| Library / Tipiṭaka / ติปิฎก • Tipiṭaka / ปริวารปาฬิ • Parivārapāḷi |
๙. นวกวาโร
9. Navakavāro
๓๒๙. นว อาฆาตวตฺถูนิฯ นว อาฆาตปฎิวินยาฯ นว วินีตวตฺถูนิฯ นว ปฐมาปตฺติกาฯ นวหิ สโงฺฆ ภิชฺชติฯ นว ปณีตโภชนานิ ฯ นวมํเสหิ ทุกฺกฎํฯ นว ปาติโมกฺขุเทฺทสาฯ นว ปรมานิฯ นว ตณฺหามูลกา ธมฺมาฯ นว วิธมานาฯ นว จีวรานิ อธิฎฺฐาตพฺพานิฯ นว จีวรานิ น วิกเปฺปตพฺพานิฯ ทีฆโส นว วิทตฺถิโย สุคตวิทตฺถิยาฯ นว อธมฺมิกานิ ทานานิฯ นว อธมฺมิกา ปฎิคฺคหาฯ นว อธมฺมิกา ปริโภคา – ตีณิ ธมฺมิกานิ ทานานิ, ตโย ธมฺมิกา ปฎิคฺคหา, ตโย ธมฺมิกา ปริโภคาฯ นว อธมฺมิกา สญฺญตฺติโย 1ฯ นว ธมฺมิกา สญฺญตฺติโยฯ อธมฺมกเมฺม เทฺว นวกานิฯ ธมฺมกเมฺม เทฺว นวกานิฯ นว อธมฺมิกานิ ปาติโมกฺขฎฺฐปนานิฯ นว ธมฺมิกานิ ปาติโมกฺขฎฺฐปนานีติฯ
329. Nava āghātavatthūni. Nava āghātapaṭivinayā. Nava vinītavatthūni. Nava paṭhamāpattikā. Navahi saṅgho bhijjati. Nava paṇītabhojanāni . Navamaṃsehi dukkaṭaṃ. Nava pātimokkhuddesā. Nava paramāni. Nava taṇhāmūlakā dhammā. Nava vidhamānā. Nava cīvarāni adhiṭṭhātabbāni. Nava cīvarāni na vikappetabbāni. Dīghaso nava vidatthiyo sugatavidatthiyā. Nava adhammikāni dānāni. Nava adhammikā paṭiggahā. Nava adhammikā paribhogā – tīṇi dhammikāni dānāni, tayo dhammikā paṭiggahā, tayo dhammikā paribhogā. Nava adhammikā saññattiyo 2. Nava dhammikā saññattiyo. Adhammakamme dve navakāni. Dhammakamme dve navakāni. Nava adhammikāni pātimokkhaṭṭhapanāni. Nava dhammikāni pātimokkhaṭṭhapanānīti.
นวกํ นิฎฺฐิตํฯ
Navakaṃ niṭṭhitaṃ.
ตสฺสุทฺทานํ –
Tassuddānaṃ –
อาฆาตวตฺถุวินยา, วินีตา ปฐเมน จ;
Āghātavatthuvinayā, vinītā paṭhamena ca;
ภิชฺชติ จ ปณีตญฺจ, มํสุเทฺทสปรมานิ จฯ
Bhijjati ca paṇītañca, maṃsuddesaparamāni ca.
ตณฺหา มานา อธิฎฺฐานา, วิกเปฺป จ วิทตฺถิโย;
Taṇhā mānā adhiṭṭhānā, vikappe ca vidatthiyo;
ทานา ปฎิคฺคหา โภคา, ติวิธา ปุน ธมฺมิกาฯ
Dānā paṭiggahā bhogā, tividhā puna dhammikā.
อธมฺมธมฺมสญฺญตฺติ, ทุเว เทฺว นวกานิ จ;
Adhammadhammasaññatti, duve dve navakāni ca;
ปาติโมกฺขฎฺฐปนานิ, อธมฺมธมฺมิกานิ จาติฯ
Pātimokkhaṭṭhapanāni, adhammadhammikāni cāti.
Footnotes:
Related texts:
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / นวกวารวณฺณนา • Navakavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / นวกวารวณฺณนา • Navakavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / นวกวารวณฺณนา • Navakavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ฉกฺกวาราทิวณฺณนา • Chakkavārādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / เอกุตฺตริกนโย นวกวารวณฺณนา • Ekuttarikanayo navakavāravaṇṇanā
