| Library / Tipiṭaka / តិបិដក • Tipiṭaka / បរិវារបាឡិ • Parivārapāḷi |
៩. នវកវារោ
9. Navakavāro
៣២៩. នវ អាឃាតវត្ថូនិ។ នវ អាឃាតបដិវិនយា។ នវ វិនីតវត្ថូនិ។ នវ បឋមាបត្តិកា។ នវហិ សង្ឃោ ភិជ្ជតិ។ នវ បណីតភោជនានិ ។ នវមំសេហិ ទុក្កដំ។ នវ បាតិមោក្ខុទ្ទេសា។ នវ បរមានិ។ នវ តណ្ហាមូលកា ធម្មា។ នវ វិធមានា។ នវ ចីវរានិ អធិដ្ឋាតព្ពានិ។ នវ ចីវរានិ ន វិកប្បេតព្ពានិ។ ទីឃសោ នវ វិទត្ថិយោ សុគតវិទត្ថិយា។ នវ អធម្មិកានិ ទានានិ។ នវ អធម្មិកា បដិគ្គហា។ នវ អធម្មិកា បរិភោគា – តីណិ ធម្មិកានិ ទានានិ, តយោ ធម្មិកា បដិគ្គហា, តយោ ធម្មិកា បរិភោគា។ នវ អធម្មិកា សញ្ញត្តិយោ 1។ នវ ធម្មិកា សញ្ញត្តិយោ។ អធម្មកម្មេ ទ្វេ នវកានិ។ ធម្មកម្មេ ទ្វេ នវកានិ។ នវ អធម្មិកានិ បាតិមោក្ខដ្ឋបនានិ។ នវ ធម្មិកានិ បាតិមោក្ខដ្ឋបនានីតិ។
329. Nava āghātavatthūni. Nava āghātapaṭivinayā. Nava vinītavatthūni. Nava paṭhamāpattikā. Navahi saṅgho bhijjati. Nava paṇītabhojanāni . Navamaṃsehi dukkaṭaṃ. Nava pātimokkhuddesā. Nava paramāni. Nava taṇhāmūlakā dhammā. Nava vidhamānā. Nava cīvarāni adhiṭṭhātabbāni. Nava cīvarāni na vikappetabbāni. Dīghaso nava vidatthiyo sugatavidatthiyā. Nava adhammikāni dānāni. Nava adhammikā paṭiggahā. Nava adhammikā paribhogā – tīṇi dhammikāni dānāni, tayo dhammikā paṭiggahā, tayo dhammikā paribhogā. Nava adhammikā saññattiyo 2. Nava dhammikā saññattiyo. Adhammakamme dve navakāni. Dhammakamme dve navakāni. Nava adhammikāni pātimokkhaṭṭhapanāni. Nava dhammikāni pātimokkhaṭṭhapanānīti.
នវកំ និដ្ឋិតំ។
Navakaṃ niṭṭhitaṃ.
តស្សុទ្ទានំ –
Tassuddānaṃ –
អាឃាតវត្ថុវិនយា, វិនីតា បឋមេន ច;
Āghātavatthuvinayā, vinītā paṭhamena ca;
ភិជ្ជតិ ច បណីតញ្ច, មំសុទ្ទេសបរមានិ ច។
Bhijjati ca paṇītañca, maṃsuddesaparamāni ca.
តណ្ហា មានា អធិដ្ឋានា, វិកប្បេ ច វិទត្ថិយោ;
Taṇhā mānā adhiṭṭhānā, vikappe ca vidatthiyo;
ទានា បដិគ្គហា ភោគា, តិវិធា បុន ធម្មិកា។
Dānā paṭiggahā bhogā, tividhā puna dhammikā.
អធម្មធម្មសញ្ញត្តិ, ទុវេ ទ្វេ នវកានិ ច;
Adhammadhammasaññatti, duve dve navakāni ca;
បាតិមោក្ខដ្ឋបនានិ, អធម្មធម្មិកានិ ចាតិ។
Pātimokkhaṭṭhapanāni, adhammadhammikāni cāti.
Footnotes:
Related texts:
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā / នវកវារវណ្ណនា • Navakavāravaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / នវកវារវណ្ណនា • Navakavāravaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / នវកវារវណ្ណនា • Navakavāravaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ឆក្កវារាទិវណ្ណនា • Chakkavārādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ឯកុត្តរិកនយោ នវកវារវណ្ណនា • Ekuttarikanayo navakavāravaṇṇanā
