| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੬. ਨਾવਾਲਗ੍ਗਨਕਙ੍ਗਪਞ੍ਹੋ
6. Nāvālagganakaṅgapañho
੬. ‘‘ਭਨ੍ਤੇ ਨਾਗਸੇਨ, ‘ਨਾવਾਲਗ੍ਗਨਕਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਨਾવਾਲਗ੍ਗਨਕਂ ਬਹੁਊਮਿਜਾਲਾਕੁਲવਿਕ੍ਖੋਭਿਤਸਲਿਲਤਲੇ ਮਹਤਿਮਹਾਸਮੁਦ੍ਦੇ ਨਾવਂ ਲਗ੍ਗੇਤਿ ਠਪੇਤਿ, ਨ ਦੇਤਿ ਦਿਸਾવਿਦਿਸਂ ਹਰਿਤੁਂ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਰਾਗਦੋਸਮੋਹੂਮਿਜਾਲੇ ਮਹਤਿਮਹਾવਿਤਕ੍ਕਸਮ੍ਪਹਾਰੇ ਚਿਤ੍ਤਂ ਲਗ੍ਗੇਤਬ੍ਬਂ, ਨ ਦਾਤਬ੍ਬਂ ਦਿਸਾવਿਦਿਸਂ ਹਰਿਤੁਂ। ਇਦਂ, ਮਹਾਰਾਜ, ਨਾવਾਲਗ੍ਗਨਕਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
6. ‘‘Bhante nāgasena, ‘nāvālagganakassa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, nāvālagganakaṃ bahuūmijālākulavikkhobhitasalilatale mahatimahāsamudde nāvaṃ laggeti ṭhapeti, na deti disāvidisaṃ harituṃ, evameva kho, mahārāja, yoginā yogāvacarena rāgadosamohūmijāle mahatimahāvitakkasampahāre cittaṃ laggetabbaṃ, na dātabbaṃ disāvidisaṃ harituṃ. Idaṃ, mahārāja, nāvālagganakassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਨਾવਾਲਗ੍ਗਨਕਂ ਨ ਪ੍ਲવਤਿ 1 વਿਸੀਦਤਿ, ਹਤ੍ਥਸਤੇਪਿ ਉਦਕੇ ਨਾવਂ ਲਗ੍ਗੇਤਿ ਠਾਨਮੁਪਨੇਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਲਾਭਯਸਸਕ੍ਕਾਰਮਾਨਨવਨ੍ਦਨਪੂਜਨਅਪਚਿਤੀਸੁ ਲਾਭਗ੍ਗਯਸਗ੍ਗੇਪਿ ਨ ਪ੍ਲવਿਤਬ੍ਬਂ, ਸਰੀਰਯਾਪਨਮਤ੍ਤਕੇ ਯੇવ ਚਿਤ੍ਤਂ ਠਪੇਤਬ੍ਬਂ। ਇਦਂ, ਮਹਾਰਾਜ, ਨਾવਾਲਗ੍ਗਨਕਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਸਾਰਿਪੁਤ੍ਤੇਨ ਧਮ੍ਮਸੇਨਾਪਤਿਨਾ –
‘‘Puna caparaṃ, mahārāja, nāvālagganakaṃ na plavati 2 visīdati, hatthasatepi udake nāvaṃ laggeti ṭhānamupaneti, evameva kho, mahārāja, yoginā yogāvacarena lābhayasasakkāramānanavandanapūjanaapacitīsu lābhaggayasaggepi na plavitabbaṃ, sarīrayāpanamattake yeva cittaṃ ṭhapetabbaṃ. Idaṃ, mahārāja, nāvālagganakassa dutiyaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –
‘‘‘ਯਥਾ ਸਮੁਦ੍ਦੇ ਲਗ੍ਗਨਕਂ, ਨ ਪ੍ਲવਤਿ વਿਸੀਦਤਿ।
‘‘‘Yathā samudde lagganakaṃ, na plavati visīdati;
ਤਥੇવ ਲਾਭਸਕ੍ਕਾਰੇ, ਮਾ ਪ੍ਲવਥ વਿਸੀਦਥਾ’’’ਤਿ॥
Tatheva lābhasakkāre, mā plavatha visīdathā’’’ti.
ਨਾવਾਲਗ੍ਗਨਕਙ੍ਗਪਞ੍ਹੋ ਛਟ੍ਠੋ।
Nāvālagganakaṅgapañho chaṭṭho.
Footnotes:
