| Library / Tipiṭaka / තිපිටක • Tipiṭaka / පරිවාරපාළි • Parivārapāḷi |
9. නවකවාරො
9. Navakavāro
329. නව ආඝාතවත්‌ථූනි. නව ආඝාතපටිවිනයා. නව විනීතවත්‌ථූනි. නව පඨමාපත්‌තිකා. නවහි සඞ්‌ඝො භිජ්‌ජති. නව පණීතභොජනානි . නවමංසෙහි දුක්‌කටං. නව පාතිමොක්‌ඛුද්‌දෙසා. නව පරමානි. නව තණ්‌හාමූලකා ධම්‌මා. නව විධමානා. නව චීවරානි අධිට්‌ඨාතබ්‌බානි. නව චීවරානි න විකප්‌පෙතබ්‌බානි. දීඝසො නව විදත්‌ථියො සුගතවිදත්‌ථියා. නව අධම්‌මිකානි දානානි. නව අධම්‌මිකා පටිග්‌ගහා. නව අධම්‌මිකා පරිභොගා – තීණි ධම්‌මිකානි දානානි, තයො ධම්‌මිකා පටිග්‌ගහා, තයො ධම්‌මිකා පරිභොගා. නව අධම්‌මිකා සඤ්‌ඤත්‌තියො 1. නව ධම්‌මිකා සඤ්‌ඤත්‌තියො. අධම්‌මකම්‌මෙ ද්‌වෙ නවකානි. ධම්‌මකම්‌මෙ ද්‌වෙ නවකානි. නව අධම්‌මිකානි පාතිමොක්‌ඛට්‌ඨපනානි. නව ධම්‌මිකානි පාතිමොක්‌ඛට්‌ඨපනානීති.
329. Nava āghātavatthūni. Nava āghātapaṭivinayā. Nava vinītavatthūni. Nava paṭhamāpattikā. Navahi saṅgho bhijjati. Nava paṇītabhojanāni . Navamaṃsehi dukkaṭaṃ. Nava pātimokkhuddesā. Nava paramāni. Nava taṇhāmūlakā dhammā. Nava vidhamānā. Nava cīvarāni adhiṭṭhātabbāni. Nava cīvarāni na vikappetabbāni. Dīghaso nava vidatthiyo sugatavidatthiyā. Nava adhammikāni dānāni. Nava adhammikā paṭiggahā. Nava adhammikā paribhogā – tīṇi dhammikāni dānāni, tayo dhammikā paṭiggahā, tayo dhammikā paribhogā. Nava adhammikā saññattiyo 2. Nava dhammikā saññattiyo. Adhammakamme dve navakāni. Dhammakamme dve navakāni. Nava adhammikāni pātimokkhaṭṭhapanāni. Nava dhammikāni pātimokkhaṭṭhapanānīti.
නවකං නිට්‌ඨිතං.
Navakaṃ niṭṭhitaṃ.
තස්‌සුද්‌දානං –
Tassuddānaṃ –
ආඝාතවත්‌ථුවිනයා, විනීතා පඨමෙන ච;
Āghātavatthuvinayā, vinītā paṭhamena ca;
භිජ්‌ජති ච පණීතඤ්‌ච, මංසුද්‌දෙසපරමානි ච.
Bhijjati ca paṇītañca, maṃsuddesaparamāni ca.
තණ්‌හා මානා අධිට්‌ඨානා, විකප්‌පෙ ච විදත්‌ථියො;
Taṇhā mānā adhiṭṭhānā, vikappe ca vidatthiyo;
දානා පටිග්‌ගහා භොගා, තිවිධා පුන ධම්‌මිකා.
Dānā paṭiggahā bhogā, tividhā puna dhammikā.
අධම්‌මධම්‌මසඤ්‌ඤත්‌ති, දුවෙ ද්‌වෙ නවකානි ච;
Adhammadhammasaññatti, duve dve navakāni ca;
පාතිමොක්‌ඛට්‌ඨපනානි, අධම්‌මධම්‌මිකානි චාති.
Pātimokkhaṭṭhapanāni, adhammadhammikāni cāti.
Footnotes:
Related texts:
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā / නවකවාරවණ්‌ණනා • Navakavāravaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / නවකවාරවණ්‌ණනා • Navakavāravaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / නවකවාරවණ්‌ණනා • Navakavāravaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / ඡක්‌කවාරාදිවණ්‌ණනා • Chakkavārādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / එකුත්‌තරිකනයො නවකවාරවණ්‌ණනා • Ekuttarikanayo navakavāravaṇṇanā
