| Library / Tipiṭaka / တိပိဋက • Tipiṭaka / ပရိဝာရပာဠိ • Parivārapāḷi |
၉. နဝကဝာရော
9. Navakavāro
၃၂၉. နဝ အာဃာတဝတ္ထူနိ။ နဝ အာဃာတပဋိဝိနယာ။ နဝ ဝိနီတဝတ္ထူနိ။ နဝ ပဌမာပတ္တိကာ။ နဝဟိ သင္ဃော ဘိဇ္ဇတိ။ နဝ ပဏီတဘောဇနာနိ ။ နဝမံသေဟိ ဒုက္ကဋံ။ နဝ ပာတိမောက္ခုဒ္ဒေသာ။ နဝ ပရမာနိ။ နဝ တဏ္ဟာမူလကာ ဓမ္မာ။ နဝ ဝိဓမာနာ။ နဝ စီဝရာနိ အဓိဋ္ဌာတဗ္ဗာနိ။ နဝ စီဝရာနိ န ဝိကပ္ပေတဗ္ဗာနိ။ ဒီဃသော နဝ ဝိဒတ္ထိယော သုဂတဝိဒတ္ထိယာ။ နဝ အဓမ္မိကာနိ ဒာနာနိ။ နဝ အဓမ္မိကာ ပဋိဂ္ဂဟာ။ နဝ အဓမ္မိကာ ပရိဘောဂာ – တီဏိ ဓမ္မိကာနိ ဒာနာနိ, တယော ဓမ္မိကာ ပဋိဂ္ဂဟာ, တယော ဓမ္မိကာ ပရိဘောဂာ။ နဝ အဓမ္မိကာ သညတ္တိယော 1။ နဝ ဓမ္မိကာ သညတ္တိယော။ အဓမ္မကမ္မေ ဒ္ဝေ နဝကာနိ။ ဓမ္မကမ္မေ ဒ္ဝေ နဝကာနိ။ နဝ အဓမ္မိကာနိ ပာတိမောက္ခဋ္ဌပနာနိ။ နဝ ဓမ္မိကာနိ ပာတိမောက္ခဋ္ဌပနာနီတိ။
329. Nava āghātavatthūni. Nava āghātapaṭivinayā. Nava vinītavatthūni. Nava paṭhamāpattikā. Navahi saṅgho bhijjati. Nava paṇītabhojanāni . Navamaṃsehi dukkaṭaṃ. Nava pātimokkhuddesā. Nava paramāni. Nava taṇhāmūlakā dhammā. Nava vidhamānā. Nava cīvarāni adhiṭṭhātabbāni. Nava cīvarāni na vikappetabbāni. Dīghaso nava vidatthiyo sugatavidatthiyā. Nava adhammikāni dānāni. Nava adhammikā paṭiggahā. Nava adhammikā paribhogā – tīṇi dhammikāni dānāni, tayo dhammikā paṭiggahā, tayo dhammikā paribhogā. Nava adhammikā saññattiyo 2. Nava dhammikā saññattiyo. Adhammakamme dve navakāni. Dhammakamme dve navakāni. Nava adhammikāni pātimokkhaṭṭhapanāni. Nava dhammikāni pātimokkhaṭṭhapanānīti.
နဝကံ နိဋ္ဌိတံ။
Navakaṃ niṭṭhitaṃ.
တသ္သုဒ္ဒာနံ –
Tassuddānaṃ –
အာဃာတဝတ္ထုဝိနယာ၊ ဝိနီတာ ပဌမေန စ။
Āghātavatthuvinayā, vinītā paṭhamena ca;
ဘိဇ္ဇတိ စ ပဏီတဉ္စ၊ မံသုဒ္ဒေသပရမာနိ စ။
Bhijjati ca paṇītañca, maṃsuddesaparamāni ca.
တဏ္ဟာ မာနာ အဓိဋ္ဌာနာ၊ ဝိကပ္ပေ စ ဝိဒတ္ထိယော။
Taṇhā mānā adhiṭṭhānā, vikappe ca vidatthiyo;
ဒာနာ ပဋိဂ္ဂဟာ ဘောဂာ၊ တိဝိဓာ ပုန ဓမ္မိကာ။
Dānā paṭiggahā bhogā, tividhā puna dhammikā.
အဓမ္မဓမ္မသညတ္တိ၊ ဒုဝေ ဒ္ဝေ နဝကာနိ စ။
Adhammadhammasaññatti, duve dve navakāni ca;
ပာတိမောက္ခဋ္ဌပနာနိ၊ အဓမ္မဓမ္မိကာနိ စာတိ။
Pātimokkhaṭṭhapanāni, adhammadhammikāni cāti.
Footnotes:
Related texts:
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / နဝကဝာရဝဏ္ဏနာ • Navakavāravaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / နဝကဝာရဝဏ္ဏနာ • Navakavāravaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / နဝကဝာရဝဏ္ဏနာ • Navakavāravaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဆက္ကဝာရာဒိဝဏ္ဏနာ • Chakkavārādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ဧကုတ္တရိကနယော နဝကဝာရဝဏ္ဏနာ • Ekuttarikanayo navakavāravaṇṇanā
