| Library / Tipiṭaka / তিপিটক • Tipiṭaka / পরিৰারপাল়ি • Parivārapāḷi |
৯. নৰকৰারো
9. Navakavāro
৩২৯. নৰ আঘাতৰত্থূনি। নৰ আঘাতপটিৰিনযা। নৰ ৰিনীতৰত্থূনি। নৰ পঠমাপত্তিকা। নৰহি সঙ্ঘো ভিজ্জতি। নৰ পণীতভোজনানি । নৰমংসেহি দুক্কটং। নৰ পাতিমোক্খুদ্দেসা। নৰ পরমানি। নৰ তণ্হামূলকা ধম্মা। নৰ ৰিধমানা। নৰ চীৰরানি অধিট্ঠাতব্বানি। নৰ চীৰরানি ন ৰিকপ্পেতব্বানি। দীঘসো নৰ ৰিদত্থিযো সুগতৰিদত্থিযা। নৰ অধম্মিকানি দানানি। নৰ অধম্মিকা পটিগ্গহা। নৰ অধম্মিকা পরিভোগা – তীণি ধম্মিকানি দানানি, তযো ধম্মিকা পটিগ্গহা, তযো ধম্মিকা পরিভোগা। নৰ অধম্মিকা সঞ্ঞত্তিযো 1। নৰ ধম্মিকা সঞ্ঞত্তিযো। অধম্মকম্মে দ্ৰে নৰকানি। ধম্মকম্মে দ্ৰে নৰকানি। নৰ অধম্মিকানি পাতিমোক্খট্ঠপনানি। নৰ ধম্মিকানি পাতিমোক্খট্ঠপনানীতি।
329. Nava āghātavatthūni. Nava āghātapaṭivinayā. Nava vinītavatthūni. Nava paṭhamāpattikā. Navahi saṅgho bhijjati. Nava paṇītabhojanāni . Navamaṃsehi dukkaṭaṃ. Nava pātimokkhuddesā. Nava paramāni. Nava taṇhāmūlakā dhammā. Nava vidhamānā. Nava cīvarāni adhiṭṭhātabbāni. Nava cīvarāni na vikappetabbāni. Dīghaso nava vidatthiyo sugatavidatthiyā. Nava adhammikāni dānāni. Nava adhammikā paṭiggahā. Nava adhammikā paribhogā – tīṇi dhammikāni dānāni, tayo dhammikā paṭiggahā, tayo dhammikā paribhogā. Nava adhammikā saññattiyo 2. Nava dhammikā saññattiyo. Adhammakamme dve navakāni. Dhammakamme dve navakāni. Nava adhammikāni pātimokkhaṭṭhapanāni. Nava dhammikāni pātimokkhaṭṭhapanānīti.
নৰকং নিট্ঠিতং।
Navakaṃ niṭṭhitaṃ.
তস্সুদ্দানং –
Tassuddānaṃ –
আঘাতৰত্থুৰিনযা, ৰিনীতা পঠমেন চ।
Āghātavatthuvinayā, vinītā paṭhamena ca;
ভিজ্জতি চ পণীতঞ্চ, মংসুদ্দেসপরমানি চ॥
Bhijjati ca paṇītañca, maṃsuddesaparamāni ca.
তণ্হা মানা অধিট্ঠানা, ৰিকপ্পে চ ৰিদত্থিযো।
Taṇhā mānā adhiṭṭhānā, vikappe ca vidatthiyo;
দানা পটিগ্গহা ভোগা, তিৰিধা পুন ধম্মিকা॥
Dānā paṭiggahā bhogā, tividhā puna dhammikā.
অধম্মধম্মসঞ্ঞত্তি, দুৰে দ্ৰে নৰকানি চ।
Adhammadhammasaññatti, duve dve navakāni ca;
পাতিমোক্খট্ঠপনানি, অধম্মধম্মিকানি চাতি॥
Pātimokkhaṭṭhapanāni, adhammadhammikāni cāti.
Footnotes:
Related texts:
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā / নৰকৰারৰণ্ণনা • Navakavāravaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / নৰকৰারৰণ্ণনা • Navakavāravaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / নৰকৰারৰণ্ণনা • Navakavāravaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ছক্কৰারাদিৰণ্ণনা • Chakkavārādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / একুত্তরিকনযো নৰকৰারৰণ্ণনা • Ekuttarikanayo navakavāravaṇṇanā
