| Library / Tipiṭaka / திபிடக • Tipiṭaka / பரிவாரபாளி • Parivārapāḷi |
9. நவகவாரோ
9. Navakavāro
329. நவ ஆகா⁴தவத்தூ²னி. நவ ஆகா⁴தபடிவினயா. நவ வினீதவத்தூ²னி. நவ பட²மாபத்திகா. நவஹி ஸங்கோ⁴ பி⁴ஜ்ஜதி. நவ பணீதபோ⁴ஜனானி . நவமங்ஸேஹி து³க்கடங். நவ பாதிமொக்கு²த்³தே³ஸா. நவ பரமானி. நவ தண்ஹாமூலகா த⁴ம்மா. நவ வித⁴மானா. நவ சீவரானி அதி⁴ட்டா²தப்³பா³னி. நவ சீவரானி ந விகப்பேதப்³பா³னி. தீ³க⁴ஸோ நவ வித³த்தி²யோ ஸுக³தவித³த்தி²யா. நவ அத⁴ம்மிகானி தா³னானி. நவ அத⁴ம்மிகா படிக்³க³ஹா. நவ அத⁴ம்மிகா பரிபோ⁴கா³ – தீணி த⁴ம்மிகானி தா³னானி, தயோ த⁴ம்மிகா படிக்³க³ஹா, தயோ த⁴ம்மிகா பரிபோ⁴கா³. நவ அத⁴ம்மிகா ஸஞ்ஞத்தியோ 1. நவ த⁴ம்மிகா ஸஞ்ஞத்தியோ. அத⁴ம்மகம்மே த்³வே நவகானி. த⁴ம்மகம்மே த்³வே நவகானி. நவ அத⁴ம்மிகானி பாதிமொக்க²ட்ட²பனானி. நவ த⁴ம்மிகானி பாதிமொக்க²ட்ட²பனானீதி.
329. Nava āghātavatthūni. Nava āghātapaṭivinayā. Nava vinītavatthūni. Nava paṭhamāpattikā. Navahi saṅgho bhijjati. Nava paṇītabhojanāni . Navamaṃsehi dukkaṭaṃ. Nava pātimokkhuddesā. Nava paramāni. Nava taṇhāmūlakā dhammā. Nava vidhamānā. Nava cīvarāni adhiṭṭhātabbāni. Nava cīvarāni na vikappetabbāni. Dīghaso nava vidatthiyo sugatavidatthiyā. Nava adhammikāni dānāni. Nava adhammikā paṭiggahā. Nava adhammikā paribhogā – tīṇi dhammikāni dānāni, tayo dhammikā paṭiggahā, tayo dhammikā paribhogā. Nava adhammikā saññattiyo 2. Nava dhammikā saññattiyo. Adhammakamme dve navakāni. Dhammakamme dve navakāni. Nava adhammikāni pātimokkhaṭṭhapanāni. Nava dhammikāni pātimokkhaṭṭhapanānīti.
நவகங் நிட்டி²தங்.
Navakaṃ niṭṭhitaṃ.
தஸ்ஸுத்³தா³னங் –
Tassuddānaṃ –
ஆகா⁴தவத்து²வினயா, வினீதா பட²மேன ச;
Āghātavatthuvinayā, vinītā paṭhamena ca;
பி⁴ஜ்ஜதி ச பணீதஞ்ச, மங்ஸுத்³தே³ஸபரமானி ச.
Bhijjati ca paṇītañca, maṃsuddesaparamāni ca.
தண்ஹா மானா அதி⁴ட்டா²னா, விகப்பே ச வித³த்தி²யோ;
Taṇhā mānā adhiṭṭhānā, vikappe ca vidatthiyo;
தா³னா படிக்³க³ஹா போ⁴கா³, திவிதா⁴ புன த⁴ம்மிகா.
Dānā paṭiggahā bhogā, tividhā puna dhammikā.
அத⁴ம்மத⁴ம்மஸஞ்ஞத்தி, து³வே த்³வே நவகானி ச;
Adhammadhammasaññatti, duve dve navakāni ca;
பாதிமொக்க²ட்ட²பனானி, அத⁴ம்மத⁴ம்மிகானி சாதி.
Pātimokkhaṭṭhapanāni, adhammadhammikāni cāti.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / நவகவாரவண்ணனா • Navakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / நவகவாரவண்ணனா • Navakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / நவகவாரவண்ணனா • Navakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ச²க்கவாராதி³வண்ணனா • Chakkavārādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / ஏகுத்தரிகனயோ நவகவாரவண்ணனா • Ekuttarikanayo navakavāravaṇṇanā
