| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
੯. ਨવਕવਾਰੋ
9. Navakavāro
੩੨੯. ਨવ ਆਘਾਤવਤ੍ਥੂਨਿ। ਨવ ਆਘਾਤਪਟਿવਿਨਯਾ। ਨવ વਿਨੀਤવਤ੍ਥੂਨਿ। ਨવ ਪਠਮਾਪਤ੍ਤਿਕਾ। ਨવਹਿ ਸਙ੍ਘੋ ਭਿਜ੍ਜਤਿ। ਨવ ਪਣੀਤਭੋਜਨਾਨਿ । ਨવਮਂਸੇਹਿ ਦੁਕ੍ਕਟਂ। ਨવ ਪਾਤਿਮੋਕ੍ਖੁਦ੍ਦੇਸਾ। ਨવ ਪਰਮਾਨਿ। ਨવ ਤਣ੍ਹਾਮੂਲਕਾ ਧਮ੍ਮਾ। ਨવ વਿਧਮਾਨਾ। ਨવ ਚੀવਰਾਨਿ ਅਧਿਟ੍ਠਾਤਬ੍ਬਾਨਿ। ਨવ ਚੀવਰਾਨਿ ਨ વਿਕਪ੍ਪੇਤਬ੍ਬਾਨਿ। ਦੀਘਸੋ ਨવ વਿਦਤ੍ਥਿਯੋ ਸੁਗਤવਿਦਤ੍ਥਿਯਾ। ਨવ ਅਧਮ੍ਮਿਕਾਨਿ ਦਾਨਾਨਿ। ਨવ ਅਧਮ੍ਮਿਕਾ ਪਟਿਗ੍ਗਹਾ। ਨવ ਅਧਮ੍ਮਿਕਾ ਪਰਿਭੋਗਾ – ਤੀਣਿ ਧਮ੍ਮਿਕਾਨਿ ਦਾਨਾਨਿ, ਤਯੋ ਧਮ੍ਮਿਕਾ ਪਟਿਗ੍ਗਹਾ, ਤਯੋ ਧਮ੍ਮਿਕਾ ਪਰਿਭੋਗਾ। ਨવ ਅਧਮ੍ਮਿਕਾ ਸਞ੍ਞਤ੍ਤਿਯੋ 1। ਨવ ਧਮ੍ਮਿਕਾ ਸਞ੍ਞਤ੍ਤਿਯੋ। ਅਧਮ੍ਮਕਮ੍ਮੇ ਦ੍વੇ ਨવਕਾਨਿ। ਧਮ੍ਮਕਮ੍ਮੇ ਦ੍વੇ ਨવਕਾਨਿ। ਨવ ਅਧਮ੍ਮਿਕਾਨਿ ਪਾਤਿਮੋਕ੍ਖਟ੍ਠਪਨਾਨਿ। ਨવ ਧਮ੍ਮਿਕਾਨਿ ਪਾਤਿਮੋਕ੍ਖਟ੍ਠਪਨਾਨੀਤਿ।
329. Nava āghātavatthūni. Nava āghātapaṭivinayā. Nava vinītavatthūni. Nava paṭhamāpattikā. Navahi saṅgho bhijjati. Nava paṇītabhojanāni . Navamaṃsehi dukkaṭaṃ. Nava pātimokkhuddesā. Nava paramāni. Nava taṇhāmūlakā dhammā. Nava vidhamānā. Nava cīvarāni adhiṭṭhātabbāni. Nava cīvarāni na vikappetabbāni. Dīghaso nava vidatthiyo sugatavidatthiyā. Nava adhammikāni dānāni. Nava adhammikā paṭiggahā. Nava adhammikā paribhogā – tīṇi dhammikāni dānāni, tayo dhammikā paṭiggahā, tayo dhammikā paribhogā. Nava adhammikā saññattiyo 2. Nava dhammikā saññattiyo. Adhammakamme dve navakāni. Dhammakamme dve navakāni. Nava adhammikāni pātimokkhaṭṭhapanāni. Nava dhammikāni pātimokkhaṭṭhapanānīti.
ਨવਕਂ ਨਿਟ੍ਠਿਤਂ।
Navakaṃ niṭṭhitaṃ.
ਤਸ੍ਸੁਦ੍ਦਾਨਂ –
Tassuddānaṃ –
ਆਘਾਤવਤ੍ਥੁવਿਨਯਾ, વਿਨੀਤਾ ਪਠਮੇਨ ਚ।
Āghātavatthuvinayā, vinītā paṭhamena ca;
ਭਿਜ੍ਜਤਿ ਚ ਪਣੀਤਞ੍ਚ, ਮਂਸੁਦ੍ਦੇਸਪਰਮਾਨਿ ਚ॥
Bhijjati ca paṇītañca, maṃsuddesaparamāni ca.
ਤਣ੍ਹਾ ਮਾਨਾ ਅਧਿਟ੍ਠਾਨਾ, વਿਕਪ੍ਪੇ ਚ વਿਦਤ੍ਥਿਯੋ।
Taṇhā mānā adhiṭṭhānā, vikappe ca vidatthiyo;
ਦਾਨਾ ਪਟਿਗ੍ਗਹਾ ਭੋਗਾ, ਤਿવਿਧਾ ਪੁਨ ਧਮ੍ਮਿਕਾ॥
Dānā paṭiggahā bhogā, tividhā puna dhammikā.
ਅਧਮ੍ਮਧਮ੍ਮਸਞ੍ਞਤ੍ਤਿ, ਦੁવੇ ਦ੍વੇ ਨવਕਾਨਿ ਚ।
Adhammadhammasaññatti, duve dve navakāni ca;
ਪਾਤਿਮੋਕ੍ਖਟ੍ਠਪਨਾਨਿ, ਅਧਮ੍ਮਧਮ੍ਮਿਕਾਨਿ ਚਾਤਿ॥
Pātimokkhaṭṭhapanāni, adhammadhammikāni cāti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਨવਕવਾਰવਣ੍ਣਨਾ • Navakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਨવਕવਾਰવਣ੍ਣਨਾ • Navakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਨવਕવਾਰવਣ੍ਣਨਾ • Navakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਛਕ੍ਕવਾਰਾਦਿવਣ੍ਣਨਾ • Chakkavārādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਏਕੁਤ੍ਤਰਿਕਨਯੋ ਨવਕવਾਰવਣ੍ਣਨਾ • Ekuttarikanayo navakavāravaṇṇanā
