаананд̇и ‘‘ахам̣, мама’’нд̇и б̣алавасаннидтаанам̣. бариг̇г̇аход̇и д̇ан̣хаад̣̇идтивасзна бариг̇г̇ахагаран̣ам̣. мажчарияанд̇и барзхи саад̇хааран̣абхаавасса асаханад̇аа. д̇знзвасса бораан̣аа звам̣ важанад̇т̇ам̣ вад̣̇анд̇и ‘‘ид̣̇ам̣ ажчарияам̣ маяхзва ход̇у, маа ан̃н̃асса ажчарияам̣ ход̇ууд̇и бавад̇д̇ад̇д̇аа мажчарияанд̇и вужжад̇ий’’д̇и. аарагкод̇и д̣̇ваарабид̣̇аханаман̃ж̇уусааг̇обанаад̣̇ивасзна судту рагкан̣ам̣. ад̇хи гарод̇ийд̇и ад̇хигаран̣ам̣, гааран̣ассзд̇ам̣ наамам̣. аарагкаад̇хигаран̣анд̇и бхааванабум̣сагам̣, аарагкахзд̇ууд̇и ад̇т̇о. д̣̇ан̣д̣аад̣̇аанаад̣̇ийсу баранисзд̇ханад̇т̇ам̣ д̣̇ан̣д̣асса аад̣̇аанам̣ д̣̇ан̣д̣аад̣̇аанам̣. згад̇од̇хаараад̣̇ино сад̇т̇асса аад̣̇аанам̣ сад̇т̇аад̣̇аанам̣. галаход̇и гааяагалахоби ваажаагалахоби. буримо буримо вирод̇хо виг̇г̇ахо, бажчимо бажчимо виваад̣̇о. д̇увам̣ д̇уванд̇и аг̇аарававасзна ‘‘д̇увам̣ д̇ува’’нд̇и важанам̣.
Chandarāgoti evaṃ akusalavitakkena vitakkite vatthusmiṃ dubbalarāgo ca balavarāgo ca uppajjati. Ajjhosānanti ‘‘ahaṃ, mama’’nti balavasanniṭṭhānaṃ. Pariggahoti taṇhādiṭṭhivasena pariggahakaraṇaṃ. Macchariyanti parehi sādhāraṇabhāvassa asahanatā. Tenevassa porāṇā evaṃ vacanatthaṃ vadanti ‘‘idaṃ acchariyaṃ mayheva hotu, mā aññassa acchariyaṃ hotūti pavattattā macchariyanti vuccatī’’ti. Ārakkhoti dvārapidahanamañjūsāgopanādivasena suṭṭhu rakkhaṇaṃ. Adhi karotīti adhikaraṇaṃ, kāraṇassetaṃ nāmaṃ. Ārakkhādhikaraṇanti bhāvanapuṃsakaṃ, ārakkhahetūti attho. Daṇḍādānādīsu paranisedhanatthaṃ daṇḍassa ādānaṃ daṇḍādānaṃ. Ekatodhārādino satthassa ādānaṃ satthādānaṃ. Kalahoti kāyakalahopi vācākalahopi. Purimo purimo virodho viggaho, pacchimo pacchimo vivādo. Tuvaṃ tuvanti agāravavasena ‘‘tuvaṃ tuva’’nti vacanaṃ.
ад̇хидтид̇агаалад̇о бадтааяа на вигаббзд̇аб̣б̣аанийд̇и вигаббзнд̇зна ад̇хидтаанад̇о буб̣б̣з ваа
Adhiṭṭhitakālatopaṭṭhāya na vikappetabbānīti vikappentena adhiṭṭhānato pubbe vā
вигаббзд̇аб̣б̣ам̣, виж̇ахид̇аад̇хидтаанам̣ ваа бажчаавигаббзд̇аб̣б̣ам̣. авиж̇ахид̇аад̇хидтаанам̣ бана на вигаббзд̇аб̣б̣анд̇и ад̇хиббааяо. д̣̇уггадавасзна вуд̇д̇аанийд̇и ‘‘ваг̇г̇ам̣ бхигкунисан̇гхам̣ ваг̇г̇асан̃н̃ий овад̣̇ад̇ий’’д̇иаад̣̇инаа (баажи. 150) наязна ад̇хаммагаммз д̣̇вз навагаани д̣̇уггадавасзна вуд̇д̇аани.
Vikappetabbaṃ, vijahitādhiṭṭhānaṃ vā pacchāvikappetabbaṃ. Avijahitādhiṭṭhānaṃ pana na vikappetabbanti adhippāyo. Dukkaṭavasena vuttānīti ‘‘vaggaṃ bhikkhunisaṅghaṃ vaggasaññī ovadatī’’tiādinā (pāci. 150) nayena adhammakamme dve navakāni dukkaṭavasena vuttāni.
навагаваараван̣н̣анаа нидтид̇аа.
Navakavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 9. навагавааро • 9. Navakavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / навагаваараван̣н̣анаа • Navakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / навагаваараван̣н̣анаа • Navakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / чаггаваараад̣̇иван̣н̣анаа • Chakkavārādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо навагаваараван̣н̣анаа • Ekuttarikanayo navakavāravaṇṇanā
