| Library / Tipiṭaka / तिपिटक • Tipiṭaka / परिवारपाळि • Parivārapāḷi |
९. नवकवारो
9. Navakavāro
३२९. नव आघातवत्थूनि। नव आघातपटिविनया। नव विनीतवत्थूनि। नव पठमापत्तिका। नवहि सङ्घो भिज्जति। नव पणीतभोजनानि । नवमंसेहि दुक्कटं। नव पातिमोक्खुद्देसा। नव परमानि। नव तण्हामूलका धम्मा। नव विधमाना। नव चीवरानि अधिट्ठातब्बानि। नव चीवरानि न विकप्पेतब्बानि। दीघसो नव विदत्थियो सुगतविदत्थिया। नव अधम्मिकानि दानानि। नव अधम्मिका पटिग्गहा। नव अधम्मिका परिभोगा – तीणि धम्मिकानि दानानि, तयो धम्मिका पटिग्गहा, तयो धम्मिका परिभोगा। नव अधम्मिका सञ्ञत्तियो 1। नव धम्मिका सञ्ञत्तियो। अधम्मकम्मे द्वे नवकानि। धम्मकम्मे द्वे नवकानि। नव अधम्मिकानि पातिमोक्खट्ठपनानि। नव धम्मिकानि पातिमोक्खट्ठपनानीति।
329. Nava āghātavatthūni. Nava āghātapaṭivinayā. Nava vinītavatthūni. Nava paṭhamāpattikā. Navahi saṅgho bhijjati. Nava paṇītabhojanāni . Navamaṃsehi dukkaṭaṃ. Nava pātimokkhuddesā. Nava paramāni. Nava taṇhāmūlakā dhammā. Nava vidhamānā. Nava cīvarāni adhiṭṭhātabbāni. Nava cīvarāni na vikappetabbāni. Dīghaso nava vidatthiyo sugatavidatthiyā. Nava adhammikāni dānāni. Nava adhammikā paṭiggahā. Nava adhammikā paribhogā – tīṇi dhammikāni dānāni, tayo dhammikā paṭiggahā, tayo dhammikā paribhogā. Nava adhammikā saññattiyo 2. Nava dhammikā saññattiyo. Adhammakamme dve navakāni. Dhammakamme dve navakāni. Nava adhammikāni pātimokkhaṭṭhapanāni. Nava dhammikāni pātimokkhaṭṭhapanānīti.
नवकं निट्ठितं।
Navakaṃ niṭṭhitaṃ.
तस्सुद्दानं –
Tassuddānaṃ –
आघातवत्थुविनया, विनीता पठमेन च।
Āghātavatthuvinayā, vinītā paṭhamena ca;
भिज्जति च पणीतञ्च, मंसुद्देसपरमानि च॥
Bhijjati ca paṇītañca, maṃsuddesaparamāni ca.
तण्हा माना अधिट्ठाना, विकप्पे च विदत्थियो।
Taṇhā mānā adhiṭṭhānā, vikappe ca vidatthiyo;
दाना पटिग्गहा भोगा, तिविधा पुन धम्मिका॥
Dānā paṭiggahā bhogā, tividhā puna dhammikā.
अधम्मधम्मसञ्ञत्ति, दुवे द्वे नवकानि च।
Adhammadhammasaññatti, duve dve navakāni ca;
पातिमोक्खट्ठपनानि, अधम्मधम्मिकानि चाति॥
Pātimokkhaṭṭhapanāni, adhammadhammikāni cāti.
Footnotes:
Related texts:
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / परिवार-अट्ठकथा • Parivāra-aṭṭhakathā / नवकवारवण्णना • Navakavāravaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / नवकवारवण्णना • Navakavāravaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / नवकवारवण्णना • Navakavāravaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / छक्कवारादिवण्णना • Chakkavārādivaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / एकुत्तरिकनयो नवकवारवण्णना • Ekuttarikanayo navakavāravaṇṇanā
