| Library / Tipiṭaka / తిపిటక • Tipiṭaka / పరివారపాళి • Parivārapāḷi |
౯. నవకవారో
9. Navakavāro
౩౨౯. నవ ఆఘాతవత్థూని. నవ ఆఘాతపటివినయా. నవ వినీతవత్థూని. నవ పఠమాపత్తికా. నవహి సఙ్ఘో భిజ్జతి. నవ పణీతభోజనాని . నవమంసేహి దుక్కటం. నవ పాతిమోక్ఖుద్దేసా. నవ పరమాని. నవ తణ్హామూలకా ధమ్మా. నవ విధమానా. నవ చీవరాని అధిట్ఠాతబ్బాని. నవ చీవరాని న వికప్పేతబ్బాని. దీఘసో నవ విదత్థియో సుగతవిదత్థియా. నవ అధమ్మికాని దానాని. నవ అధమ్మికా పటిగ్గహా. నవ అధమ్మికా పరిభోగా – తీణి ధమ్మికాని దానాని, తయో ధమ్మికా పటిగ్గహా, తయో ధమ్మికా పరిభోగా. నవ అధమ్మికా సఞ్ఞత్తియో 1. నవ ధమ్మికా సఞ్ఞత్తియో. అధమ్మకమ్మే ద్వే నవకాని. ధమ్మకమ్మే ద్వే నవకాని. నవ అధమ్మికాని పాతిమోక్ఖట్ఠపనాని. నవ ధమ్మికాని పాతిమోక్ఖట్ఠపనానీతి.
329. Nava āghātavatthūni. Nava āghātapaṭivinayā. Nava vinītavatthūni. Nava paṭhamāpattikā. Navahi saṅgho bhijjati. Nava paṇītabhojanāni . Navamaṃsehi dukkaṭaṃ. Nava pātimokkhuddesā. Nava paramāni. Nava taṇhāmūlakā dhammā. Nava vidhamānā. Nava cīvarāni adhiṭṭhātabbāni. Nava cīvarāni na vikappetabbāni. Dīghaso nava vidatthiyo sugatavidatthiyā. Nava adhammikāni dānāni. Nava adhammikā paṭiggahā. Nava adhammikā paribhogā – tīṇi dhammikāni dānāni, tayo dhammikā paṭiggahā, tayo dhammikā paribhogā. Nava adhammikā saññattiyo 2. Nava dhammikā saññattiyo. Adhammakamme dve navakāni. Dhammakamme dve navakāni. Nava adhammikāni pātimokkhaṭṭhapanāni. Nava dhammikāni pātimokkhaṭṭhapanānīti.
నవకం నిట్ఠితం.
Navakaṃ niṭṭhitaṃ.
తస్సుద్దానం –
Tassuddānaṃ –
ఆఘాతవత్థువినయా, వినీతా పఠమేన చ;
Āghātavatthuvinayā, vinītā paṭhamena ca;
భిజ్జతి చ పణీతఞ్చ, మంసుద్దేసపరమాని చ.
Bhijjati ca paṇītañca, maṃsuddesaparamāni ca.
తణ్హా మానా అధిట్ఠానా, వికప్పే చ విదత్థియో;
Taṇhā mānā adhiṭṭhānā, vikappe ca vidatthiyo;
దానా పటిగ్గహా భోగా, తివిధా పున ధమ్మికా.
Dānā paṭiggahā bhogā, tividhā puna dhammikā.
అధమ్మధమ్మసఞ్ఞత్తి, దువే ద్వే నవకాని చ;
Adhammadhammasaññatti, duve dve navakāni ca;
పాతిమోక్ఖట్ఠపనాని, అధమ్మధమ్మికాని చాతి.
Pātimokkhaṭṭhapanāni, adhammadhammikāni cāti.
Footnotes:
Related texts:
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / పరివార-అట్ఠకథా • Parivāra-aṭṭhakathā / నవకవారవణ్ణనా • Navakavāravaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / నవకవారవణ్ణనా • Navakavāravaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / నవకవారవణ్ణనా • Navakavāravaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / ఛక్కవారాదివణ్ణనా • Chakkavārādivaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ఏకుత్తరికనయో నవకవారవణ్ణనా • Ekuttarikanayo navakavāravaṇṇanā
